ଟ୍ରକ୍‌ରୁ ହେଲା ନୋଟ୍‌ ବର୍ଷା

କାଲିଫର୍ନିଆ,୨୧।୧୧:ଯଦି ରାସ୍ତାରେ ଦଶ ଟଙ୍କିଆ ନୋଟ ଖଣ୍ଡେ ମିଳିଯାଏ, ତେବେ ଖୁସିର ସୀମା ନ ଥାଏ। କିନ୍ତୁ ଆମେରିକାର କାଲିଫର୍ନିଆରେ ଡଲାର ବର୍ଷା ହୋଇଛି ଏବଂ ଲୋକମାନେ ରାସ୍ତା ମଝିରେ ନୋଟ୍‌ ଗୋଟାଉଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ତେବେ ପୋଲିସ ଏବଂ ଏଫବିଆଇ ସେମାନଙ୍କ ପଛରେ ପଡିଯାଇଥିଲେ। ଲୋକଙ୍କୁ ନୋଟ ଫେରସ୍ତ କରିବାକୁ କୁହାଯାଇଛି, ନଚେତ୍‌ ସମସ୍ତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।
ପୋଲିସ ଅଧିକାରୀଙ୍କ କହିବାନୁସାରେ, ଶୁକ୍ରବାର ସକାଳ ପ୍ରାୟ ୯.୧୫ ବେଳେ ଏକ ନୋଟ ଭର୍ତ୍ତି ଟ୍ରକ କାର୍ଲସ୍ୟାଡର ଇଣ୍ଟରଷ୍ଟେଟ ହାଇୱେ-୫ ଦେଇ ଯାଉଥିଲା। ଏହି ଟ୍ରକରେ ଅନେକ ବ୍ୟାଗରେ ନୋଟ ଭର୍ତ୍ତି କରାଯାଇଥିଲା। ହଠାତ୍‌ ଟ୍ରକର ପଛ କବାଟ ଖୋଲିଯିବାରୁ ପ୍ରବଳ ପବନ ଯୋଗୁ ଟଙ୍କା ବ୍ୟାଗଗୁଡ଼ିକ ଖୋଲିଯାଇଥିଲା। ବ୍ୟାଗ ଖୋଲିବା ମାତ୍ରେ ଏଥିରେ ଭର୍ତ୍ତି ହୋଇଥିବା ନୋଟଗୁଡ଼ିକ ପବନରେ ଉଡ଼ିବା ଆରମ୍ଭ କଲା। ଏହି ଦୃଶ୍ୟ ଦେଖି ଆଖପାଖର ଲୋକମାନେ ଗାଡିଗୁଡ଼ିକୁ ଅଟକାଇ ନୋଟ ଲୁଟିବା ଆରମ୍ଭ କଲେ, ଯେଉଁଥିପାଇଁ ସମଗ୍ର ରାଜପଥ ଜାମ ହୋଇଯାଇଥିଲା।
ଟ୍ରକର ଡ୍ରାଇଭର ଦେଖିଲେ ଯେ ତାଙ୍କ ଟ୍ରକର ନୋଟ ଆକାଶରେ ଉଡୁଛି ଏବଂ ଲୋକମାନେ ତାଙ୍କୁ ଲୁଟୁଛନ୍ତି, ସେତେବେଳେ ସେ ଏହାକୁ ବିରୋଧ କରିଥିଲେ। କିନ୍ତୁ ଲୋକମାନେ ନୋଟ ଲୁଟ କରିବାରେ ଏତେ ପାଗଳ ଥିଲେ ଯେ ସେମାନେ ଟ୍ରକ ଡ୍ରାଇଭରଙ୍କ ସହ ମାରପିଟ୍‌ ମଧ୍ୟ କରିଥିଲେ। ଟ୍ରକ ଡ୍ରାଇଭର ବାଧ୍ୟ ହୋଇ ହାଇୱେ ପାଟ୍ରୋଲିଂ ପୋଲିସକୁ ଏହା ଜଣାଇଥିଲେ।
ପୋଲିସ ଘଟଣାସ୍ଥଳରେ ପହଞ୍ଚିବା ମାତ୍ରେ ଲୋକଙ୍କୁ ନୋଟ ଫେରସ୍ତ କରିବାକୁ ଚେତାବନୀ ଦେଇଥିଲା, କିନ୍ତୁ ନୋଟ ବର୍ଷା ହେତୁ ଲୋକମାନେ ଏତେ ଖୁସି ହୋଇଥିଲେ ଯେ ଚେତାବନୀକୁ ସେମାନେ ଭୟ କରି ନ ଥିଲେ। ଏହା ପରେ ପୋଲିସ ଉଭୟ ପାର୍ଶ୍ୱରୁ ରାସ୍ତାକୁ ସିଲ କରିଥିଲା। ପ୍ରାୟ ୧୨ ଜଣ ଲୋକ ନୋଟ ଫେରସ୍ତ କରିଥିଲେ। ଅନେକ ଲୋକ ନିଜ ନିଜ ଗାଡିରେ ଅନେକ ନୋଟ ରଖି ପଳାଇ ଯାଇଥିଲେ। ଆମେରିକାର ଅନୁସନ୍ଧାନକାରୀ ଏଜେନ୍ସି ଏଫବିଆଇ ଏହି ଘଟଣାର ତଦନ୍ତ କରୁଛି। ତେବେ ଟ୍ରକରେ କେତେ ନୋଟ ଥିଲା ଏବଂ କେତେଜଣ ନୋଟ ନେଇ ପଳାଇଛନ୍ତି ତାହା ଏପର୍ଯ୍ୟନ୍ତ ଜଣା ପଡିନାହିଁ।


Enter your email to get our daily news in your inbox.

All Right Reserved By Dharitri.Com

ବ୍ରାଜିଲରେ ୯୦ ବର୍ଷର ରେକର୍ଡ ଭାଙ୍ଗିଲା ବର୍ଷା

ରିଓ ଡି ଜେନେରିଓ,୧୮।୨: ଲଗାଣ ବର୍ଷା ପରେ ବ୍ରାଜିଲରେ ଭୟଙ୍କର ବନ୍ୟା ପରିସ୍ଥିତି ଦେଖାଦେଇଛି। ପ୍ରବଳ ବର୍ଷା ଫଳରେ ଭୂସ୍ଖଳନ ଘଟି ମୃତ୍ୟୁ ସଂଖ୍ୟା ୧୧୭କୁ...

ମୋବାଇଲ ଦୋକାନରେ ପଶି ତାଣ୍ଡବ ରଚିଲା ଗାଈ; ଭିଡିଓ ଦେଖିଲେ…

କୁହାଯାଏ ପଶୁମାନେ ରାଗିଲେ ତାଣ୍ଡବ କରିଥାନ୍ତି। ବେଳେବେଳେ ସେମାନେ ଅନେକ ଜିନିଷପତ୍ର ନଷ୍ଟ କରିଥାନ୍ତି। ଏଭଳି ଏକ ମଜାଦାର ଭିଡିଓ ଏବେ ସୋସିଆଲ ମିଡିଆରେ ଘୁରି...

ଥାଇଲାଣ୍ଡ ମନ୍ଦିରରୁ ଉଦ୍ଧାର ୮୦ ବାଘ ମୃତ

ବ୍ୟାଙ୍କକ୍‌,୧୭ା୯(ଏଏଫପି): ଥାଇଲାଣ୍ଡର ଏକ ବିବାଦୀୟ ମନ୍ଦିରରୁ ୧୪୭ ବାଘଙ୍କୁ ଉଦ୍ଧାର କରାଯାଇ ଅନ୍ୟତ୍ର ନିଆଯାଇଥିଲା। ସେଥିରୁ ୮୦ରୁ ଊର୍ଦ୍ଧ୍ୱ ବାଘଙ୍କ ମୃତ୍ୟୁ ଘଟିଛି। ଜିନ୍‌ଗତ ସମସ୍ୟା...

୧୨ ଟନ୍‌ ବିପଜ୍ଜନକ ରାସାୟନିକ ନେଇ ଯାଉଥିବା ୟୁକ୍ରେନ୍‌ ବିମାନ ଦୁର୍ଘଟଣାଗ୍ରସ୍ତ…

ପଲେଖୋରି,୧୭।୭ : ଉତ୍ତର ଗ୍ରୀସର କାଭାଲା ସହର ନିକଟରେ ଏକ ୟୁକ୍ରେନ ଏୟାରଲାଇନ୍ସର କାର୍ଗୋ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଅଧିକାରୀମାନେ ଏହି ସୂଚନା ଦେଇଛନ୍ତି। ଶନିବାର...

ସମୁଦ୍ର ମଝିରେ ଯୋଗ କରୁଛନ୍ତି ଯୁବକ: ଦେଖନ୍ତୁ ଭିଡିଓ…

ଯୋଗ କରିବା ଦ୍ୱାରା ମଣିଷ ଶରୀର ଫିଟ୍‌ ରହିଥାଏ। ସାଧାରଣତଃ ଲୋକମାନେ ଘରେ କିମ୍ବା ପଡିଆରେ ଯୋଗ କରୁଥିବା ନଜିର ରହିଛି। ମାତ୍ର ସମୁଦ୍ର ମଝିରେ...

ଖୁସି ଖବର: ଡେଲ୍ଟା ପ୍ଲସ ଭାରିଏଣ୍ଟ ପାଇଁ ଭଲ କାମ କରିବ ଜନସନ ଆଣ୍ଡ ଜନସନ ଭ୍ୟାକ୍ସିନ!

ୱାଶିଂଟନ,୨ ।୭: କରୋନା ଭାଇରସର ନୂଆ ଡେଲ୍ଟା ପ୍ଲସ ଭାରିଏଣ୍ଟ ଏବେ ବିଶ୍ୱପାଇଁ ଚିନ୍ତାର କାରଣ ପାଲଟି ଯାଇଛି । ଏହା ଏମିତି ଏକ ଭାରିଏଣ୍ଟ...

ତାଲିବାନ୍‌ର ମାଷ୍ଟର ପ୍ଲାନ୍‌, ୯୦ ଦିନରେ ଆଫଗାନିସ୍ତାନ ଦଖଲ ଲକ୍ଷ୍ୟ…

କାବୁଲ୍‌,୧୨।୮: ଆମେରିକାର ଗୁପ୍ତଚର ସଂସ୍ଥା ଚେତାବନୀ ଦେଇଛନ୍ତି ଯେ ତାଲିବାନ ଆତଙ୍କବାଦୀମାନେ ଆସନ୍ତା ୩୦ରୁ ୯୦ ଦିନ ମଧ୍ୟରେ ଆଫଗାନିସ୍ତାନ ଦଖଲ କରିବାକୁ ଯୋଜନା କରିଛନ୍ତି।...

ପକ୍ଷୀ ଶିକାର ପରେ ଶିକାରୀ ସହ ଘଟିଲା ଏମିତି, ଲୋକେ କହିଲେ

ଯିଏ ଯେପରି କର୍ମ କରିବ ସିଏ ସେହିପରି ଫଳ ପାଇବ। ବର୍ତ୍ତମାନ ସେଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଜଣେ ଶିକାରୀ ଆକାଶକୁ...

Advertisement
Archives

Model This Week