ମହାମାରୀ କରୋନା କବଳରେ ସାରା ବିଶ୍ୱ। ଲକ୍ଡାଉନ୍ରେ ଫସି ରହିଛନ୍ତି କୋଟି କୋଟି ଲୋକ। ସଂକ୍ରମଣକୁ ଭୟ କରି କିଛି ଲୋକ ସହର ଛାଡ଼ି ଗାଁ ମୁହାଁ ହୋଇଛନ୍ତି। ଏପରି ଏକ ଘଟଣା କ୍ରମରେ ଫ୍ରାନ୍ସର ଜଣେ ଯୁବତୀଙ୍କ ସହ ଆଶ୍ଚର୍ଯ୍ୟକର ଘଟଣା ଘଟିଛି।
ଯୁବତୀଙ୍କ ଳକ୍ଡାଉନ୍ରେ ସହରରେ ଥିବା ନିଜ ଫ୍ଲାଟ୍ ବନ୍ଦ କରି ଗାଁରେ ଥିବା ନିଜ ଘରକୁ ଚାଲିଯାଇଥିଲେ। ୩ ମାସ ପରେ ସେ ଫେରିବା ପରେ ନିଜ ରୋଷେଇଘରର ଅବସ୍ଥା ଦେଖି ଚମକି ପଡ଼ିଥିଲେ। ରୋଷେଇଘରେ ଗୋଲାପୀ ରଙ୍ଗର ଗାର ଭଳି ସେ ଦେଖିଥିଲେ। ସେ ପ୍ରଥମେ ଏହାକୁ ଏଲିଅନ ଟ୍ରି ବୋଲି ଭାବିଥିଲେ। ପରେ ସେ ଗଛଗୁଡ଼ିକ ତନ୍ନ ତନ୍ନ କରି ଦେଖିଥିଲେ। ପରେ ସେ ମାଟି ଆଳୁ ଗଛ ବୋଲି ଜାଣିବାକୁ ପାଇଥିଲେ।
ଯୁବତୀ ହେଉଛନ୍ତି ଡୋନା ପରୀ। ତାଙ୍କ ବୟସ ୨୨ ବର୍ଷ। ସେ ଟୁଇଟରରେ ରୋଷେଇଘରେ ହୋଇଥିବା ଉକ୍ତ ଗଛର ଫଟୋ ଶେୟାର କରିଥିଲେ। ଏହା ଏବେ ଭାଇରାଲ ହେଉଛି।
ଡୋନା ମାର୍ଚ୍ଚରେ ମାଟିଆଳୁ କିଣି ଘରେ ରଖିଥିଲେ। ପରେ ଲକ୍ଡାଉନ୍ ହେବା ପରେ ସେ ପ୍ରେମିକଙ୍କ ସହ ସେଲ୍ଫ ଆଇସୋଲେଶନ୍ରେ ରହିବାର ନିଷ୍ପତ୍ତି ନେଇଥିଲେ। ହେଲେ ସେ ତିନି ମାସ ପରେ ଘରକୁ ଫେରିବା ପରେ ହଠାତ୍ ଚମକି ପଡ଼ିଥିଲେ। ପରେ ସେ କଇଁଚି ସାହାଯ୍ୟରେ ଗଛ ଗୁଡ଼ିକୁ କାଟି ଘର ସଫା କରିଥିଲେ। ଏଥିପାଇଁ ତାଙ୍କୁ ଅନେକ ଘଣ୍ଟା ଲାଗିଥିଲା ବୋଲି ସେ କହିଛନ୍ତି।
