ନୂଆଦିଲ୍ଲୀ,୧୭।୪: ଆଇପିଏଲ୍ର ୯ମ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ। ଉଭୟ ଟିମ ଚଳିତ ସିଜିନରେ ଦୁଇଟି ଲେଖାଏ ମ୍ୟାଚ୍ ଖେଳି ସାରିଛନ୍ତି। ପୂର୍ବଥରର ଚାମ୍ପିୟନ ମୁମ୍ବାଇ କୋଲକାତାକୁ ହରାଇ ଗୋଟିଏ ବିଜୟ ହାସଲ କରିଥିଲା। ସେହିଭଳି ସନରାଇଜର୍ସ ଟିମ୍ ଦୁଇଟିଯାକ ମ୍ୟାଚ୍ରେ ପରାଜିତ ହୋଇଛି। ଏଣୁ ଡେଭିଡ ଓ୍ବାର୍ନରଙ୍କ ଏହି ଦଳ ମୁମ୍ବାଇ ବିପକ୍ଷରେ ବିଜୟ ହାସଲ କରିବାକୁ ଚାହିଁବ। ଅନ୍ୟପକ୍ଷେ ମୁମ୍ବାଇ ଟିମ୍ରେ ବିସ୍ଫୋରକ ଖେଳାଳି ଥିଲେ ହେଁ ଅନେକ ଫର୍ମରେ ନାହାନ୍ତି। ଏଣୁ ଉଭୟ ଟିମ୍ ମୁକାବିଲା ଜିତି ନିଜର ଦମ୍ ଦେଖାଇବାକୁ ଚାହିଁବ ବୋଲି ଆଶା କରାଯାଉଛି।
ଆସନ୍ତୁ ଜାଣିବା ଏହି ମ୍ୟାଚ୍ କେଉଁଠି, କେତେବେଳେ ଦେଖିବେ…
କେବେ ଖେଳାଯିବ: ଏପ୍ରିଲ ୧୭ ଶନିବାର ଏହି ମ୍ୟାଚ୍ ଖେଳାଯିବ।
କେଉଁ ସମୟରେ ଆରମ୍ଭ ହେବ: ଭାରତୀୟ ସମୟାନୁସାରେ ୭ଟା ୩୦ ମିନିଟ୍ ସମୟରେ ଏହି ମ୍ୟାଚ୍ ଅନୁଷ୍ଠିତ ହେବ। ୭ଟାରେ ଟସ୍ ପଡ଼ିବ।
କେଉଁ ମଇଦାନରେ ଖେଳାଯିବ: ଏମ୍ଏ ଚିଦାମ୍ବରମ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ।
ଲାଇଭ୍ ଟିଭିରେ କେଉଁଠି ଦେଖିପାରିବେ: ଏହି ମ୍ୟାଚ୍କୁ ଆପଣ ଷ୍ଟାର ସ୍ପୋଟ୍ସ ନେଟଓ୍ବାର୍କର ବିଭିନ୍ନ ଚ୍ୟାନେଲରେ ଦେଖିପାରିବେ।
ଅନ୍ଲାଇନ୍ରେ କେଉଁଠି ଲାଇଭ ଷ୍ଟ୍ରିମିଂ ଦେଖିପାରିବେ:
ଆଇପିଏଲ୍ର ଏହି ୯ମ ମୁକାବିଲା ଷ୍ଟାରସ୍ପୋଟ୍ସର ଡିଜିଟାଲ ପ୍ଲାଟଫର୍ମରେ ଦେଖିପାରିବେ। ନଚେତ ଅନ୍ଲାଇନ୍ରେ ମଧ୍ୟ ଏହାର ଅପ୍ଡେଟ୍ ମିଳିପାରିବ।
