ଦିଗପହଣ୍ଡି/ଚିକିଟି,୧୪।୫(ଅଶେଷ ନାଥ ମିଶ୍ର/ପ୍ରକାଶ ଚନ୍ଦ୍ର ସାହୁ): ଗଞ୍ଜାମ ଜିଲା ଚିକିଟି ବ୍ଲକ ଖୁଦୁଡ଼ି ଗ୍ରାମ ନିକଟ ମୁଖ୍ୟରାସ୍ତାରେ ଗତ ମଙ୍ଗଳବାର ମଧ୍ୟାହ୍ନ ପ୍ରାୟ ୧୨ ଟାରେ ଯାତ୍ରୀବାହୀ ଅଟୋ (ନଂ. ଓଡ଼ି୦୭ ଏଟି -୫୦୭୮)କୁ ଏକ ଟ୍ରାକ୍ଟର (ନଂ. ଓଡ଼ି ୩୨ ଏନ -୧୯୯୮) ଧକ୍କା ଦେଇଥିଲା। ଫଳରେ ଦିଗପହଣ୍ଡି ବ୍ଲକ ଦେଓଖାଳି ଗ୍ରାମର ବୃଦ୍ଧା ଅମ୍ବିକା ପ୍ରଧାନ ଗୁରୁତର ଆହାତ ହୋଇ ବ୍ରହ୍ମପୁର ବଡ଼ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ। ଜ୍ବାଇଁ ଲୋଚନ ପ୍ରଧାନ କେ. ନୂଆଗାଁ ଥାନାରେ ଏତଲା ଦେଇଥିଲେ। ଆଇଆଇସି ବିଶ୍ୱଜିତ ନାୟକ ମାମଲା ନଂ.୧୧୫/୨୬ ଅନୁଯାୟୀ ମକଦ୍ଦମା ରୁଜୁ କରି ଦୁର୍ଘଟଣାଗସ୍ତ ଟ୍ରାକ୍ଟର ଓ ଅଟୋକୁ ଜବତ କରିଥିଲେ। ଗୁରୁବାର ତଦନ୍ତକାରୀ ଅଧିକାରୀ ନୂଆପଡ଼ା ଫାଣ୍ଡି ଏଏସଆଇ ସୁବାସ ବାୟକ ଘଟଣାର ଅଭିଯୁକ୍ତ ପତ୍ରଚୁଡ଼ି ଗ୍ରାମର ଟ୍ରାକ୍ଟର ଚାଳକ ଶଙ୍କର ଗୌଡ଼ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।
