ଦୁନିଆରେ ଅନେକ ସୁନ୍ଦର ଜଳପ୍ରପାତ ଅଛି, ଯାହା ମନକୁ ଆକର୍ଷିତ କରିଥାଏ। ପ୍ରତିବର୍ଷ ଲକ୍ଷ ଲକ୍ଷ ପର୍ଯ୍ୟଟକ ଏପରି ସ୍ଥାନରେ ପହଞ୍ଚିଥାନ୍ତି। କିନ୍ତୁ ଆପଣ କେବେ ଏପରି ଜଳପ୍ରପାତ ବିଷୟରେ ଶୁଣିଛନ୍ତି, ଯାହା ଜଳ ଭିତରେ ଅଛି? ଆଜି ଏମିତି ଏକ ଜଳପ୍ରପାତ ବିଷୟରେ କହିବୁ ଯାହା ଜାଣିଲେ ଆଶ୍ଚର୍ଯ୍ୟ ହେବେ।
ଏହି ଅନନ୍ୟ ଜଳପ୍ରପାତ ଭାରତ ମହାସାଗରରେ ମରିସସର ଦକ୍ଷିଣ-ପଶ୍ଚିମ ଉପକୂଳରେ ଅବସ୍ଥିତ। ସବୁ ଜଳ ପ୍ରପାତ ପାହାଡ଼ରୁ ସମତଳ ଭୂମିକୁ ପଡ଼ିଥାଏ। ମାତ୍ର ସମୁଦ୍ର ମଝିରେ ଏହି ଜଳପ୍ରପାତ ରହିଛି। ଯାହା ଦେଖିବାକୁ ଖୁବ୍ ସୁନ୍ଦର। ଏହି ଜଳପ୍ରପାତ ସମୁଦ୍ରର ଢେଉକୁ କାଟି ତଳକୁ ଖସେ। କିନ୍ତୁ ଏହା କେଉଁଆଡ଼େ ଯାଏ, ସେ ବିଷୟରେ ଏ ପର୍ଯ୍ୟନ୍ତ କିଛି ଜଣାପଡ଼ିନାହିଁ।
Indian Ocean’s underwater waterfall near Mauritius cannot be viewed from shore. Even from 500-meter Le Morne Braban peak, only small part visible. Must fly to see it fully… pic.twitter.com/8TPz9qmd0L
— Tansu YEĞEN (@TansuYegen) May 5, 2023
ବାଲି ଯୋଗୁ ଏହା ଏକ ଜଳପ୍ରପାତ ପରି ଅନୁଭବ ଦେଇଥାଏ।ବିଶେଷଜ୍ଞଙ୍କ ଅନୁଯାୟୀ, ଏହା ଜଳପ୍ରପାତ ଭାବରେ ଲୋକପ୍ରିୟ ହୋଇପାରେ, କିନ୍ତୁ ବାସ୍ତବରେ ଏହା ସେପରି ନୁହେଁ, ଏହା କେବଳ ଏକ ଅପ୍ଟିକାଲ ଭ୍ରମ। ବାଲି ଏବଂ ସିଲ୍ଟର ଜମା ହେତୁ ଜଳର ରଙ୍ଗ ବଦଳିଯାଏ, ଯାହା ଏହାକୁ ଜଳପ୍ରପାତ ପରି ଦେଖାଯାଏ କିମ୍ବା ଜଳ ଏଠାରେ ଟାଣି ହୋଇଥିବାର ଦେଖାଯାଏ। ଏହି ଅଣ୍ଡର ଓ୍ବାଟର ଜଳପ୍ରପାତ ଦେଖିବାକୁ ପୃଥିବୀର ବିଭିନ୍ନ ସ୍ଥାନରୁ ଲୋକମାନେ ଆସନ୍ତି। ଧଳା ବାଲିରେ ପରିପୂର୍ଣ୍ଣ ଏହି ସମୁଦ୍ର କୂଳର ସୌନ୍ଦର୍ଯ୍ୟକୁ ମଧ୍ୟ ଉପଭୋଗ କରନ୍ତି।
ମରିସସ ନିକଟରେ ଥିବା ଭାରତ ମହାସାଗରର ଜଳପ୍ରପାତ କୂଳରୁ ଦେଖାଯାଇପାରିବ ନାହିଁ। 500 ମିଟର ଲେ ମର୍ନେ ବ୍ରାବାନ ଶିଖରରୁ ଏହା କେବଳ ଏକ ଛୋଟ ଅଂଶ ପରି ଦେଖିବାକୁ ମିଳିଥାଏ।
ଏହି ଭିଡିଓଟି @TansuYegen ନାମକ ଏକ ଟୁଇଟର ଆକାଉଣ୍ଟରେ ଶେୟାର କରାଯାଇଛି। ଏଥିରେ କ୍ୟାପଶନ ଲେଖାଅଛି, ସମୁଦ୍ର କୂଳରୁ ମରିସସ ନିକଟ ଭାରତ ମହାସାଗରରେ ନିର୍ମିତ ଜଳପ୍ରପାତ ଆପଣ ଦେଖି ପାରିବେ ନାହିଁ। ୫୦୦ ମିଟର ଉଚ୍ଚରୁ ଲେ ମର୍ନେ ବ୍ରାବାନ ଶିଖରରୁ କେବଳ ଏକ ଛୋଟ ଅଂଶ ଦୃଶ୍ୟମାନ ହୁଏ। ଏହାକୁ ଦେଖିବା ପାଇଁ ତୁମକୁ ଉଡ଼ିବାକୁ ପଡିବ। ଏହି ଭିଡିଓକୁ ଏପର୍ଯ୍ୟନ୍ତ ୪.୧୮ ଲକ୍ଷରୁ ଅଧିକ ଥର ଦେଖାଯାଇଛି। ୧୦ ହଜାରରୁ ଅଧିକ ଲୋକ ଲାଇକ୍ କରିଛନ୍ତି । ଅନେକ ଲୋକ ମଧ୍ୟ ମନ୍ତବ୍ୟ ଦେଇଛନ୍ତି ଯେ, ଆମେ ଏହିପରି କିଛି ଦେଖିନାହୁଁ, ଅବିଶ୍ୱସନୀୟ । ପ୍ରାକୃତିକ ଆଉ ଚମତ୍କାର ବି।
