ଖଇରା,୧୨।୫(ଉତ୍କଳବନ୍ଧୁ ପଣ୍ଡା):ବାଲେଶ୍ବର ଜିଲା ଖଇରା ଥାନା ଅଧିନ ହରିପୁର ଗ୍ରାମରେ ଛାତ ସେଣ୍ଟରିଂକୁ କେନ୍ଦ୍ର କରି ସୁରେନ୍ଦ୍ର ସେଠୀଙ୍କ ଭଉଣୀ କମଳା(୩୯)ଙ୍କୁ କୋଦାଳରେ ହାଣି ହତ୍ୟା କରିବା ଘଟଣା ବିସ୍ଫୋରକ ରୂପ ଧାରଣ କରିଛି। କମଳାଙ୍କ ମୃତଶରୀର କଟକ ବଡ ମେଡିକାଲରୁ ଗାଁରେ ଆସି ପହଞ୍ଚିବା ପରେ ମଙ୍ଗଳବାର ସକାଳେ ଭାଇ ସୁରେନ୍ଦ୍ର, ପରିବାର ତଥା ଗ୍ରାମବାସୀ ଏକ ସାଇକେଲରେ ମୃତଶରୀରକୁ ରଖି ଦୀର୍ଘ ୧୫କିମି ଚାଲି ଚାଲି ଖଇରା ଥାନାରେ ପହଞ୍ଚି ପ୍ରତିବାଦ ଜଣାଇଛନ୍ତି। ପରେ ପରିବାର ଲେକ ଓ ଗ୍ରାମବାସୀ ମୃତଶରୀରକୁ ଖଇରା ଥାନା ସମ୍ମୁଖରେ ରଖି ସୋର-କୁପାରୀ ରାସ୍ତା ଅବରୋଧ କରିଥିଲେ। ଅଭିଯୁକ୍ତଙ୍କୁ ଗିରଫ ଦାବି ସହ କ୍ଷତିପୂରଣ ଦାବି କରିଥିଲେ। ଏଥିସହ ୫ ବର୍ଷଧରି କିଛି ବୁଝୁ ନ ଥିବା ସ୍ଥାନୀୟ ସରପଞ୍ଚ ଓ ଖଇରା ପୋଲିସଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ସକାଳ ୯ଟାରୁ ଏହି ଧାରଣା ଜାରି ରହିଛି।
Dharitri – Odisha’s No.1 Odia Daily
