ଇଂରାଜୀ ନୂଆବର୍ଷ ପାଇଁ ପ୍ରସ୍ତୁତି ଜୋର୍ସୋରରେ ଚାଲିଛି କିନ୍ତୁ କରୋନା ମହାମାରୀ ଲୋକଙ୍କ ଉତ୍ସବରେ ଏକପ୍ରକାର ବାଧା ସୃଷ୍ଟି କରିଛି। ତଥାପି ଲୋକମାନେ ନୂତନ ବର୍ଷକୁ ସ୍ବାଗତ କରିବାକୁ ପ୍ରସ୍ତୁତ। ୧ ଜାନୁୟାରୀ ୨୦୨୨କୁ ଅପେକ୍ଷା କରିଛନ୍ତି। ଅନେକ ଲୋକ ପୁରୁଣା ସ୍ମୃତି ଛାଡ଼ି ନୂତନ ବର୍ଷରେ ଏକ ନୂତନ ଆରମ୍ଭ କରିବାକୁ ଚାହାନ୍ତି। ବର୍ଷକ ୧୨ ମାସ। ଏହା ମଧ୍ୟରେ ଅନେକ ତାରିଖ ରହିଛି କିନ୍ତୁ ଜାନୁୟାରୀ ୧ରେ ଇଂରାଜୀ ନୂଆବର୍ଷ କାହିଁକି ପାଳନ କରାଯାଏ ଜାଣନ୍ତୁ ସେ ସମ୍ପର୍କରେ…
ପ୍ରକୃତରେ ପ୍ରଥମେ ନୂଆବର୍ଷ ଜାନୁୟାରୀ ୧ରେ ପାଳନ କରାଯାଇ ନ ଥିଲା। ୧୫ ଅକ୍ଟୋବର ୧୫୮୨ରେ ନୂଆବର୍ଷ ପାଳନ କରାଯାଇଥିଲା। ଏହାପୂର୍ବରୁ, ଲୋକମାନେ ୨୫ ମାର୍ଚ୍ଚରେ ଏବଂ ବେଳେବେଳେ ୨୫ ଡିସେମ୍ବରରେ ନୂଆବର୍ଷ ପାଳନ କରୁଥିଲେ।
ରୋମର ରାଜା ନୁମା ପମ୍ପିଲସ ରୋମାନ କ୍ୟାଲେଣ୍ଡରକୁ ବଦଳାଇଲେ, ଯାହା ପରେ ଜାନୁୟାରୀକୁ ବର୍ଷର ପ୍ରଥମ ମାସ ଭାବରେ ବିବେଚନା କରାଗଲା। ଏହା ପୂର୍ବରୁ ମାର୍ଚ୍ଚକୁ ବର୍ଷର ପ୍ରଥମ ମାସ କୁହାଯାଉଥିଲା। ମାର୍ଚ୍ଚ ଅନୁଯାୟୀ ମଙ୍ଗଳ ଗ୍ରହର ନାମକରଣ ବି କରାଯାଇଛି। ରୋମର ଲୋକମାନେ ମଙ୍ଗଳ ଗ୍ରହକୁ ଯୁଦ୍ଧର ଦେବତା ଭାବରେ ବିବେଚନା କରନ୍ତି। ସୃଷ୍ଟି ହୋଇଥିବା ପ୍ରଥମ କ୍ୟାଲେଣ୍ଡରର ମାତ୍ର ୧୦ ମାସ ଥିଲା। ଏହି ପରିପ୍ରେକ୍ଷୀରେ ଗୋଟିଏ ବର୍ଷରେ ୩୧୦ ଦିନ ଥିଲା ଏବଂ ୮ ଦିନକୁ ଏକ ସପ୍ତାହ ଭାବରେ ବିବେଚନା କରାଯାଉଥିଲା।
କୁହାଯାଏ, ରୋମାନ ଶାସକ ଜୁଲିୟସ ସିଜର କ୍ୟାଲେଣ୍ଡର ବଦଳାଇଲେ। ଜାନୁୟାରୀ ୧ରେ ସିଜର ହିଁ ନୂତନ ବର୍ଷ ଆରମ୍ଭ କରିଥିଲେ। ଜୁଲିୟସ କ୍ୟାଲେଣ୍ଡର ବଦଳାଇବା ପରେ ବର୍ଷକୁ ୧୨ ମାସ ବଢ଼ା ଯାଇଥିଲା। ଜୁଲିୟସ ସିଜର ଜ୍ୟୋତିର୍ବିଜ୍ଞାନୀଙ୍କ ସହ ସାକ୍ଷାତ କରିଥିଲେ, ଏହା ପରେ ଜଣାପଡ଼ିଥିଲା ଯେ, ପୃଥିବୀ ୩୬୫ ଦିନ ଏବଂ ୬ ଘଣ୍ଟା ମଧ୍ୟରେ ସୂର୍ଯ୍ୟ ଚାରିପଟେ ଘୂରି ବୁଲୁଛି। ଏହାକୁ ଦୃଷ୍ଟିରେ ରଖି ଜୁଲିୟସ କ୍ୟାଲେଣ୍ଡରରେ ବର୍ଷକୁ ୩୬୫ ଦିନ କରିଥିଲେ।
ପ୍ରୋପ ଗ୍ରେଗୋରୀ ୧୫୮୨ ମସିହାରେ ଲ୍ୟାପ ବର୍ଷ ବିଷୟରେ ଜୁଲିୟସ କ୍ୟାଲେଣ୍ଡରରେ ଏକ ଭୁଲ୍ ଆବିଷ୍କାର କରିଥିଲେ। ସେହି ସମୟର ପ୍ରସିଦ୍ଧ ଧର୍ମଗୁରୁ ସେଣ୍ଟ୍ ଓ୍ବିଡ୍ କହିଥିଲେ, ଗୋଟିଏ ବର୍ଷରେ ୩୬୫ ଦିନ,୫ଘଣ୍ଟା ୪୬ ସେକେଣ୍ଡ ଅଛି। ଏହା ପରେ ରୋମାନ କ୍ୟାଲେଣ୍ଡର ପରିବର୍ତ୍ତନ କରାଯାଇଥିଲା ଏବଂ ଏକ ନୂତନ କ୍ୟାଲେଣ୍ଡର ସୃଷ୍ଟି ହେଲା। ସେହି ଦିନଠାରୁ ଜାନୁୟାରୀ ୧ରେ ଇଂରାଜୀ ନୂତନ ବର୍ଷ ଭାବେ ପାଳନ କରାଯାଉଛି।
