Posted inଫୁରସତ

ଆଜି ବିଶ୍ୱ ମାତୃ ଦିବସ

”ବୋଉ…।“ କେତେ ଛୋଟିଆ ଏଇ ପଦଟି? ତେବେ, ସେଥିରେ କିଛି କିମିଆ ଅଛି ବୋଧେ। ଥରେ ଡାକିଦେଲେ ମନ ବଦଳିଯାଏ-ଦୁଃଖ ହଜିଯାଏ, କଷ୍ଟ କମିଯାଏ ଓ ଭୟ ଥମିଯାଏ। ଏ ଅନୁଭୂତି ସଭିଙ୍କର। ହେଲେ, କେହି କ’ଣ କେବେ ଭାବିଛି ଯେ ଏମିତି ହୁଏ କାହିଁକି? ଭାବିବାଟା ଏତେ ସହଜ କାମ ନୁହେଁ। ଏଣୁ ଖୁବ୍‌ କମ୍‌ ଲୋକ ଏହା ଠିକ୍‌ଭାବେ କରିପାରନ୍ତି। ସେହିମାନେ ହିଁ ନୂଆ କଥା ଜଣାନ୍ତି ଦୁନିଆକୁ।
ଗଛରୁ କାହିଁକି ତଳକୁ ଖସୁଛି, ସେ କତା ଭାବିବସିଲେ ଗାଲିଲିଓ। ତେଣୁ ସେ ମାଧ୍ୟାକର୍ଷଣ ଶକ୍ତିର ସନ୍ଧାନ ପାଇଲେ। ସେଇଠୁ ଆରମ୍ଭ ହେଲା ପଦାର୍ଥ ବିଜ୍ଞାନରେ ନୂଆ ଯୁଗଟିଏ। ସେହିପରି ମାର୍କୋନିଙ୍କ କଥା ମନେ ପକାନ୍ତୁ। ପୋଖରୀର ପାଣିରେ ଢ଼େଲାଟିଏ ପଡ଼ିଲେ କାହିଁକି ଢ଼େଉ ଉଠୁଛି, ସେ ତାହା ଭାବିବାକୁ ଲାଗିଲେ। ସେଇଥିରୁ ତିଆରି ହେଲା ରେଡ଼ିଓ।
ହେଲେ, ବୋଉ କଥା ନିଆରା। ସେ ଆମର ଅତି ଆପଣାର। ସେଥିପାଇଁ ତାକୁ ନେଇ ଆମ ମନରେ କେବେ ପ୍ରଶ୍ନ ଉଠେନି। ଏହାକୁ ଆଉ ଗୋଟିଏ ବାଟରେ କହିହେବ-
ଆମ ମନକୁ ସଦାବେଳେ ପୁରାପୁରି ଭାବେ ଆବୋରି ବସିଥାଏ। ତେଣୁ ତା’ ବିଷୟ ଆମେ ଭାବିବା କିପରି? ଏଇ ପବନ କଥା ବିଚାର କରୁନା- ଆମ ଚାରିପାଖକୁ ଏହା ଘେରି ରହିଛି। ତା’ ବିନା ଆମେ ଘଡ଼ିଏ ଜୀଇଁ ପାରିବା ନାହିଁ। ହେଲେ, ଆମେ କ’ଣ କଥା ଏତେ ଭାବୁ? ତାହା ଏତେ ଦରକାରୀ ବୋଲି ଖାତିର କରୁ? ତା’ ହୋଇଥିଲେ ଆମେ ତାକୁ ଦୂଷିତ କରନ୍ତୁ କାହିଁକି?
ଏ ତ’ ଗଲା ତମ ଆମର ସାଧାରଣ ବିଚାର। ହେଲେ, ବୈଜ୍ଞାନିକମାନେ ଏହାକୁ ନେଇ ଆଉ ଗୋଟିଏ କଥା କହିଲେ ଯେ, ବୋଉ ସହିତ ଆମର ସମ୍ପର୍କ ମନଠାରୁ ବଳି ପୁରୁଣା। କହିବାକୁ ଗଲେ ସେ ହିଁ ଆମ ମନକୁ ତିଆରି କରେ। ଏମିତି କହିବାର କିଛି କାରଣ ରହିଛି-
ପ୍ରଥମରେ ଆମ ଜୀବନ ଆରମ୍ଭ ହୁଏ ତାହାରି ଦେହ ଭିତରେ। ସେତେବେଳେ ଆମେ ଗୋଟିଏ ମାତ୍ର ଜୀବକୋଷରେ ଗଢ଼ା ହୋଇଥାଉ। ତା’ପରେ ଆମ ଦେହ ଧୀରେ ଧୀରେ ବଢ଼େ। ସେଥିପାଇଁ ଆବଶ୍ୟକ ସବୁ ଜିନିଷ ସେ ଯୋଗାଇ ଦେଇଥାଏ। ଏଣୁ କହିବାକୁ ଗଲେ ଆମେ ରୀତିମତ ତା’ ଦେହର ଅଂଶଟିଏ ହୋଇ ବଢ଼ୁ।
ଆମ ଜୀବକୋଷ ମଧ୍ୟରେ ରହିଛି ପ୍ରାୟ ୩୦ ହଜାର ଜିନ୍‌। ସେଗୁଡ଼ିକର ଗୁଣ ଅନୁସାରେ ଆମ ଦେହ ଓ ମନ ଗଢ଼ା ହୁଏ। ଆମେ ଏଥିରୁ ଅଧେ ପାଇଥାଉ ବାପାଙ୍କଠାରୁ ଏବଂ ଆଉ ଅଧେ ବୋଉଠାରୁ। ଅତଏବ ବୋଉ ଆମ ମନର ମୂଳଦୁଆ ପକାଇଥାଏ।
ପୁଣି କହୁଛନ୍ତି ଯେ, ମନର ଘର ହେଉଛି ମସ୍ତିଷ୍କ। ସୁଖ, ଦୁଃଖ, ରାଗ, ଭୟ, ଭଲ ପାଇବା, ଈର୍ଷା କରିବା ଆଦି ସବୁପାଇଁ ଏଥିରେ ସ୍ଥାନ ଅଛି। ଏସବୁକୁ ନେଇତ ଆମ ମନଗଢ଼ା। ହେଲେ, ଆମ ଦେହରେ ମସ୍ତିଷ୍କ ତିଆରି କାମ ସମ୍ପୂର୍ଣ୍ଣ ନ ହେଉଣୁ ଭୃଣ ଅବସ୍ଥାରେ ମଧ୍ୟ ଆମର କୁଆଡ଼େ ବୋଉ ପାଇଁ ଗୋଟାଏ କିଛି ଭାବନା ଆସିଯାଇଥାଏ। ଏପରି କି ସେ ଗୁଣୁ ଗୁଣୁ ହୋଇ ଗାଉଥିବା ଗୀତ ବି ଆମକୁ ଭଲ ଲାଗେ। ସେତେବେଳକୁ ଆମେ ମୋଟେ ୨୦ ସପ୍ତାହର ଭୃଣ ହୋଇଥାଉ। ଆମ ମସ୍ତିଷ୍କ ତିଆରି କାମ ଆରମ୍ଭ ହୋଇଥାଏ।
ତା’ପରେ ଧୀରେ ଧୀରେ ତାହା ବିକଶିତ ହୁଏ। ସେଥିରେ ମନର ମାନଚିତ୍ରଟିଏ ଆଙ୍କି ହୋଇଯାଏ। କେଉଁପରି ଲୋକେ ଆମକୁ ଭଲ ଲାଗିବେ ତାହା ସେଥିରେ ଥାଏ।
ଏହି ଆଙ୍କିବା କାମ ଅତି ପିଲାଦିନୁ ଆରମ୍ଭ ହୁଏ। ଆମେ ବଢ଼ୁଥିବା ପରିବେଶର ପ୍ରଭାବ ଏହା ଉପରେ ଅନେକ। ସେଇଥିପାଇଁ ପିଲାଦିନେ ନିକଟତର ହୋଇଥିବା ଲୋକେ ଆମକୁ ବେଶି ଭଲ ଲାଗନ୍ତି। ବୋଉ ତ ଆମର ସବୁଠାରୁ ନିକଟତର। ଜନ୍ମ ହେଉ ହେଉ ଆମେ ତା’ର ବାସ୍ନା ବାରିପାରୁ। ତା’ ସ୍ବର ଠଉରାଇପାରୁ। ଏଣୁ ଆମର ଏହି ମନର ମାନଚିତ୍ର ଉପରେ ତା’ର ପ୍ରଭାବ ସବୁଠାରୁ ବେଶି। ସେହି କାରଣରୁ ପ୍ରତ୍ୟେକ ସ୍ତ୍ରୀ-ଲୋକଠାରେ ଆମେ ମନେ ମନେ ତାହାରି ଗୁଣ ଖୋଜି ବସୁ। ଅତଏବ ସେ ହେଲା ଆମ ମନର କାରିଗର।
ନ ଥିବା ପିଲା ଏ ସୁବିଧା ପାଏ ନାହିଁ। ଯଦି ଆଉ ଜଣେ କେହି ତାକୁ ତା’ଭଳି ଆପଣାର କରିନିଏ ତେବେ ସେ କିଛିଟା ସୁଧୁରିଯାଏ। ନ ହେଲେ ତା’ଠାରେ ଭଲ ପାଇବା ଗୁଣ ଭଲ ଭାବେ ବିକଶିତ ହୁଏନାହିଁ। ତା’ ମନ କଠୋର ହୋଇଯାଏ। କାହା ପ୍ରତି ତା’ର ସହଜରେ ଶ୍ରଦ୍ଧା ବା ବିଶ୍ୱାସ ଆସେ ନାହିଁ। ଏଣୁ ବଡ଼ ଦିନକୁ ସେ ଭଲ ମଣିଷଟିଏ ହେବାର ସମ୍ଭାବନା କମ୍‌।

ପ୍ର. ରମେଶ ଚନ୍ଦ୍ର ପରିଡ଼ା
ଉଷା ନିବାସ
୧୨୪/୨୪୪୫ ଖଣ୍ଡଗିରି ବିହାର
ଭୁବନେଶ୍ୱର-୭୫୧୦୩୦
ମୋ: ୯୯୩୭୯୮୫୭୬୭


Enter your email to get our daily news in your inbox.

All Right Reserved By Dharitri.Com

ମାଟିହାଣ୍ଡିରୁ ଟେରାକୋଟା

କୌଳିକ ବୃତ୍ତିର ଦାୟରେ ମାଟି ହାଣ୍ଡିର ମୋହରେ ପଡିଥିବା କୁମ୍ଭକାରଙ୍କ ଆର୍ଥିକସ୍ଥିତି ଧୀରେ ଧୀରେ ଦୁର୍ବଳ ହୋଇପଡିଥିବାବେଳେ ଏବେ ସ୍ଥିତି ସୁଧାରିବାର ବାଟ ଦେଖାଇଛି ଟେରାକୋଟା.....

କେକ୍‌ ଭାବି ଅନ୍‌ଲାଇନ୍‌ରୁ ଅର୍ଡର କଲେ ଘଷି: ଖାଇବା ପରେ ଦେଲେ ଏଭଳି ରିଭ୍ୟୁ

ଅନ୍‌ଲାଇନ୍‌ ସପିଂ କରିବାର ଅନେକ ଲାଭ ରହିଛି। ସବୁଠାରୁ ବଡ଼ ଲାଭ ହେଲା ଘରେ ବସି ଜିନିଷ ପାଇପାରିବା। ଅନ୍‌ଲାଇନ୍‌ରୁ ଅର୍ଡର କରିବା ପୂର୍ବରୁ ପ୍ରଥମେ...

ଡାକ୍ତର ତିିଆରି କଲେ ଏମିତି ମେଶିନ, ଏଥିରୁ ରୋଗୀଙ୍କୁ ଦେଉଛନ୍ତି ଅମ୍ଳଜାନ

ଭୋପାଳ,୪।୫: ମଧ୍ୟପ୍ରଦେଶର ମାଲଓ୍ବା ଜିଲାରେ ରୋଗୀଙ୍କୁ ଲଗାତର ଅକ୍ସିଜେନ ଅଭାବ ପଡୁଥିବା ଦେଖିବାକୁ ମିଳିଛି। ସରକାରୀ ହସ୍ପିଟାଲର ଡାକ୍ତର ଏବଂ କର୍ମଚାରୀ ରୋଗୀଙ୍କ ଜୀବନ ବଞ୍ଚାଇବା...

ଦୀପାବଳି : ପୁରାଣରୁ ବର୍ତ୍ତମାନ…

ଦୀପାବଳି ବିଭିନ୍ନ ପୌରାଣିକ ମତବାଦ ଓ ଧର୍ମୀୟ ବିଶ୍ୱାସ ସହିତ ଜଡ଼ିତ। ପ୍ରକୃତରେ ଏହା ଏକ କୃଷିଭିତ୍ତିକ ପର୍ବ। ଫସଲ ଅମଳ ସମୟରେ ପୋକ ନିୟନ୍ତ୍ରଣ...

ଝିଅର ପ୍ରେମ ବିବାହକୁ ବନ୍ଦ କରିବା ପାଇଁ କରୋନାକୁ ଅସ୍ତ୍ର କଲେ ମା-ବାପା

ଭୋପାଳ, ୨୩।୭: କରୋନା ମହାମାରୀ ସମୟରେ ମଧ୍ୟପ୍ରଦେଶର ଭୋପାଳରୁ ଏକ ନିଆରା ପ୍ରେମ କାହାଣୀ ସାମ୍ନାକୁ ଆସିଛି। ଝିଅର ପ୍ରେମ ବିବାହକୁ ବିରୋଧ କରିବାକୁ ଯାଇ...

କାହିଁକି ହୋଇଥାଏ ବାଦଲ ଫଟା ବର୍ଷା, ଜାଣନ୍ତୁ ଏ ସମ୍ପର୍କରେ…

ଉତ୍ତରାଖଣ୍ଡରେ ପୁଣି ଥରେ ବାଦଲ ଫଟା ବର୍ଷା ହୋଇଛି। ଯେପରି କେଦାରନାଥରେ ହୋଇଥିଲା, ଠିକ୍‌ ସେହିପରି ପିଥୋରାଗଡ଼ରେ ବାଦଲ ଫାଟିବାରୁ ଅନେକ ଘରଦ୍ୱାର ନଷ୍ଟ ହୋଇଯାଇଛି।...

ଡେକୋରେଟେଡ୍‌ ଟୟଲେଟ୍‌ ସିଟ୍‌ ସଂଗ୍ରହାଳୟ

ଅନେକ ଅଜବ ସଂଗ୍ରହାଳୟ ସମ୍ପର୍କରେ ଆମେ ଆଗରୁ କହିଛୁ। ତେବେ ଏଠି ଯେଉଁ ସଂଗ୍ରହାଳୟ କଥା କୁହାଯାଉଛି, ସେ ବି ବହୁତ ଖାସ୍‌। କାରଣ ଏ...

୧୧ ଲକ୍ଷ ଟଙ୍କାରେ ବିକ୍ରି ହେଲା ‘ତୈମୁର’

ଇଦ୍‌-ଉଲ୍‌-ଜୁହାକୁ ନେଇ ଏବେଠୁ ପ୍ରସ୍ତୁତି ଆରମ୍ଭ ହୋଇଗଲାଣି। ଇଦ୍‌ ଉପଲକ୍ଷେ ବଜାରରେ ଛେଳିଙ୍କ ଦାମ୍‌ ମଧ୍ୟ ଆକାଶଛୁଆଁ। ଅନ୍‌ଲାଇନ୍‌ ମାର୍କେଟ୍‌ରେ ବି ଲକ୍ଷାଧିକ ଟଙ୍କାରେ ଛେଳି...

Advertisement
Archives

Model This Week