ଜେନେଭା/ନୂଆଦିଲ୍ଲୀ,୧୧।୮: ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚ୍ଓ) କରୋନାର ଓମିକ୍ରନ ଭାରିଆଣ୍ଟରୁ ଉତ୍ପନ୍ନ ଏରିସ ଉପରେ ଯାଞ୍ଚ ଆରମ୍ଭ କରିଛି। ବର୍ତ୍ତମାନ ଡବ୍ଲୁଏଚ୍ଓଏହାକୁ ଭାରିଆଣ୍ଟ ଅଫ ଇଣ୍ଟ୍ରେସ ବର୍ଗରେ ଅନ୍ତର୍ଭୁକ୍ତ କରିଛି। ଏହା ଜାଣିବାକୁ ମିଳିଛି ଯେ ଗତ ଏପ୍ରିଲରୁ ବର୍ତ୍ତମାନ ପର୍ଯ୍ୟନ୍ତ ଭାରତ ସମେତ ବିଶ୍ୱର ଅନେକ ଦେଶରେ କରୋନାର ନୂଆ ଏରିସ ଭାରିଆଣ୍ଟ ପହଞ୍ଚିସାରିଛି, ଯାହା ଇଜି.୫ଭାବରେ ଜଣାଯାଉଛି।
ମଙ୍ଗଳବାର ଜେନେଭାରେ ଅନୁଷ୍ଠିତ ବୈଠକରେ ଡବ୍ଲୁଏଚ୍ଓ ଅଧିକାରୀ କହିଛନ୍ତି ଯେ ଏରିସ ଷ୍ଟ୍ରେନ୍ର ଏପର୍ଯ୍ୟନ୍ତ ବୌଣସି ପ୍ରମାଣ ପ୍ରକାଶ କରାଯାଇନାହିଁ। ସେଥିପାଇଁ ଏହାକୁ ବର୍ତ୍ତମାନ ଏକ ଗମ୍ଭୀର ଷ୍ଟ୍ରେନ ଭାବରେ ବିବେଚନା କରାଯାଇପାରିବ ନାହିଁ। ସମୟ ଅନୁଯାୟୀ, ପ୍ରମାଣ ଆମ ସାମ୍ନାକୁ ଆସିବା ମାତ୍ରେ ଦେଶମାନଙ୍କୁ ଏହା ବିଷୟରେ ଅବଗତ କରାଇବୁ।
