ରାସ୍ତା, ପାଣି ସୁବିଧା ନ ହେଲେ ଭୋଟ ଦେବୁନି

ରାୟଗଡ଼ା,୧୦।୫(ଭାଗ୍ୟଶ୍ରୀ ମିଶ୍ର ): ଆଦିବାସୀ ଅଧ୍ୟୁଷିତ ରାୟଗଡ଼ା ଜିଲାରେ ଆଜି ବି ଅନେକ ଅଞ୍ଚଳ ଅପହଞ୍ଚ l କଲ୍ୟାଣସିଂପୁରର ୧୫ ନମ୍ବର ୱାର୍ଡରେ ଥିବା ଘାଗୁଡ଼ିମାଳ ଏବଂ ଲୋହରା ସାହିକୁ ଆଜି ସୁଦ୍ଧା ଉପଯୁକ୍ତ ରାସ୍ତା ନିର୍ମାଣ ହୋଇପାରି ନାହିଁ । କଲ୍ୟାଣସିଂପୁର ବଜାରରୁ ମାତ୍ର ୨ କି.ମି. ଦୂରରେ ଅବସ୍ଥିତ ଏହି ସାହି ବାସିନ୍ଦା ଆଜି ବି ମୌଳିକ ସୁବିଧାରୁ ବଞ୍ଚିତ ଅଛନ୍ତି। ସେହିପରି ଅଞ୍ଚଳରେ ଦୀର୍ଘ ବର୍ଷ ଧରି ଲାଗି ରହିଥିବା ପାଣି ସମସ୍ୟାର ମଧ୍ୟ ସମାଧାନ ହେଉନାହିଁ। ଗ୍ରାମକୁ ପକ୍କାରାସ୍ତା ନିର୍ମାଣ ପାଇଁ ପ୍ରଶାସନଠାରୁ ଆରମ୍ଭକରି ରାଜନେତାଙ୍କ ନିକଟରେ ବାରମ୍ବାର ଅଭିଯୋଗ ପରେ ମଧ୍ୟ କିଛି ସୁଫଳ ମିଳି ନ ଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି। କେବଳ ନିର୍ବାଚନ ଆସିଲେ ଜନପ୍ରତିନିଧି ଗାଁକୁ ଆସି ମାଳ ମାଳ ପ୍ରତିଶ୍ରୁତି ଦେଇ ଚାଲିଯାଉଛନ୍ତି । ନିର୍ବାଚନ ପରେ ଆଉ କୌଣସି ନେତା କି ମନ୍ତ୍ରୀଙ୍କ ଦେଖା ମିଳୁ ନ ଥିବା ଗ୍ରାମବାସୀ କହିଛନ୍ତି। ୨୦୧୯ ନିର୍ବାଚନ ସମୟରେ ଭୋଟ ବର୍ଜନ ଚେତାବନୀ ଦେଇଥିଲୁ। ଏହାପରେ ଜନପ୍ରତିନିଧି ଗ୍ରାମକୁ ଆସି ରାସ୍ତା କରିବାର ପ୍ରତିଶ୍ରୁତି ଦେବା ପରେ ଭୋଟ ଦେଇଥିଲୁ। ହେଲେ ଉକ୍ତ ପ୍ରତିଶ୍ରୁତି କେବଳ ପ୍ରତିଶ୍ରୁତିରେ ରହିଯାଇଛି। ଏବେ ପୁଣି ନିର୍ବାଚନ ଆସିବାରୁ ବିଭିନ୍ନ ଦଳର ରାଜନେତା ଗାଁକୁ ଆସି ଭୋଟ ଦେବା ପାଇଁ ପ୍ରଚାର କରୁଛନ୍ତି। ହେଲେ ଗାଁକୁ ରାସ୍ତା ଏବଂ ପାଣି ସମସ୍ୟା ସମାଧାନ ନ ହେଲା ପର୍ଯ୍ୟନ୍ତ ଭୋଟ ଦେବେନାହିଁ ବୋଲି ଅଞ୍ଚଳବାସୀ ଚେତାବନୀ ଦେଇଛନ୍ତି।
ଲୋହରା ସାହିରେ ୧୩ଟି ପରିବାର ପ୍ରାୟ ୬୦ଜଣ ରହୁଥିବା ବେଳେ ଘାଗୁଡ଼ିମାଳରେ ପ୍ରାୟ ୨୫୦ରୁ ଊର୍ଦ୍ଧ୍ୱ ଲୋକ ବାସ କରୁଛନ୍ତି। ହେଲେ ଉକ୍ତ ୨ ଗାଁକୁ ପକ୍କା ରାସ୍ତା ନ ଥିବାରୁ ଯାତାୟାତ ପାଇଁ ଲୋକେ ବହୁ ହଇରାଣ ହେଉଛନ୍ତି। ଲୋହରା ସାହିରେ ୬୦ରୁ ଊର୍ଦ୍ଧ୍ୱ ଲୋକ ରହୁଥିବା ବେଳେ ସାହିରେ ମାତ୍ର ଗୋଟିଏ ନଳକୂପ ରହିଛି। ତେବେ ଉକ୍ତ ନଳକୂପରୁ ୫ ରୁ ୬ ହାଣ୍ଡି ପାଣି ବାହାରିବା ପରେ ଗୋଳିଆ ପାଣି ଆସୁଛି । ଅନ୍ୟ ବ୍ୟବସ୍ଥା ନ ଥିବାରୁ ବାଧ୍ୟହୋଇ ଉକ୍ତ ଗୋଳିଆପାଣି ଛାଣି ବ୍ୟବହାର କରୁଥିବା ସାହି ବାସନ୍ଦା କହିଛନ୍ତି। ନଳକୂପ ଖରାପ ହେଲେ ନାଳ ଉପରେ ନିର୍ଭର କରିବାକୁ ପଡ଼ୁଛି। ସେହିପରି ବର୍ଷା ପବନରେ ବିଦ୍ୟୁତ୍‌ ତାର ଛିଣ୍ଡିଲେ କି ଫ୍ୟୁଜ୍‌ ଗଲେ ବିଭାଗୀୟ ଅଧିକାରୀ ଶୁଣୁନାହାନ୍ତି। ଫଳରେ ଅଞ୍ଚଳବାସୀ ଚାନ୍ଦାକରି ଏହାକୁ ମରାମତି କରିଥାନ୍ତି ବୋଲି ଗ୍ରାମର କାଡରାକା ଭାମିନି, ନିତୁ ସାରକା, ଈଶ୍ୱରୀ ପ୍ରାସ୍କା, ରିବିକା କାଡରାକା, ସାରକା ଶିଲକା, ଅଟକା ମାଝି ବେଣୀ ପ୍ରମୁଖ ଅଭିଯୋଗ କରିଛନ୍ତି।
ସେହିପରି ଘାଗୁଡ଼ିମାଳରେ ୨୫୦ରୁ ଊର୍ଦ୍ଧ୍ୱ ଲୋକ ରହୁଥିବାବେଳେ ପାନୀୟ ଜଳ ପାଇଁ ଗୋଟେ ସୋଲାର ବୋର୍‌ୱେଲ ରହିଛି । ହେଲେ ଘରେ ପାଇପ୍‌ ଲାଗିଥିଲେ ମଧ୍ୟ ଜଳ ସଂଯୋଗ ହୋଇନାହିଁ l ଫଳରେ ଗ୍ରୀଷ୍ମଋତୁରେ ଜଳକଷ୍ଟ ଭୋଗୁଥିବା ଗ୍ରାମବାସୀ କହିଛନ୍ତି। ସେହିପରି ଗାଁକୁ ପକ୍କା ରାସ୍ତା ନ ଥିବାରୁ ଉଭୟ ଘାଗୁଡ଼ିମାଳ ଏବଂ ଲୋହରା ସାହିକୁ ଆମ୍ବୁଲାନ୍ସ ମଧ୍ୟ ଆସୁନାହିଁ । ରୋଗୀ ଓ ଗର୍ଭବତୀଙ୍କୁ ଭାରରେ ବୋହି ନେବାକୁ ପଡ଼ୁଛି। ଗ୍ରାମର ବିକାଶ ପାଇଁ ଅନେକ ଥର ସରପଞ୍ଚଙ୍କୁ ଜଣାଇଲେ ସୁଦ୍ଧା ସେ କର୍ଣ୍ଣପାତ କରୁ ନ ଥିବା ଗ୍ରାମର ୱାର୍ଡମେମ୍ବର ମିଥୁନ କାଡରାକା କହିଛନ୍ତି । ଫଳରେ ଗ୍ରାମବାସୀ ମିଳିତ ଭାବେ ରାସ୍ତାରେ ପଥର, ଇଟା ଓ ମାଟି ପକାଇ ସମତୁଲ କରିଛନ୍ତି। ଗ୍ରାମରେ ଅଙ୍ଗନଓ୍ବାଡି କେନ୍ଦ୍ର ନ ଥିବାରୁ ପିଲାମାନେ ୩ କି.ମି. ଦୂର କଲ୍ୟାଣସିଂପୁରକୁ ଯାଇ ନ ପାରି ପ୍ରି ସ୍କୁଲ ଶିକ୍ଷାରୁ ବଞ୍ଚତ୍ତ ରହୁଛନ୍ତି। ତେଣୁ ଗ୍ରାମରେ ଏକ ଅଙ୍ଗନଓ୍ବାଡି କେନ୍ଦ୍ର ସ୍ଥାପନ କରିବାକୁ ମଧ୍ୟ ଅଞ୍ଚଳବାସୀ ଦାବି କରିଛନ୍ତି। ତେବେ ଚଳିତ ନିର୍ବାଚନ ପ୍ରଚାର ପାଇଁ କୌଣସି ନେତା ମନ୍ତ୍ରୀଙ୍କର ପାଦ ସେମାନଙ୍କ ଗ୍ରାମରେ ପଡି ନ ଥିବା ଗ୍ରାମବାସୀ କହିଛନ୍ତି। ଭୋଟ ଦେବା ପାଇଁ ଗ୍ରାମରେ ବୁଥ୍‌ କରାଯିବ। ହେଲେ ଅଞ୍ଚଳର ବିକାଶ କରା ନ ଗଲେ ଭୋଟ ବର୍ଜନ କରିବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି। ଏ ନେଇ କେସିଂପୁର ବିଡିଓ ମନୀଷା ଦାସଙ୍କୁ ଯୋଗାଯୋଗ କରିବାରୁ ସେ ନୂତନ ଭାବେ ଦାୟିତ୍ୱ ଗ୍ରହଣ କରିଛନ୍ତି, ତଥାପି ଅଞ୍ଚଳବାସୀଙ୍କ ସହ ଆଲୋଚନାକରି କାର୍ଯ୍ୟ କରାଯିବ କହି ଗ୍ରାମବାସୀଙ୍କୁ ବୁଝାଇବେ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କ୍ରିକେଟରେ ପୁଣି ଭାରତ-ପାକ ମହାଯୁଦ୍ଧ: ରବିବାର ମୁହାଁମୁହିଁ ହେବେ ଦୁଇ ଦେଶର ‘ଏ’ ଟିମ, ଭାରତୀୟ ଦଳରେ ବୈଭବଙ୍କ ସହ ଅଛନ୍ତି…

ନୂଆଦିଲ୍ଲୀ,୨୧।୧୧: ଏବେ ଚାଲିଥିବା ଏସିଆ କପ ରାଇଜିଂ ଷ୍ଟାର୍ସ ୨୦୨୬ରେ ରବିବାର, ୨୨ ନଭେମ୍ବରରେ ଭାରତ-ଏ ଏବଂ ପାକିସ୍ତାନ-ଏ ମଧ୍ୟରେ ହେବ ମହାମୁକାବିଲା। ଗତ ରବିବାର (୧୪…

୮୯ ବଲ୍‌ରେ ୮୫ ରନ, ଟେଷ୍ଟରେ ଆକ୍ରମଣାତ୍ମକ ବ୍ୟାଟିଂ ପଛର ଗୁମର ଖୋଲିଲେ ଜଶସ୍ବୀ ଜୟସ୍ବାଲ୍‌

ଓ୍ବେଲିଂଟନ,୨୧।୧୧: ଯେଉଁ ପିଚ୍‌ରେ ବ୍ୟାଟ୍ସମ୍ୟାନ୍‌ ଗୋଟିଏ ଗୋଟିଏ ରନ ସଂଗ୍ରହ କରିବା କଷ୍ଟକର ହୋଇପଡ଼ିଥିଲା, ସେହି ପିଚ୍‌ରେ ଆକ୍ରମଣାତ୍ମକ ବ୍ୟାଟିଂ କରି ସମସ୍ତଙ୍କୁ ଚକିତ କରିଛନ୍ତି ଭାରତୀୟ…

ଅଷ୍ଟ୍ରେଲିଆ କ୍ରିକେଟରେ ହଲଚଲ: କମିନ୍ସଙ୍କ ସମର୍ଥନରେ ଦେଲେ ଅବସର ଚେତାବନୀ

ନୂଆଦିଲ୍ଲୀ,୨୧।୧୧: ଉସମାନ ଖୱାଜା ସାଣ୍ଡପେପର୍‌ ବିବାଦକୁ ନେଇ କରିଥିବା ଦାବି ପରେ ଅଷ୍ଟ୍ରେଲିଆ କ୍ରିକେଟ ଦଳରେ ବଡ଼ ଝଡ଼ ସୃଷ୍ଟି ହୋଇଛି। ଏହି ଘଟଣାକୁ ନେଇ ଖେଳାଳିମାନେ…

ଭାରତର ପ୍ରଥମ ସ୍ବଦେଶୀ ଏଚ୍‌୫ଏନ୍‌୧ ଟିକା ଶୁଭାରମ୍ଭ

ନୂଆଦିଲ୍ଲୀ,୨୨ା୧୧:କୁକୁଡ଼ାମାନଙ୍କୁ ଅତ୍ୟଧିକ ସଂକ୍ରାମକ ଆଭିଆନ୍‌ ଇନ୍‌ଫ୍ଲୁଏଞ୍ଜା (ଏଚ୍‌ପିଏଆଇ) ବା ବାର୍ଡ ଫ୍ଲୁରୁ ରକ୍ଷା କରିବା ଲକ୍ଷ୍ୟରେ କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂ ଚୌହାନ ଶୁକ୍ରବାର ଦେଶର…

ଏସିଆ କପ ଫାଇନାଲରେ ଭାରତ-ପାକିସ୍ତାନ ମ୍ୟାଚ ରଦ୍ଦ: ପାକିସ୍ତାନକୁ ଚାମ୍ପିୟନ ଘୋଷଣା, ରାଗରେ ଭାରତ କଲା ଏମିତି…

ନୂଆଦିଲ୍ଲୀ,୨୧।୧୧: ମେନ୍ସ ବ୍ଲାଇଣ୍ଡ କ୍ରିକେଟ ଏସିଆ କପ ୨୦୨୬ର ଫାଇନାଲ ମ୍ୟାଚ ଶୁକ୍ରବାର ଭାରତ ଓ ପାକିସ୍ତାନ ମଧ୍ୟରେ ଖେଳାଯିବାର ଥିଲା। ହେଲେ ବାଂଲାଦେଶର ଢାକାରେ ଲଗାତାର…

ଏସ୍‌ଏସ୍‌ବି ଜୁନିୟର ଆସିଷ୍ଟାଣ୍ଟ, କ୍ଲର୍କ ପରୀକ୍ଷା ଘୁଞ୍ଚିଲା: ଏହି ଦିନ ହେବ ପରୀକ୍ଷା

ଭୁବନେଶ୍ୱର,୨୧ା୧୧(ସୁଚିସ୍ମିତା ସାହୁ):ବାତ୍ୟା ‘ଅକ୍ୱାନ’ର ପ୍ରଭାବକୁ ଦୃଷ୍ଟିରେ ରଖି ଷ୍ଟେଟ ସିଲେକ୍ସନ ବୋର୍ଡ (ଏସ୍‌ଏସ୍‌ବି) ପକ୍ଷରୁ ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଲର୍କ ପଦବୀ ପାଇଁ ହେବାକୁ ଥିବା…

ଛୋଟ ସାଥୀକୁ ଗିଳିଦେଲା ବିଶାଳକାୟ ତାରା: ମହାକାଶରେ ବିରଳ ଦୃଶ୍ୟ

ଓ୍ବାଶିଂଟନ,୨୧ା୧୧:ମହାକାଶ ବିଜ୍ଞାନ ଇତିହାସରେ ପ୍ରଥମ ଥର ପାଇଁ ଜ୍ୟୋତିର୍ବିଜ୍ଞାନୀମାନେ ଏକ ବିଶାଳକାୟ ତାରା ନିଜର ଛୋଟ ସାଥୀ ତାରାକୁ ଗିଳିିଦେଇ ନିଜ ଭିତରେ ମିଶାଇଦେବାର ବିରଳ ଘଟଣାକୁ…

ନୂଆ ଇତିହାସ ଲେଖିଲେ କେ.ଏଲ. ରାହୁଲ: ଯାହା କୌଣସି ଭାରତୀୟ ଓପନର୍‌ କରିପାରି ନ ଥିଲେ ତାହା କଲେ ହାସଲ

ଓ୍ବେଲିଂଟନ,୨୧।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ୱେଲିଂଟନର ବେସିନ ରିଜର୍ଭ ଷ୍ଟାଡିୟମରେ ଖେଳାଯାଉଥିବା ଦୁଇ ଟେଷ୍ଟ ମ୍ୟାଚ ବିଶିଷ୍ଟ ସିରିଜ୍‌ର ପ୍ରଥମ ମୁକାବିଲାର ତୃତୀୟ ଦିନରେ ଚମକିଛନ୍ତି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?