ନୂଆଦିଲ୍ଲୀ,୧୩।୧୨ : ସଂସଦର ଶୀତକାଳୀନ ଅଧିବେଶନରେ ମଙ୍ଗଳବାର ଶାସକ ଦଳ ଏବଂ ବିରୋଧୀଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା। ନିଜ ବିବୃତ୍ତି ଯୋଗୁ ପ୍ରାୟତଃ ଚର୍ଚ୍ଚାର କେନ୍ଦ୍ର ହେଉଥିବା ହେଉଥିବା ଟିଏମସି ଏମ୍ପି ମହୁଆ ମୋଇତ୍ର ଲୋକ ସଭାରେ ର୍ଗଜି ଥିଲେ। ଲୋକ ସଭାରେ ମୂଲ୍ୟ ବୃଦ୍ଧି, ଇଡି କାର୍ଯ୍ୟାନୁଷ୍ଠାନ ଏବଂ ସାମ୍ପ୍ରତିକ ନିର୍ବାଚନ ଫଳାଫଳକୁ ନେଇ ସେ ସରକାରଙ୍କ ଉପରେ ବର୍ଷିଥିଲେ। ଏହି ସମୟରେ ସେ କଟାକ୍ଷ କରି ପ୍ରଶ୍ନ କରିଥିଲେ ଯେ ଶାସକ ଦଳର ଅଧ୍ୟକ୍ଷ ତାଙ୍କ ନିଜ ରାଜ୍ୟରେ ମଧ୍ୟ ସରକାର ଗଠନ କରିବାରେ ବିଫଳ ହୋଇଛନ୍ତି, ତେବେ ବର୍ତ୍ତମାନ କୁହନ୍ତୁ ପପୁ କିଏ?
ପ୍ରଧାନମନ୍ତ୍ରୀ ବିକାଶ ବିଷୟରେ ମିଥ୍ୟା ଦାବି କରୁଛନ୍ତି। ପ୍ରତିବର୍ଷ ଫେବୃଆରୀ ମାସରେ କେନ୍ଦ୍ର ସରକାର ଉଚ୍ଚ ସ୍ବରରେ ଦାବି କରନ୍ତି ଯେ ଆମ ଦେଶର ଅର୍ଥନୀତି ପୃଥିବୀର ଅନ୍ୟ ଦେଶ ତୁଳନାରେ ଦ୍ରୁତ ଗତିରେ ଆଗକୁ ବଢୁଛି। କିନ୍ତୁ ଅନେକ ରିପୋର୍ଟରୁ ଜଣାପଡିଛି ଯେ ପ୍ରକୃତ ପପୁ କିଏ? ଦେଶରେ ଶିଳ୍ପ ଉତ୍ପାଦନ, ବୈଷୟିକ ଏବଂ ଉତ୍ପାଦନରେ ତୀବ୍ର ହ୍ରାସ ଘଟିଛି।
ବଜେଟ ଆକଳନଠାରୁ ଅଧିକ ଅର୍ଥ ଆବଶ୍ୟକ ବୋଲି ସେ ଲୋକ ସଭାକୁ କହିବା ପରେ ନରେନ୍ଦ୍ର ମୋଦି ସରକାର ଭାରତର ବିକାଶ ବିଷୟରେ ମିଥ୍ୟା ପ୍ରଚାର କରୁଥିବା ଅଭିଯୋଗ କରିଛନ୍ତି। ଭାରତର ଅର୍ଥନୀତି ତଳକୁ ଖସୁଛି। ଅର୍ଥନୀତିକୁ ନିୟନ୍ତ୍ରଣ କରିବା ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ମଧ୍ୟ ନିବେଦନ କରିଛନ୍ତି।
ଜାତୀୟ ପରିସଂଖ୍ୟାନ କାର୍ଯ୍ୟାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟକୁ ଦର୍ଶାଇ ମହୁଆ ଦାବି କରିଛନ୍ତି ଯେ ଦେଶର ଶିଳ୍ପ ଉତ୍ପାଦନ ଅକ୍ଟୋବରରେ ଚାରି ପ୍ରତିଶତ ହ୍ରାସ ପାଇ ୨୬ ମାସର ସର୍ବନିମ୍ନ ସ୍ତରରେ ରହିଛି। ଏହା ସହିତ ଉତ୍ପାଦନ କ୍ଷେତ୍ର ମଧ୍ୟ ୫.୬ ପ୍ରତିଶତ ହ୍ରାସ ପାଇଛି। ଉଲ୍ଲେଖନୀୟ ବିଷୟ ହେଉଛି, ଉତ୍ପାଦନ କ୍ଷେତ୍ର ଚାକିରିର ସର୍ବ ବୃହତ ଉତ୍ପାଦକ ଅଟେ ।
ଲୋକସଭାରେ ସେ ନିକଟରେ ଶେଷ ହୋଇଥିବା ହିମାଚଳ ପ୍ରଦେଶ ବିଧାନସଭା ନିର୍ବାଚନରେ ଭାଜପାର ପରାଜୟକୁ ମଧ୍ୟ ସେ ଟାର୍ଗେଟ କରିଛନ୍ତି। ଭାଜପାକୁ କଟାକ୍ଷ କରି ସେ କହିଛନ୍ତି ଯେ ଶାସକ ଦଳର ସଭାପତି ତାଙ୍କ ନିଜ ରାଜ୍ୟରେ ମଧ୍ୟ ଜିତିପାରିେଲେ ନାହିଁ। ବର୍ତ୍ତମାନ ପପୁ ବର୍ତ୍ତମାନ କିଏ? ବୋଲି ସେ କଟାକ୍ଷ କରିଛନ୍ତି।
