ରାୟଗଡ଼ା,୪।୭(ଆଶିଷ ରଞ୍ଜନ ପଣ୍ଡା): ରାୟଗଡା ସହର ଦେଇ ଯାଇଥିବା ୩୨୬ ନମ୍ବର ଜାତୀୟ ରାଜପଥର ରାୟଗଡ଼ା – ଜେକେପୁର ରାସ୍ତାରେ ସ୍କୁଲ ବସ ଧକ୍କାରେ ଜଣେ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ସେ ହେଲେ କୋଳନରା ବ୍ଲକ ଅନ୍ତର୍ଗତ ସୁରି ପଞ୍ଚାୟତ ବଡପଦିଆ ଗ୍ରାମର ଉର୍ଲାକା ପେଣ୍ଟି । ସେ ବ୍ୟାଙ୍କ କାମରେ ରାୟଗଡା ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା। ସ୍କୁଟିରେ ନିଜ ସ୍ବାମୀ ଓ ଜ୍ବାଇଁଙ୍କ ସହିତ ଯାଉଥିବା ବେଳେ ସ୍କୁଲ ବସ ଧକ୍କା ଦେଇଥିଲା। ଅନ୍ୟ ୨ ଜଣ ସାମାନ୍ୟ ଆହତ ହୋଇଛନ୍ତି। ଘଟଣାସ୍ଥଳରେ ରାୟଗଡ଼ା ଆଇଆଇସି ପ୍ରସନ୍ନ କୁମାର ବେହେରା ଓ ଚାନ୍ଦିଲି ଥାନା ଆଇଆଇସି ଉତ୍ତମ କୁମାର ସାହୁ ପୋଲିସ ଟିମ ସହିତ ପହଞ୍ଚି ଅଧିକ ଅନୁସନ୍ଧାନ ଜାରି ରଖିଛନ୍ତି।
