ଗାଡ଼ିମୋଟରରେ ଗଲାବେଳେ ଦେଖିଥିବେ ରାସ୍ତାକଡ଼ରେ ଥିବା ଗଛରେ ଧଳା ରଙ୍ଗ ଦିଆଯାଇଥାଏ। ଗଛକୁ ଏପରି ପେଣ୍ଟିଂ କରାଯିବା ବହୁ ପୁରୁଣା କଥା। କିନ୍ତୁ ଜାଣନ୍ତି ଏହା ପଛରେ କ’ଣ କାରଣ ରହିଛି? ଯଦି ନା ତେବେ ଜାଣନ୍ତୁ ଏ ସମ୍ପର୍କରେ…
ଏହା ପଛରେ ଏକ ବୈଜ୍ଞାନିକ କାରଣ ରହିଛି। ଏପରି ରଙ୍ଗ ଦେବାର ମୁଖ୍ୟ ଉଦ୍ଦେଶ୍ୟ ହେଉଛି ଗଛ ମଜଭୁତ ହେବ। ଏଥିସହିତ ଗଛ ପୁରୁଣା ହେଲେ ଏଥିରୁ ଛାଲ ଛାଡ଼େ। ତେଣୁ ଗଛ ଦୁର୍ବଳ ହୋଇଯାଏ। ତେଣୁ ଏହାକୁ ମଜଭୁତ ରଖିବାକୁ ଏପରି ପେଣ୍ଟିଂ କରାଯାଇଥାଏ। ଏପରି କରିବା ଦ୍ୱାରା ଗଛର ଆୟୁଷ ମଧ୍ୟ ବଢ଼ିଥାଏ। ଆଉ ଏକ କାରଣ ହେଲା ଗଛକୁ କୀଟ ବା ପୋକ ଖାଇବାର ଭୟ ଥାଏ। ଗଛରେ ଧଳାରଙ୍ଗ ଦେଲେ ଏଥିରୁ ସୁରକ୍ଷା ମିଳିଥାଏ। ଏହା ମଧ୍ୟ ବନ ବିଭାଗ ନଜକୁ ଆସିଥାଏ। ଗଛକୁ ସହଜରେ କେହି କାଟି ନେଇ ପାରନ୍ତି ନାହିଁ। ଧଳା ବ୍ୟତୀତ ନୀଳ ଏବଂ ଲାଲ୍ ରଙ୍ଗରେ ମଧ୍ୟ ପେଣ୍ଟିଂ କରାଯାଇଥାଏ। ଜାତୀୟ ରାଜପଥରେ ଥିବା ଗଛଗୁଡ଼ିକରେ ସାଧାରଣତଃ ଧଳା ରଙ୍ଗ ଦିଆଯାଇଥାଏ। କାରଣ ଅନ୍ଧାରରେ ଏହା ଚମକ ଆଣିଥାଏ। ଦୂରରୁ ଆସୁଥିବା ଗାଡ଼ିଚାଳକ ସହଜରେ ଜାଣିପାରେ ଯେ ଆଗରେ ଗଛ ଅଛି। ତେଣୁ ଗାଡ଼ିର ବେଗ କମ୍ କରିଥାଏ। ଫଳରେ ଦୁର୍ଘଟଣାକୁ ରୋକାଯାଇଥାଏ।
