Posted inଫୁରସତ

ପ୍ରତିରୋଧକ ବ୍ୟବସ୍ଥାକୁ ଗୁରୁତ୍ୱ

ଦିନକୁଦିନ ସମଗ୍ର ବିଶ୍ୱରେ କର୍କଟ ରୋଗୀଙ୍କ ସଂଖ୍ୟା ସହ ଏହି ରୋଗଜନିତ ମୃତ୍ୟୁହାର ବୃଦ୍ଧି ପାଉଛି। ଗ୍ଲୋବୋକାନ ଆକଳନ ଅନୁଯାୟୀ, ୨୦୪୦ ମସିହା ସୁଦ୍ଧା ବିଶ୍ୱବ୍ୟାପୀ କର୍କଟ ରୋଗୀଙ୍କ ସଂଖ୍ୟା ୨୮.୯ ମିଲିଅନ୍‌ ହେବ ବୋଲି ଆଶା କରାଯାଉଛି, ଯାହା ୨୦୨୦ ମସିହାରୁ ୪୭% ବୃଦ୍ଧି ପାଇଛି। କିନ୍ତୁ ଭାରତରେ ଏହି ସଂଖ୍ୟା ୨୦୨୨ରୁ ୬୬ ପ୍ରତିଶତ ବୃଦ୍ଧି ପାଉଛି। ଭାରତରେ ଦେଖାଦେଉଥିବା ପ୍ରାୟ ୬୦-୭୦ ପ୍ରତିଶତ (୪୦% ତମାଖୁ ସମ୍ବନ୍ଧୀୟ, ୨୦% ସଂକ୍ରମଣ ସମ୍ବନ୍ଧୀୟ ଏବଂ ୧୦% ଅନ୍ୟାନ୍ୟ କାରଣ) କ୍ୟାନ୍‌ସର ସମ୍ଭାବ୍ୟ ପରିବର୍ତ୍ତନଶୀଳ ଏବଂ ପ୍ରତିରୋଧକ ବିପଦ କାରଣରୁ ହୋଇଥାଏ। ତେଣୁ ଯଥା ସମୟରେ ରୋଗର ପରିବର୍ତ୍ତନଶୀଳ ବିପଦର କାରଣଗୁଡ଼ିକ ଜାଣି ଏହାକୁ ଯଥାସମ୍ଭବ ରୋକାଯାଇପାରିବ। ହେଲେ ଆମ ଦେଶରେ କର୍କଟ ଚିକିତ୍ସା ପାଇଁ ସୀମିତ ସୁବିଧା ଥିବାରୁ ପ୍ରତିରୋଧକ ବ୍ୟବସ୍ଥା ଉପରେ ଧ୍ୟାନ ଦେବା ହିଁ ଏହି ରୋଗର ମୁକାବିଲା କରିବାର ଏକମାତ୍ର ପ୍ରଭାବଶାଳୀ ଉପାୟ।
ଭାରତୀୟଙ୍କ ପାଇଁ ନିର୍ଦ୍ଦିଷ୍ଟ ଚିନ୍ତାର କାରଣଗୁଡ଼ିକ ହେଉଛି- ଧୂମହୀନ ତମାଖୁ, ଆରେକା, ଗୁଆ ଚୋବାଇବା(ପ୍ରାୟତଃ ତମାଖୁ ସହିତ), ମଦ୍ୟପାନ। ଆନୋ-ଜେନିଟାଲ୍‌ ଏଚ୍‌ପିଭି ଏବଂ ହେପାଟାଇଟିସ ଭଳି ରୋଗ ସଂକ୍ରମଣ, ଅସନ୍ତୁଳିତ ଖାଦ୍ୟାଭ୍ୟାସ ସହିତ ମେଦବହୁଳତା ଏବଂ ଶାରୀରିକ ପରିଶ୍ରମର ଅଭାବ ମଧ୍ୟ କର୍କଟ ରୋଗର ବୃଦ୍ଧି ପାଇବାର ମୁଖ୍ୟ କାରଣ।
କ୍ୟାନ୍‌ସର ରୋଗର କାରଣ, ଭୟାବହତା ଏବଂ ଏହାକୁ ପ୍ରତିରୋଧ କରିବା ଦିଗରେ ଜନ ସାଧାରଣଙ୍କୁ ଅବଗତ କରାଇବା ଉଦ୍ଦେଶ୍ୟରେ ପ୍ରତିବର୍ଷ ଫେବୃୟାରୀ- ୪ ତାରିଖରେ ବିଶ୍ୱ କର୍କଟ ଦିବସ ପାଳନ କରାଯାଉଛି। ତେବେ କେବଳ ଗୋଟିଏ ଦିନ ନୁହେଁ ଏହି ମାସକୁ ମଧ୍ୟ କର୍କଟ ମାସ ଭାବେ ପାଳନ କରାଯାଉଛି। ତେବେ ଏହି ଦିବସ ଉପଲକ୍ଷେ ଚଳିତ ବର୍ଷର ଥିମ୍‌ ରହିଛି ‘ କ୍ଲୋଜ୍‌ ଦ କେୟାର୍‌ ଗ୍ୟାପ୍‌’, ଅର୍ଥାତ୍‌ ରୋଗୀର ଚିକିତ୍ସା ଏବଂ ଯତ୍ନ ପ୍ରତି ଅଧିକ ଯତ୍ନଶୀଳ ହେବା। ଏହି ଅଭିଯାନରେ ସମଗ୍ର ବିଶ୍ୱରେ କର୍କଟ ରୋଗର ଅସମାନତାକୁ ବୁଝିବା ଏବଂ ଚିହ୍ନିବା ବିଷୟରେ ଗୁରୁତ୍ୱ ଦିଆଯାଉଛି।
ଏ ବର୍ଷର ସ୍ଲୋଗାନ
ଚିକିତ୍ସା ଜଗତରେ ଗୁରୁତର ରୋଗ ମଧ୍ୟରେ କ୍ୟାନ୍‌ସର ଅନ୍ୟତମ। ପ୍ରାରମ୍ଭିକ ସ୍ତରରେ ଏହାକୁ ନିର୍ଣ୍ଣୟ କରାଯାଇପାରିଲେ ସେଥିରୁ କେତେକେ ଆରୋଗ୍ୟ ଲାଭ କରିପାରୁଛନ୍ତି। ହେଲେ ଏହା ବିଳମ୍ବରେ ଜଣାପଡ଼ିଲେ କିମ୍ବା ଚିକିତ୍ସାରେ ଅବହେଳା ହେଲେ ତାହା ପ୍ରାଣଘାତକ ସାଜିଥାଏ। ତେଣୁ ଏହାର କାରଣ ଏବଂ ଚିକିତ୍ସା ପ୍ରତି ସତେଚତନା ସୃଷ୍ଟି ଲାଗି ପ୍ରତିବର୍ଷ ଫେବୃୟାରୀ ୪ ତାରିଖକୁ ‘ବିଶ୍ୱ କର୍କଟ(କ୍ୟାନ୍‌ସର) ଦିବସ’ ଭାବରେ ପାଳନ କରାଯାଇଆସୁଛି। ଏହି ଅବସରରେ ଚଳିତ ବର୍ଷର ଥିମ୍‌ ରହିଛି ‘କ୍ଲୋଜ୍‌ ଦ କେୟାର ଗ୍ୟାପ୍‌’। ଅର୍ଥାତ୍‌ କ୍ୟାନ୍‌ସର ରୋଗୀଙ୍କ ଯତ୍ନ ନେବା ସମୟରେ ଥିବା ଦୂରତ୍ୱ ଯେତେ କମ୍‌ ହେବ ସେତେ ଭଲ। କ୍ୟାନ୍‌ସରର ଲକ୍ଷଣ ବିଷୟରେ ସମସ୍ତେ ଅବଗତ ହେବା ଆବଶ୍ୟକ। ତେବେ ଏ ସମ୍ପର୍କରେ ଜାଣିବା ମାତ୍ରେ ବିଳମ୍ବ ନ କରି ଅଭିଜ୍ଞ କ୍ୟାନ୍‌ସର ବିଶେଷଜ୍ଞଙ୍କ ସହ ପରାମର୍ଶ କରି ଚିକିତ୍ସିତ ହେବା ଜରୁରୀ।
ସନ୍ତୁଳିତ ଖାଦ୍ୟ କମାଏ କ୍ୟାନ୍‌ସର ଆଶଙ୍କା
ଜଣେ ବ୍ୟକ୍ତି ଯଦି ସବୁବେଳେ ସନ୍ତୁଳିତ ଖାଦ୍ୟ ଖାଆନ୍ତି ତେବେ ସେ କେତେକାଂଶରେ ନିଜକୁ କ୍ୟାନ୍‌ସରଠାରୁ ଦୂରେଇ ରଖିପାରିବେ ବୋଲି ଏକ ସର୍ଭେରୁ ଜଣାପଡିଛି। ‘କ୍ୟାନ୍‌ସର ଆଶଙ୍କା କମ୍‌ ପାଇଁ ସନ୍ତୁଳିତ ଖାଦ୍ୟର ଭୂମିକା’ ଶୀର୍ଷକ ବିଷୟକୁ ନେଇ ୟୁନିଭର୍ସିଟି ଅଫ ଲଣ୍ଡନର କ୍ୟାନ୍‌ସର ବିଜ୍ଞାନୀମାନେ ଏକ ସର୍ଭେ କରିଥିଲେ। ସର୍ଭେ ପରିସରଭୁକ୍ତ ବ୍ୟକ୍ତିଙ୍କ ମଧ୍ୟରୁ ଯେଉଁମାନେ ସବୁବେଳେ ସନ୍ତୁଳିତ ଖାଦ୍ୟ ଖାଉଥିଲେ ସେମାନଙ୍କ ଭିତରୁ ପ୍ରାୟ ୪୦ ପ୍ରତିଶତ ବ୍ୟକ୍ତିଙ୍କଠାରେ କ୍ୟାନ୍‌ସର ଲକ୍ଷଣ ଦେଖିବାକୁ ମିଳି ନ ଥିଲା।

-ଡା. ଚିନ୍ମୟ ପାଣି,
କର୍କଟ ରୋଗ ବିଶେଷଜ୍ଞ, ଆପୋଲୋ ହସ୍ପିଟାଲ, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri