ନୂଆଦିଲ୍ଲୀ,୧୮।୧୧: ନ୍ୟୁଜିଲାଣ୍ଡ ବିପକ୍ଷରେ ଦମଦାର ରନ ସଂଗ୍ରହ କରି ଫାଇନାଲରେ ଏଣ୍ଟ୍ରି କରିଛି ଭାରତ। ରବିବାର ଫାଇନାଲ ମ୍ୟାଚରେ ଭାରତ ଅଷ୍ଟ୍ରେଲିଆକୁ ଭେଟିବାକୁ ଯାଉଛି। ଟିମ୍ ଇଣ୍ଡିଆର ପାଓ୍ବାର ପ୍ୟାକ୍ ଖେଳାଳୀ ବିରାଟ କୋହଲ, ଶ୍ରେୟସ ଆୟର ଓ ମହମ୍ମଦ ଶାମି ଫାଇନାଲରେ ଧୂଆଁଧାର ପ୍ରଦର୍ଶନ ପାଇଁ ପ୍ରସ୍ତୁତ ହୋଇଗଲେଣି।
ଏହାରି ଭିତରେ ଶୁକ୍ରବାର ଫାଇନାଲ ମ୍ୟାଚ ପାଇଁ ଅମ୍ପାୟର୍ସଙ୍କ ନାଁ ଘୋଷଣା ହୋଇଛି। ତାଲିକାରେ ରିଚର୍ଡ କେଟଲବୋରୋଙ୍କ ନାଁ ଦେଖି ସବୁ ଭାରତୀୟଙ୍କୁ ଝଟକା ଲାଗିଛି। କାରଣ ଯେବେ ବି ରିଚର୍ଡ ଭାରତର ଆଇସିସି ମ୍ୟାଚରେ ଅମ୍ପାୟରିଂ କରିଛନ୍ତି ସେହି ମ୍ୟାଚରେ ଭାରତ ପରାଜୟ ହୋଇଛି।
୨୦୧୪ରେ ହୋଇଥିବା ଭାରତ-ଶ୍ରୀଲଙ୍କା ଟି-୨୦ ବିଶ୍ୱକପ ଫାଇନାଲରେ ରିଚର୍ଡ ଅମ୍ପାୟରିଂ କରିଥିଲେ। ଏହି ମ୍ୟାଚରେ ଭାରତ ପରାଜୟ ହୋଇଥିଲା। ସେହିପରି ୨୦୧୫ରେ ଭାରତ ଓ ଅଷ୍ଟ୍ରେଲିଆ ମୁହାଁମୁହିଁ ହୋଇଥିଲେ ସେଥିରେ ମଧ୍ୟ ଭାରତ ମ୍ୟାଚ ହାରିଥିଲା। ଏହି କ୍ରମରେ ୨୦୧୬ରେ ଟି-୨୦ ସେମି ଫାଇନାଲରେ ରିଚାର୍ଡ ଥିବା ଯୋଗୁ େଓଷ୍ଟଇଣ୍ଡିଜ ଠାରୁ ଭାରତ ହାରିଥିଲା। ୨୦୧୭ ଚାମ୍ପିୟନ ଟ୍ରଫି ଫାଇନାଲରେ ପଡୋଶୀ ପାକିସ୍ତାନ ଠାରୁ ଭାରତ ଟିମ୍ ହାରିଥିଲା।
