ବିଲ୍‌ ସାଇକଲ: କାହିଁକି ଏ ପରିବର୍ତ୍ତନ

ଭୁବନେଶ୍ୱର,୯। ୮(ବ୍ୟୁରୋ): ଉପଭୋକ୍ତାଙ୍କୁ ଉନ୍ନତମାନର ୨୪ ଘଣ୍ଟିଆ ବିଦ୍ୟୁତ୍‌ ସେବା ଯୋଗାଇ ଦେବା ଲକ୍ଷ୍ୟରେ ରାଜ୍ୟର ବିଦ୍ୟୁତ୍‌ ବ୍ୟବସ୍ଥାକୁ ଗୋଟିଏ ପରେ ଗୋଟିଏ ଘରୋଇ ସଂସ୍ଥା ହାତକୁ ଟେକି ଦିଆଯାଉଛି। ପ୍ରଥମେ ଆମେରିକୀୟ କମ୍ପାନୀ ଏଇଏସ୍‌(୧୯୯୯ ରୁ ୨୦୦୧ ), ଏହାପରଠାରୁ ସେଣ୍ଟ୍ରାଲ ଇଲେକ୍ଟ୍ରିସିଟି ସପ୍ଲାଏ ୟୁଟିଲିଟି (ସେସୁ) ଓଡ଼ିଶା ବିଦ୍ୟୁତ୍‌ ନିୟାମକ ଆୟୋଗ(ଓଇଆର୍‌ସି) ଦ୍ୱାରା ୨୦୨୦ ମେ ୩୧ ପର୍ଯ୍ୟନ୍ତ ପରିଚାଳିତ ହେଉଥିଲା। ଏବେ ଗତ ଜୁନ୍‌ ୧ରୁ ଟାଟା ପାଓ୍ବାର କମ୍ପାନୀ ଲିମିଟେଡ(ଟିପିସିଏଲ୍‌)କୁ ସେସୁର ପରିଚାଳନା ଦାୟିତ୍ୱ ଦିଆଯାଇଛି। ଏଥିସହିତ ଟାଟା ପାଓ୍ବାର ସେସୁର ନାମ ପରିବର୍ତ୍ତନ କରି ଟାଟା ପାଓ୍ବାର ସେଣ୍ଟ୍ରାଲ୍‌ ଓଡ଼ିଶା ଡିଷ୍ଟ୍ରିବ୍ୟୁଶନ୍‌ ଲିମିଟେଡ୍‌(ଟିପିସିଓଡିଏଲ୍‌) ରଖିଛି। ଗ୍ରୀଡ୍‌କୋ ସହ ଚୁକ୍ତି ସମୟରେ ଗ୍ରାହକଙ୍କୁ ଉନ୍ନତ ସେବା, ବୈଷୟିକ ଓ ବାଣିଜ୍ୟ କ୍ଷତି କମାଇବା, ନୂତନ ପ୍ରକଳ୍ପ ପାଇଁ ପୁଞ୍ଜି ନିବେଶ କରିବା ଆଦି ଚୁକ୍ତିରେ ଉଲ୍ଲେଖ ରହିଥିଲା। ହେଲେ ଗ୍ରାହକଙ୍କୁ ଉତ୍ତମ ସେବା ଦେବା ପରିବର୍ତ୍ତେ ଟିପିସିଓଡିଏଲ୍‌ ପ୍ରଥମରୁ ଶୋଷଣ କରିବା ଆରମ୍ଭ କଲାଣି। ଜୁନ ମାସରୁ ବିଲ୍‌ ସାଇକଲ ଫନ୍ଦି ଆରମ୍ଭ କରିଛି। ସେସୁଠାରୁ ମାଲିକାନା ମଙ୍ଗ ଧରିବା ମାତ୍ରକେ ଟାଟା ପାଓ୍ବାର ଗ୍ରାହକଙ୍କୁ ମିଳୁଥିବା ୧୫ ଦିନିଆ ବିଲ୍‌ ପଇଠ ସୁବିଧାକୁ ଛଡ଼ାଇ ନେଇଛି। ସପ୍ତାହକ ମଧ୍ୟରେ ବିଦ୍ୟୁତ୍‌ ଦେୟ ଦାଖଲ ନ କଲେ କୌଣସି ରିହାତି ମିଳିବ ନାହିଁ ବୋଲି ଟାଟା କମ୍ପାନୀ ଗ୍ରାହକଙ୍କୁ ନୋଟିସ ଧରାଇ ଦେଇଛି। ଟାଟା କମ୍ପାନୀର ଏଭଳି ଷଡ଼ଯନ୍ତ୍ରକୁ ନେଇ ଉପଭୋକ୍ତା ମହଲ୍‌ରେ ଅସନ୍ତୋଷ ଦେଖା ଦେଇଛି। ଆଧୁନିକ ମାର୍କେଟିଂ ପାଠରେ କୁହାଯାଏ ଯେ, ଅର୍ଥର ସମୟ ଓ ସୁଯୋଗର ମୂଲ୍ୟ ଗ୍ରାହକ ପାଇବା ଦରକାର। ଟାଟା ପାଓ୍ବାର ବିଲ୍‌ ପରିବର୍ତ୍ତନ ସମୟକୁ ଦେଖିଲେ, ସେହି ଅର୍ଥକୁ ଖୁବ୍‌ଶୀଘ୍ର ଗ୍ରାହକଙ୍କ ଠାରୁ ଛଡ଼ାଇନେବା ଫଳରେ କମ୍ପାନୀର ଲାଭ ବୃଦ୍ଧି ହେବା ସହିତ ଗ୍ରାହକଙ୍କର କ୍ଷତି ଘଟୁଛି। ଉଲ୍ଲେଖଯୋଗ୍ୟ ଯେ, ଟାଟା ପାଓ୍ବାର ନେଇଥିବା ସେସୁ ହେଉଛି ଓଡ଼ିଶାର ୪ଟି ଡିଭିଜନ୍‌ ମଧ୍ୟରୁ ସର୍ବବୃହତ୍‌ ଏବଂ ସର୍ବାଧିକ ଲାଭ କରିଥାଏ। ଏଠାରେ ଆମେ ଅନେକ କୋଟି ଘରୋଇ ଗ୍ରାହକଙ୍କ ସମେତ ବହୁଳ ପରିମାଣର ବ୍ୟବସାୟିକ ସଂସ୍ଥା ଏବଂ ଶିଳ୍ପାନୁଷ୍ଠାନର ବିଲ୍‌ ସମ୍ପର୍କରେ ଆଲୋଚନା କରୁଛେ।

ସେସୁ ମାଲିକାନାରେ ବିଦ୍ୟୁତ୍‌ ବ୍ୟବସ୍ଥା ଥିବାବେଳେ ଉପଭୋକ୍ତାମାନେ ବିଲ୍‌ ଦାଖଲ କରିବାକୁ ୧୫ଦିନ ସମୟ ପାଉଥିଲେ। ଅର୍ଥାତ୍‌ ଯଦି ଜଣେ ଗ୍ରାହକଙ୍କୁ ମାସର ୧୩ ତାରିଖରେ ବିଲ୍‌ ଦିଆଯାଏ ତେବେ ସେ ସେହି ମାସର ୨୮ତାରିଖ ମଧ୍ୟରେ ଦେୟ ଜମା କରିପାରୁଥିଲେ। ଏଭଳି ଏକ ବିଲ୍‌ର ନକଲ ପାର୍ଶ୍ୱରେ ଦିଆଯାଇଛି। ଉକ୍ତ ସମୟ ସୀମା ମଧ୍ୟରେ ବିଲ୍‌ ପଇଠ କଲେ ଉପଭୋକ୍ତାମାନେ ୨ପ୍ରତିଶତ ରିହାତି ପାଇପାରୁଥିଲେ। ପୂର୍ବରୁ ଦିଆଯାଉଥିବା ୧୫ଦିନିଆ ସମୟ ସୀମା ଗ୍ରାହକଙ୍କୁ ବିଦ୍ୟୁତ୍‌ ଦେୟ ପଇଠ କରିବାରେ ସୁବିଧା ହେଉଥିଲା। ଏହି ବ୍ୟବସ୍ଥାକୁ କାହିଁକି ଟିପିସିଓଡିଏଲ୍‌ ବଦଳାଇଲା ତାହା ବୁଝିବା ଅତି ସହଜ। ଓଇଆର୍‌ସି ଅଧୀନରେ ଥିବା ଅନ୍ୟ ୩ଟି ବିଦ୍ୟୁତ୍‌ ଯୋଗାଣ କମ୍ପାନୀ ନେସ୍‌କୋ, ୱେସ୍‌କୋ ଏବଂ ସାଉଥ୍‌କୋରେ ବିଲ୍‌ ପଇଠ ପାଇଁ ଏବେ ମଧ୍ୟ ୧୫ ଦିନିଆ ସମୟ ରହିଛି। ଟାଟା ପାୱାର ସେସୁ ମାଲିକାନା ନେବା ପରେ ଗତ ଜୁନ ଓ ଜୁଲାଇ ମାସରେ ୫୦୯.୯୧କୋଟି ଟଙ୍କା ବିଦ୍ୟୁତ୍‌ ବିଲ୍‌ ଆଦାୟ କରିଛି। ଜୁନ ମାସରେ ୨୪୫.୩୬କୋଟି ଏବଂ ଜୁଲାଇରେ ୨୬୪.୫୫କୋଟି ଟଙ୍କା ଆଦାୟ କରିଥିବା ଜଣାପଡ଼ିଛି। ଏଠାରେ ଉଲ୍ଲେଖ ଯୋଗ୍ୟ ଯେ, ମୋଟ ବିଲ୍‌ର ପରିମାଣ ଆଦାୟ ପରିମାଣଠାରୁ ଅଧିକ। ହେଲେ ଟାଟା ପାଓ୍ବାର ସରକାରଙ୍କ ହାତରୁ ସେସୁର ଦାୟିତ୍ୱ ନେବା ସମୟରେ ଏହାର ମୂଲ୍ୟ ମୋଟ ୩୫୦କୋଟି ଟଙ୍କାର ଆକଳନ କରାଯାଇଥିଲା।

ଭୁବନେଶ୍ୱର ବାସିନ୍ଦା ଉପଭୋକ୍ତା ପ୍ରଫୁଲ୍ଲ ଦାସ କହିଛନ୍ତି, ଟାଟା ପାୱାର ବିଦ୍ୟୁତ ଦାୟିତ୍ୱ ନେବା ପରେ ଆମେମାନେ ହଇରାଣ ହେଉଛୁ। ୭ଦିନ ମଧ୍ୟରେ ବିଲ୍‌ ପଇଠ ନ କଲେ ରିହାତି ମିଳୁ ନାହିଁ। ଘନ ଘନ ବିଦୁତ୍‌ କାଟ ମଧ୍ୟ ହେଉଛି ବୋଲି ସେ କହିଛନ୍ତି। ସେସୁ ଓଇଆର୍‌ସି ପ୍ରତ୍ୟକ୍ଷ ତତ୍ତ୍ୱାବଧାନରେ ଥିବାବେଳେ ଗ୍ରାହକଙ୍କୁ ନିରବଚ୍ଛିନ୍ନ ବିଦ୍ୟୁତ ସେବା ମିଳି ପାରୁଥିଲା। ଟାଟା ହାତକୁ ଯିବାପରେ ବାରମ୍ବାର ବିଦ୍ୟୁତ୍‌ କାଟ ଜନସାଧାରଣଙ୍କୁ ଅସ୍ତବ୍ୟସ୍ତ କରି ପକାଇଛି। ଏ ସମ୍ପର୍କରେ ଟିପିସିଓଡିଏଲର ମୁଖ୍ୟ ବାଣିଜି୍ୟକ ସେବା ଅଧିକାରୀ ରାଜୀବ ଖରିଆଲଙ୍କୁ ଧରିତ୍ରୀ ପକ୍ଷରୁ ମତ ଲୋଡ଼ାଯାଇଥିଲା। ତାଙ୍କ କହିବା ଅନୁସାରେ ଓଇଆର୍‌ସିଙ୍କ ନିର୍ଦ୍ଦେଶକ୍ରମେ ୧୫ଦିନ ବଦଳରେ ୭ଦିନ ମଧ୍ୟରେ ବିଦ୍ୟୁତ୍‌ ବିଲ୍‌ ଆଦାୟ ବ୍ୟବସ୍ଥା ପ୍ରଚଳନ କରାଯାଉଛି। ବିଦ୍ୟୁତ୍‌ କାଟ ସମ୍ପର୍କରେ ସେ କହିଛନ୍ତି, ରକ୍ଷଣାବେକ୍ଷଣ କାମ ଚାଲୁ ରହିଥିବାରୁ ଅସ୍ଥାୟୀ ବିଦ୍ୟୁତ୍‌ କାଟ ହେଉଛି। ଆସନ୍ତା ଦେଢମାସ ମଧ୍ୟରେ ସବୁ ଠିକ୍‌ ହୋଇଯିବ। ଗ୍ରାହକମାନଙ୍କର ଯଦି କିଛି ଅସୁବିଧା ଥିବ ତେବେ ସେମାନେ କଲ୍‌ସେଣ୍ଟରକୁ ଫୋନ କରି ସମସ୍ୟାର ସମାଧାନ କରିପାରିବେ।


Enter your email to get our daily news in your inbox.

All Right Reserved By Dharitri.Com

ରାଜଧାନୀରେ ନକଲି ତେଲ, ଘିଅ କାରଖାନା ଠାବ: ପୂଜକଙ୍କ ସମେତ ୪ ଅଟକ

କଟକ ରୋଡ୍‌,୩।୯(ଡି.ଏନ୍‌.ଏ.): କମିଶନରେଟ ପୋଲିସର ସ୍ପେଶାଲ ସ୍କ୍ବାର୍ଡ ଓ ଲକ୍ଷ୍ମୀସାଗର ଥାନା ପୋଲିସ ମଙ୍ଗଳବାର ଲକ୍ଷ୍ମୀସାଗର ଥାନା ଅଧୀନ ହାଉସିଂ ରୋଡ୍‌ ଷ୍ଟେଜ୍‌-୧ ଅଞ୍ଚଳରେ ଚଢ଼ାଉ...

କଟକବାସୀଙ୍କୁ ଡରାଇଲାଣି କରୋନା: ୨୦୦ ଡେଇଁଲା ଆକ୍ରାନ୍ତଙ୍କ ସଂଖ୍ୟା

କଟକ ଅଫିସ,୮।୭- କଟକ ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ୨ଶହ ପାର କରିଛି। ବୁଧବାର ଏହି ସଂଖ୍ୟା ୨୦୨ରେ ପହଞ୍ଚିଛି। ମଙ୍ଗଳବାର ସହରରୁ ୪ଜଣ ଆକ୍ରାନ୍ତ...

କଫ ସିରପ କାରବାରରୁ ଅପହରଣ: ୧୧ ଅଭିଯୁକ୍ତଙ୍କୁ ଗିରଫ କଲା ବରଗଡ଼ ପୋଲିସ

ବରଗଡ଼ ଅଫିସ, ୧୪।୧୨: ବରଗଡ଼ ଜିଲା ପଦ୍ମପୁର ଅଞ୍ଚଳରୁ କଫ ସିରପ୍‌ କାରବାରରୁ ଉପୁଜିଥିବା ବିବାଦରୁ ୩ଜଣଙ୍କୁ ଅପହରଣ ଓ ମୁଣ୍ଡଜାମିନ ରଖି ଟଙ୍କା ଦାବି...

ରାଜଧାନୀର ମୁକୁଳା ଡ୍ରେନରେ ଭାସିଗଲେ ଛାତ୍ର

ଭୁବନେଶ୍ୱର,୧୯।୯(ବ୍ୟୁରୋ): ବର୍ଷାପାଣିରେ ଖୋଲା ଡ୍ରେନରେ ରବିବାର ଅପରାହ୍ନରେ ଜଣେ ୧୫ ବର୍ଷୀୟ ଛାତ୍ର ଭାସିଯାଇଛନ୍ତି। ସେହି ଛାତ୍ର ଜଣଙ୍କ ଶିରିପୁର ଶତାଦ୍ଦୀନଗର ବ୍ୟାଙ୍କ କଲୋନୀର ଛାତ୍ର...

୮ ବର୍ଷ ପରେ ନିଖୋଜ ଦିବ୍ୟାଙ୍ଗ ଘରକୁ ଫେରିଲେ

କଣାସ, ୨୩ା୭(ସ୍ବ.ପ୍ର): ଆନ୍ଧ୍ରପ୍ରଦେଶ ଚିତ୍ତୋର ଜିଲା ଅଧୀନ ବଡଗୁଟୁଲିପାଲ୍ଲି ଗ୍ରାମର ପରମେଶ୍ୱରମ୍‌ଙ୍କ ଦିବ୍ୟାଙ୍ଗ ନାବାଳିକା ଝିଅ ମାର୍‌ମା ୮ବର୍ଷ ତଳେ ନିଖୋଜ ହୋଇଯାଇଥିଲେ। ତାଙ୍କୁ ପୁରୀ...

ଯାତ୍ରୀବାହୀ ବସ୍‌ ଦୁର୍ଘଟଣାଗ୍ରସ୍ତ: ୨ ମୃତ, ୧୦ରୁ ଊର୍ଦ୍ଧ୍ୱ ଆହତ

ପାପଡ଼ାହାଣ୍ଡି,୧୫।୨(ଡି.ଏନ୍‌.ଏ.): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ମୃଗବିହାର ନିକଟରେ ଶନିବାର ଏକ ଘରୋଇ ବସ୍‌ ଦୁର୍ଘଟଣା ଘଟିଛି। ଫଳରେ ଘଟଣା ସ୍ଥଳରେ ୨ ଜଣଙ୍କ ମୃତ୍ୟୁ...

ଆବଦ୍ଧ ଅଞ୍ଚଳର ଦୈନିକ ୫୦ ପ୍ରତିଶତ ଲୋକଙ୍କ ସ୍ବାସ୍ଥ୍ୟ ପରୀକ୍ଷା ହେଉଛି

ଭୁବନେଶ୍ୱର, ୯ା୪(ବ୍ୟୁରୋ): ଭୁବନେଶ୍ୱରରେ ୩୪ଜଣ କରୋନା ପଜିଟିଭ ଚିହ୍ନଟ ହେବା ପରେ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ସୂର୍ଯ୍ୟନଗର, ବମିଖାଲ, ସତ୍ୟନଗର, ସୁନ୍ଦରପଦା ଓ...

କୃଷିଋଣ କରାଇଦେବାକୁ କହି ଲକ୍ଷାଧିକ ଟଙ୍କା ହରିଲୁଟ୍‌, କୁମ୍ଭାରପଡ଼ା ଥାନାରେ ଅଭିଯୋଗ

ପୁରୀ ଅଫିସ,୧୯।୧୨: ପୁରୀ ଗୁଣ୍ଡିଚା ମନ୍ଦିର ନିକଟରେ ଥିବା ଏକ ଘରୋଇ ବ୍ୟାଙ୍କ ଖୋର୍ଦ୍ଧା ବାଲୁଗାଁ ଅଞ୍ଚଳର ଏକ ହଜାରରୁ ଊର୍ଦ୍ଧ୍ୱ ଚାଷୀଙ୍କଠାରୁ କୃଷିଋଣ ସହାୟତା...

Advertisement


Archives

Model This Week