ଦିଗପହଣ୍ଡି,୧୦। ୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଭାରପ୍ରାପ୍ତ ଗୋଷ୍ଠୀ ଶିକ୍ଷାଧିକାରୀ ସନ୍ତୋଷ କୁମାର ମହାପାତ୍ରଙ୍କୁ ମଙ୍ଗଳବାର ଅଖିଳ ଭାରତୀୟ ପ୍ରାଥମିକ ଶିକ୍ଷକ ମହାସଂଘ ଦିଗପହଣ୍ଡି ଶାଖା ପକ୍ଷରୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। ସଂଘର ଶାଖା ସମ୍ପାଦକ ସନ୍ତୋଷ କୁମାର ଗୌଡ଼,ସହ – ସମ୍ପାଦକ ପ୍ରଦୀପ କୁମାର ମହାପାତ୍ର, ଉପସଭାପତି ଦିବାକର ପାଣିଗ୍ରାହୀ, ଉପ ସଭାନେତ୍ରୀ ମମତା ଦେବୀ, କୋଷାଧ୍ୟକ୍ଷ ଶିବଶଙ୍କର ମିଶ୍ର, ଜିଲା କମିଟି ସଭ୍ୟ ସୁଦାମ ଦାସ, ସଭ୍ୟା ନର୍ମଦା ପାତ୍ର, ରାଜ୍ୟ କମିଟି କୋଷାଧ୍ୟକ୍ଷ ସନାତନ ପଟ୍ଟନାୟକଙ୍କ ସମେତ ଶିକ୍ଷକ ପଦ୍ମନାଭ ପଟ୍ଟନାୟକ,କୃଷ୍ଣଚନ୍ଦ୍ର ମହାପାତ୍ର ପ୍ରମୁଖ ବହୁ ସଂଖ୍ୟକ ଶିକ୍ଷୟତ୍ରୀ ଶିକ୍ଷକବୃନ୍ଦ ସମ୍ବର୍ଦ୍ଧନା କାର୍ଯ୍ୟକ୍ରମରେ ଉପସ୍ଥିତ ଥିଲେ।
ସମସ୍ତ ଶିକ୍ଷୟତ୍ରୀଶିକ୍ଷକ ବୃନ୍ଦ କର୍ତ୍ତବ୍ୟନିଷ୍ଠ ଓ ସମୟାନୁବର୍ତ୍ତି ହୋଇ ସମଗ୍ର ଛାତ୍ରସମାଜ ପାଇଁ ପ୍ରେରଣାର ଉତ୍ସ ହେବା ସହ ବ୍ଲକ ଅଧିନ ସମସ୍ତ ବିଦ୍ୟାଳୟ ମାନଙ୍କରେ ଗୁଣାତ୍ମକ ଶିକ୍ଷାଦାନର କିଭଳି ଅଭିବୃଦ୍ଧି ହୋଇପାରିବ ସେ ନେଇ ସମସ୍ତେ ଯତ୍ନବାନ ହେବାକୁ ପରାମର୍ଶ ଦେଇଥିଲେ। ଦିଗପହଣ୍ଡି ଗୋଷ୍ଠୀ ଶିକ୍ଷାଧିକାରୀ ଡ଼.ଶଙ୍କର ନାରାୟଣ ବେଜ ଅବସର ଗ୍ରହଣ କରିବା ପରେ ଗଞ୍ଜାମ ଜିଲା କୁକୁଡ଼ାଖଣ୍ଡି ବ୍ଲକ ଗୋଷ୍ଠୀ ଶିକ୍ଷାଧିକାରୀଙ୍କୁ ଦିଗପହଣ୍ଡି ବ୍ଲକ ଶିକ୍ଷାଧିକାରୀ ଭାବେ ଅତିରିକ୍ତ ଦାୟିତ୍ବ ପ୍ରଦାନ କରାଯାଇଥିବା ଜଣାପଡିଛି।
