ବିପର୍ଯ୍ୟୟ ପଥରେ ବିଶ୍ୱ

ବର୍ଲିନ,୧୯ା୯: ସବୁଜଗୃହ ବାଷ୍ପ (ଗ୍ରୀନ୍‌ହାଉସ୍‌ ଗ୍ୟାସ୍‌) ଉତ୍ସର୍ଜନ ହ୍ରାସ ପାଇଁ ଦେଶଗୁଡ଼ିକ ଦେଇଥିବା ପ୍ରତିଶ୍ରୁତି ପୂରଣ ହୋଇପାରୁନାହିଁ। ଏହାର ପରିଣତି ସ୍ବରୂପ ଆମେ ଏକ ଉତ୍ତପ୍ତ ଭବିଷ୍ୟତ ଆଡ଼କୁ ଗତି କରୁଛେ। ଏହା ଶୁଣିଲେ ଯେତିକି ବ୍ୟତିବ୍ୟସ୍ତ ଲାଗୁଛି ତା’ଠାରୁ ବି ଅଧିକ ସଙ୍କଟ ସୃଷ୍ଟି ହୋଇପାରେ। ଏହି କଥା ଚେତାଇ ଦେଇଛନ୍ତି ଜାତିସଂଘ ମୁଖ୍ୟ ଆଣ୍ଟୋନିଓ ଗୁଟେରେସ୍‌ । ଏପରି କି ସମଗ୍ର ବିଶ୍ୱ ୨.୭ ଡିଗ୍ରୀ ସେଲ୍‌ସିୟସ ଉତ୍ତପ୍ତର ବିପର୍ଯ୍ୟୟ ପଥରେ ରହିଛି ବୋଲି ଗୁଟେରେସ୍‌ କହିଛନ୍ତି।
ଆକଳନ ସମୟଠାରୁ ଜଳବାୟୁ ପରିବର୍ତ୍ତନ ଶୀଘ୍ର ଘଟୁଛି ଏବଂ ଜୀବାଶ୍ମ ଇନ୍ଧନରୁ ଗ୍ରୀନ୍‌ ହାଉସ୍‌ ଗ୍ୟାସ୍‌ ନିର୍ଗମନ ବୃଦ୍ଧି ପାଉଛି। ତେଣୁ ବିଶ୍ୱତାପନ ଏବଂ ଜଳବାୟୁ ବିପର୍ଯ୍ୟୟକୁ ରୋକିବା ପାଇଁ ଗ୍ରୀନ୍‌ହାଉସ ଗ୍ୟାସ ନିର୍ଗମନକୁ ଶୀଘ୍ର ଏବଂ ବୃହତ୍‌ ଆକାରରେ ହ୍ରାସ କରିବାକୁ ଜାତିସଂଘ ମୁଖ୍ୟ ଗୁଟେରେସ୍‌ ଶୁକ୍ରବାର ଆହ୍ବାନ ଦେଇଛନ୍ତି।
ଆସନ୍ତା ଅକ୍ଟୋବର ୩୧ରୁ ନଭେମ୍ବର ୧୨ ଯାଏ ସ୍କଟଲାଣ୍ଡର ଗ୍ଲାସ୍‌ଗୋରେ ହେବାକୁ ଥିବା ଜାତିସଂଘର ୨୬ତମ ଜଳବାୟୁ ପରିବର୍ତ୍ତନ ସମ୍ମିଳନୀ (କୋପ୍‌-୨୬) ପୂର୍ବରୁ ଗୁଟେରେସ୍‌ଙ୍କ ଆହ୍ବାନ ଗୁରୁତ୍ୱ ବହନ କରୁଛି।
୨୦୧୫ରେ ପ୍ୟାରିସ୍‌ରେ ଅନୁଷ୍ଠିତ ଜଳବାୟୁ ପରିବର୍ତ୍ତନ ସମ୍ମିଳନୀରେ ଏକ ଐତିହାସିକ ରାଜିନାମା ଖସଡ଼ା ପ୍ରସ୍ତୁତ ହୋଇଥିଲା। ତଦନୁଯାୟୀ ବିଶ୍ୱତାପନ ୨ ଡିଗ୍ରୀ ସେଲ୍‌ସିୟସ ପର୍ଯ୍ୟନ୍ତ ହ୍ରାସ କରିବା ପାଇଁ ୧୯୧ଟି ଦେଶର ନେତୃବୃନ୍ଦ ନିଷ୍ପତ୍ତି ନେଇଥିଲେ। ଏହାସହ ମନୃଷ୍ୟକୃତ ବିଶ୍ୱତାପନକୁ ପୂର୍ବ-ଔଦ୍ୟୋଗିକ ତାପମାତ୍ରାଠାରୁ ୧.୫ ଡିଗ୍ରୀ ସେଲ୍‌ସିୟସ ମଧ୍ୟରେ ସୀମିତ ରଖାଯିବାକୁ ଲକ୍ଷ୍ୟ ରଖାଯାଇଥିଲା। କିନ୍ତୁ ଏହି ଲକ୍ଷ୍ୟକୁ ଗୁଟେରେସ୍‌ଙ୍କ ଚେତାବନୀ ଚୂର୍‌ମାର କରିଦେବା ଆଶଙ୍କା ସୃଷ୍ଟି କରିଛି।
ବୈଜ୍ଞାନିକମାନଙ୍କ କହିବାନୁଯାୟୀ ବିପର୍ଯ୍ୟସ୍ତ ଜଳବାୟୁ ପରିବର୍ତ୍ତନକୁ ରୋକିବା ପାଇଁ ୨୦୩୦ ସୁଦ୍ଧା ଗ୍ରୀନ୍‌ହାଉସ୍‌ ଗ୍ୟାସ୍‌ ନିର୍ଗମନ ୪୫% ହ୍ରାସ କରିବା ଜରୁରୀ। କିନ୍ତୁ ତାହା ସମ୍ଭବ ହେବା ଅତ୍ୟନ୍ତ କଷ୍ଟସାଧ୍ୟ ମନେହେଉଛି। କାରଣ ୨୦୧୦ ତୁଳନାରେ ୨୦୩୦ରେ ବିଶ୍ୱର ମୋଟ ଗ୍ରୀନ୍‌ହାଉସ୍‌ ଗ୍ୟାସ୍‌ ନିର୍ଗମନ ୧୬% ବୃଦ୍ଧି ପାଇବ ବୋଲି ଜାତିସଂଘର ନୂଆ ବିଶ୍ଲେଷଣରୁ ଜଣାପଡ଼ିଛି। ଫଳରେ ସାରା ବିଶ୍ୱରେ ପ୍ରଳୟଙ୍କରୀ ବନ୍ୟାଠାରୁ ଆରମ୍ଭ କରି ବୃହତ୍‌ ବନାଗ୍ନି, ବାତ୍ୟା, ଝଡ଼ ଆଦି ଦେଖିବାକୁ ମିଳିବ। ଜଳବାୟୁ ସମ୍ବନ୍ଧୀୟ ବିପର୍ଯ୍ୟୟରୁ କୌଣସି ଦେଶ ସୁରକ୍ଷିତ ନୁହନ୍ତି। ଏହି ପରିବର୍ତ୍ତନଗୁଡ଼ିକ କେବଳ ଖରାପ ପର୍ଯ୍ୟାୟର ଆରମ୍ଭ। ତେଣୁ ୨୦୧୫ ପ୍ୟାରିସ ଜଳବାୟୁ ଚୁକ୍ତିର ଲକ୍ଷ୍ୟ ପୂରଣ କରିବାକୁ ଜାତିସଂଘ ମୁଖ୍ୟ ଗୁଟେରେସ୍‌ ଆହ୍ବାନ ଦେଇଛନ୍ତି।
ଜାତିସଂଘର ଜଳବାୟୁ ମୁଖ୍ୟ ପାଟ୍ରିସିଆ ଏସ୍ପିନୋସା କହିଛନ୍ତି, ସାମଗ୍ରିକ ଭାବେ ଗ୍ରୀନ୍‌ ହାଉସ୍‌ ଗ୍ୟାସ୍‌ ନିର୍ଗମନ ସଂଖ୍ୟାର ବାସ୍ତବିକ ଆକଳନ ହୋଇପାରୁନାହିଁ। ଆମ ଟେବୁଲରେ ଯାହା ତଥ୍ୟ ଅଛି, ତାହା ପର୍ଯ୍ୟାପ୍ତ ନୁହେଁ। କିନ୍ତୁ କିଛି ଦେଶ ସହ ଆଲୋଚନାରେ ତାଙ୍କୁ ବହୁତ ସକାରାତ୍ମକ ସଙ୍କେତ ମିଳିଛି ଯେ, ଗ୍ଲାସ୍‌ଗୋରେ ହେବାକୁ ଥିବା କୋପ୍‌-୨୬ ପୂର୍ବରୁ ନିର୍ଗମନ ହ୍ରାସ ନେଇ ନୂଆ ପ୍ରତିଶ୍ରୁତି ମିଳିବ। ଚାଇନା ପରେ ଆମେରିକା ଦ୍ୱିତୀୟ ଏବଂ ୨୭ ଦେଶ ବିଶିଷ୍ଟ ୟୁରୋପୀୟ ସଂଘ ହେଉଛି ବିଶ୍ୱର ତୃତୀୟ ବୃହତ୍‌ ଗ୍ରୀନ୍‌ହାଉସ୍‌ ଗ୍ୟାସ୍‌ ନିର୍ଗମନକାରୀ। ଆମେରିକା ଏବଂ ୟୁରୋପୀୟ ସଂଘ ଚଳିତବର୍ଷ ନିର୍ଗମନ ହ୍ରାସ କରିବାକୁ ଲକ୍ଷ୍ୟ ରଖିଛନ୍ତି। କିନ୍ତୁ ବିଶ୍ୱର ପ୍ରାୟ ଅଧା ନିର୍ଗମନ ପାଇଁ ଦାୟୀ ଦେଶଗୁଡିକ ଏପର୍ଯ୍ୟନ୍ତ ତାହା କରିନାହାନ୍ତି। ସେମାନଙ୍କ ମଧ୍ୟରେ ଚାଇନା, ଭାରତ ଏବଂ ସାଉଦି ଆରବ ରହିଛି। ବ୍ରାଜିଲ ଏବଂ ମେକ୍ସିକୋ ନୂଆ ପ୍ରତିଶ୍ରୁତି ଦାଖଲ କରିଛନ୍ତି। ତାହାକୁ ବିଶ୍ଲେଷଣ ପରେ ସେହି ଦେଶର ପୂର୍ବ ଲକ୍ଷ୍ୟ ଅପେକ୍ଷା ଅଧିକ ନିର୍ଗମନ ହେବ ବୋଲି ବିଶ୍ଲେଷଜ୍ଞମାନେ କହିଛନ୍ତି।
କୋପ୍‌-୨୬ର ସଭାପତି ଆଲୋକ ଶର୍ମାଙ୍କ ମତରେ ସମସ୍ତ ଦେଶ, ବିଶେଷକରି ବୃହତ୍‌ ଅର୍ଥବ୍ୟବସ୍ଥା ସମ୍ପନ୍ନ ଦେଶଗୁଡ଼ିକର ପଦକ୍ଷେପ ବିନା ନିର୍ଗମନ ହ୍ରାସ ପ୍ରୟାସ ବୃଥା ହେବା ଆଶଙ୍କା ରହିଛି। କାରଣ ଭାରତ ସମେତ ଅନ୍ୟ ଦେଶଗୁଡିକ କହିଛନ୍ତି, ସ୍ବଳ୍ପ କାର୍ବନ ଶକ୍ତି ଏବଂ ଶିଳ୍ପରେ ବିନିଯୋଗ ପାଇଁ ଧନୀ ଦେଶଗୁଡ଼ିକଠାରୁ ଅଧିକ ସହଯୋଗ ନ ପାଇଲେ ସେମାନେ ଶୀଘ୍ର ନିର୍ଗମନ ହ୍ରାସ କରିପାରିବେ ନାହିଁ। ପ୍ୟାରିସ୍‌ ଚୁକ୍ତିରେ ଜଳବାୟୁ ପରିବର୍ତ୍ତନ ସମସ୍ୟାର ସମାଧାନ ଲାଗି ବିକାଶୋନ୍ମୁଖୀ ଦେଶଗୁଡ଼ିକ ୨୦୨୦ରୁ ବାର୍ଷିକ ୧୦୦ ବିଲିୟନ ଆମେରିକୀୟ ଡଲାର ପର୍ଯ୍ୟନ୍ତ ସହଯୋଗ କରିବାକୁ ସହମତି ପ୍ରକାଶ ପାଇଥିଲା। କିନ୍ତୁ ତାହା ହୋଇପାରି ନ ଥିବା ଆର୍ଥିକ ସହଯୋଗ ଏବଂ ବିକାଶ ସଂଗଠନ (ଓଇସିଡି) ପକ୍ଷରୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ଜୀବନ କାଳ ମଧ୍ୟରେ ୨୦ କିଲୋଗ୍ରାମ ପ୍ଲାଷ୍ଟିକ୍‌ ଖାଉଛନ୍ତି ଲୋକେ!

ଲଣ୍ଡନ,୯ା୧୨: ଥରେ ଚିନ୍ତା କଲେ ଯଦି ଆପଣ କାହାକୁ ପଚାରନ୍ତି କ’ଣ ଖାଇଛନ୍ତି? ଯଦି ଉତ୍ତର ମିଳେ କ୍ରେଡିଟ୍‌ କାର୍ଡ, ବର୍ଗର, ପିଭିସି ପାଇପ ଇତ୍ୟାଦି।...

ଯେଉଁଠି ଜିନ୍ସ ପିନ୍ଧିବା ମନା, ଜଗିଂ କଲେ ମିଳିବ ଦଣ୍ଡ

ବିଶ୍ୱର ବିଭିନ୍ନ ଦେଶରେ ଭିନ୍ନ ଭିନ୍ନ ଆଇନ୍‌କାନୁନ ଥାଏ। ଆଇନ୍‌ ଭୁଲ ହେଉ କି ଠିକ୍‌ ଉକ୍ତ ଦେଶର ଲୋକେ ନିୟମ ମାନି ଚଳିବା ଶିରୋଧାର୍ଯ୍ୟ।...

ଜନ୍ମହାର ବୃଦ୍ଧି ପାଇଁ ଇରାନ ସରକାରଙ୍କ ନୂଆ ଫର୍ମୁଲା

ତେହେରାନ,୨୨ ।୭: ଗତ କିଛି ବର୍ଷ ହେବ ଇରାନରେ ଜନ୍ମହାର କମ୍ ଏକ ସମସ୍ୟା ହୋଇ ମୁଣ୍ଡ ଟେକିଛି । ବିଶ୍ୱର କିଛି ଦେଶ ତୁଳନାରେ...

ଦୀର୍ଘକାଳ ବୁଡ଼ିଥିଲେ, ଏବେ ଉଠିଲେ

ଓ୍ବାଶିଂଟନ,୩୦।୧୦: ପ୍ରଶାନ୍ତ ମହାସାଗରରେ ଅତଳ ଜଳରାଶି ମଧ୍ୟରୁ ଉପରକୁ ଉଠିଛି ୨ ଡଜନ ଘୋଷ୍ଟ ଶିପ୍‌। ଆଗ୍ନେୟଗିରି ଉଦ୍‌ଗିରଣ ଯୋଗୁ ଏହି ଜାହାଜଗୁଡ଼ିକ ଉଠିଆସିଥିବା ଜଣାପଡ଼ିଛି।...

ବିବାହରେ ନବଦମ୍ପତିଙ୍କୁ ସାଙ୍ଗମାନେ ଦେଲେ ଏମିତି ଉପହାର, ହସିହସି ଗଡ଼ିଲେ ସମସ୍ତେ

ତାମିଲନାଡୁରେ ଏକ ବିବାହ ଉତ୍ସବରେ ନବଦମ୍ପତିଙ୍କୁ ତାଙ୍କ ସାଙ୍ଗମାନେ ଏକ ନିଆରା ଉପହାର ଦେଇଛନ୍ତି। ଯାହାକୁ ଦେଖି ନବଦମ୍ପତି ହସି ହସି ବେଦମ ହୋଇଯାଇଛନ୍ତି। ଏହାର...

ସାଧାରଣ ଥଣ୍ଡା ଅବା କାଶକୁ ହେୟଜ୍ଞାନ କରନ୍ତୁ ନାହିଁ, ସମସ୍ତ ଅଙ୍ଗ ଅକାମୀ ହେବା ଆଶଙ୍କା, ଡବ୍ଲ୍ୟୁଏଚ୍‌ଓର ଚେତାବନୀ…

ଜେନେଭା, ୫।୧ : ପୃଥିବୀରେ କରୋନା ମହାମାରୀର ନୂଆ ଭାରିଆଣ୍ଟ୍‌ ଓମିକ୍ରନ୍‌ ଯୋଗୁ ସଙ୍କଟ ସୃଷ୍ଟି ହେବାରେ ଲାଗିଛି। ଓମିକ୍ରନ୍‌ ଭାରତ ସମେତ ପୃଥିବୀର ବହୁ...

୨୦୨୨ରେ ଶେଷ ହେବ ମହାମାରୀ

ଜେନେଭା,୨।୧: କୋଭିଡ୍‌-୧୯ ମହାମାରୀ ତୃତୀୟ ବର୍ଷରେ ପହଞ୍ଚତ୍ଥିବା ବେଳେ ୨୦୨୨ରେ ଏହା ଶେଷ ହେବ ବୋଲି ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ) ମୁଖ୍ୟ ଟେଡ୍ରୋସ୍‌ ଆଧାନମ...

ସୋସିଆଲ ମିଡିଆରେ ଗୋଟିଏ ପୋଷ୍ଟ କରିବାକୁ ଏତିକି ଟଙ୍କା ନିଅନ୍ତି ସେଲିବ୍ରିଟି

ଆଜିକାଲି ସୋସିଆଲ ମିଡିଆ ବେଶ୍‌ ଲୋକପ୍ରିୟତା ହାସଲ କରିଛି। ରାଜନେତାଙ୍କଠାରୁ ଆରମ୍ଭ କରି ଅଭିନେତା/ଅଭିନେତ୍ରୀମାନେ ସୋସିଆଲ ମିଡିଆ ଜରିଆରେ ନିଜ ମତ ପ୍ରକାଶ କରୁଛନ୍ତି। କିନ୍ତୁ...

Advertisement


Archives

Model This Week