ଜେନେଭା,୧୮ ।୩: ସାରା ବିଶ୍ୱରେ ୨୦୨୦ରେ କୋଭିଡ ମହାମାରି ପାଦ ରଖିଥିଲା । ଏହି ମାରାତ୍ମକ କରୋନା ଜୀବଣୁ ପ୍ରଥମେ ଚାଇନାର ଉହାନ ସହରରେ ମିଳିଥିଲା । ତିନିବର୍ଷ ପରେ ଦ ନ୍ୟୁୟର୍କସ ଟାଇମ୍ସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଳୁଏଚଓ) ବୈଜ୍ଞାନିକ ଅନୁସନ୍ଧାନ ବନ୍ଦ କରିବାକୁ ଚାଇନା କର୍ତ୍ତୁପକ୍ଷଙ୍କୁ ତାଗିଦ କରିଥିଲା, ଯାହା କରୋନା ଭାଇରସ ଉତ୍ପତ୍ତି ସମ୍ପର୍କରେ ସୂଚନା ଦେଇଥାଆନ୍ତା ।
କରୋନା ମହାମାରୀ ପାଇଁ ସାରା ବିଶ୍ୱ ଚାଇନାକୁ ଦାୟୀ କରୁଥିବା ବେଳେ ଏହାକୁ ନେଇ ନାନା ପ୍ରଶ୍ନର ସାମ୍ନା କରୁଛି ଚାଇନା । ଅଧିକାଂଶ ଦେଶ କୋଭିଡ ଭାଇରସ ପାଇଁ ଚାଇନାକୁ ଦାୟୀ କରୁଛନ୍ତି । ଚାଇନା କୋଭିଡ ସମ୍ପର୍କିତ ସୂଚନା ପ୍ରଥମେ ୩୧ ଡିସେମ୍ବର ୨୦୧୯ରେ ଦେଇଥିଲା ।
ତେବେ ୩ ବର୍ଷ ପରେ ବି ଚାଇନା କୋଭିଡ ଡାଟା ନ ଦେଉଥିବାରୁ ଡବ୍ଲୁଏଚଓ ମୁଖ୍ୟ ଅଧିକାରୀ ଏହାର କାରଣକୁ ନେଇ ପ୍ରଶ୍ନ କରିଛନ୍ତି । ଏହା ପୂର୍ବରୁ ଡାଟା ଇଣ୍ଟନେଟ ସ୍ପେଶରୁ ହଟିଯାଉଥିଲା, ଭାଇରସ ବିଶେଷଜ୍ଞର ଏକ ଅନ୍ତରାଷ୍ଟ୍ରୀୟ ଟିମ ଡାଟାକୁ ଡାଉନଲୋଡ କରି ଏହାର ବିଶ୍ଳେଷଣ କରିବା ଆରମ୍ଭ କରିଥିଲେ । ଡାଟା ବିଶ୍ଳେଷଣରୁ ଜଣାପଡିଥିଲା କି ମହାମାରୀ ଅବୈଧ ଭାବେ ରୈକୁନ କୁକରଠାରୁ ଆରମ୍ଭ ହୋଇଥିଲା, ଯାହା ଚାଇନାର ଉହାନ ହୁଆନାନ ସିଫୁଡ ହୋଲସେଲ ମାର୍କେଟରୁ ମଣିଷଙ୍କୁ ବ୍ୟାପିଥିଲା ।
ଦ ନ୍ୟୁୟର୍କସ ଟାଇମସର ରିପୋର୍ଟ ଅନୁଯାୟୀ,, ବିଶେଷଜ୍ଞମାନେ ଚାଇନା ସମକକ୍ଷଙ୍କ ସହ ବିଶ୍ଳେଷଣ ଉପରେ ସହଯୋଗ କରିବାକୁ ଇଚ୍ଛା ପ୍ରକାଶ କରିଥିଲେ , ହେଲେ ଟିମ ଶେଷ ପରିଣାମ ପର୍ଯ୍ୟନ୍ତ ପହଞ୍ଚିିବା ପୂର୍ବରୁ ଡାଟାବେସରୁ ଜିନ କ୍ରମଗୁଡିକ ହଟାଇ ଦିଆଯାଇଥିଲା ।
