ପ୍ୟୋଙ୍ଗୟାଙ୍ଗ,୨୮।୩ : ଉତ୍ତର କୋରିଆରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। ଏଠାରେ ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ଏକ ସହରରେ ଲକଡାଉନ ଘୋଷଣା କରିଛନ୍ତି। କାରଣ ଏହି ସହରର ଜଣେ ସୈନିକଙ୍କ ନିକଟରୁ ୬୫୩ ରାଉଣ୍ଡ ବନ୍ଧୁକ ଗୁଳି ହଜି ଯାଇଛି। ଏହାକୁ ଖୋଜିବା ପାଇଁ ସମଗ୍ର ସହରରେ ଲକଡାଉନ ଘୋଷଣା ଯାଇଛି।
ରେଡିଓ ଫ୍ରି ଏସିଆର ଏକ ରିପୋର୍ଟ ଅନୁଯାୟୀ, ମାର୍ଚ୍ଚ ୭ ରେ ଏହି ଘଟଣା ଘଟିଥିଲା। ସରକାରଙ୍କ କଡା ନିର୍ଦ୍ଦେଶ ରହିଥିଲା ସମସ୍ତ ଗୁଳି ନ ମିଳିବା ପର୍ଯ୍ୟନ୍ତ ସହରରେ ଲକଡାଉନ ଜାରି ରହିବ। ଉଭୟ ପୋଲିସ ଏବଂ ସେନା ଏହାକୁ ଏକାଠି ଖୋଜୁଛନ୍ତି। ମାତ୍ର ୧୦ ଦିନ ବିତିଯାଇଥିଲେ ମଧ୍ୟ ଏହି ଗୁଳିଗୁଡ଼ିକ ଏପର୍ଯ୍ୟନ୍ତ ଉଦ୍ଧାର ହୋଇନାହିଁ ।
ଏହା ଯୋଗୁ ଦୁଇ ଲକ୍ଷରୁ ଅଧିକ ଲୋକ ଘରେ ବନ୍ଦୀ ହୋଇ ରହିଛନ୍ତି। ରେଡିଓ ଫ୍ରି ଏସିଆର ରିପୋର୍ଟ ଅନୁଯାୟୀ, ଏହି ଘଟଣା ଉତ୍ତର ରିଆଙ୍ଗଗଙ୍ଗର ହେସାନ ସହରରେ ଘଟିଛି।
ବନ୍ଧୁକ ଗୁଳି ପାଇଁ ସୈନିକମାନଙ୍କ ଦ୍ୱାରା ସର୍ଚ୍ଚ ଅପରେଶନ ଚାଲିଛି। ଅଧିକାରୀମାନେ ଘର-ଘର ବୁଲି ସର୍ଚ୍ଚ କରୁଛନ୍ତି।
