ଭୋଗରାଇ,୨୦l୬(ପ୍ରଦୀପ ଦାସ): ସୁବର୍ଣ୍ଣରେଖା ଉପରମୁଣ୍ଡାରେ ବର୍ଷା ଲାଗିରହିବାରୁ ସୁବର୍ଣ୍ଣରେଖାରେ ଚଳିତ ଋତୁରେ ପ୍ରଥମଥର ଜଳସ୍ତର ବୃଦ୍ଧି ପାଉଛି। ଝାଡ଼ଖଣ୍ଡ ଗାଲୁଡ଼ିହି ଜଳାଧାରରୁ ଆସିଥିବା ବର୍ଷାପାଣି ୮ଟି ଗେଟଦ୍ୱାରା ପ୍ରତି ସେକେଣ୍ଡରେ ୨ ଲକ୍ଷ ୪ହଜାର କ୍ୟୁସେକ ପାଣି ସୁବର୍ଣ୍ଣରେଖାକୁ ଛଡ଼ାଯିବାରୁ ହଟାତ ଜଳସ୍ତର ବୃଦ୍ଧିପାଇଛି l ଶୁକ୍ରବାର ସକାଳୁ ଜଳେଶ୍ୱର, ବସ୍ତା, ବାଲିଆପାଳ ଓ ଭୋଗରାଇ ବ୍ଲକର ନଦୀକୂଳିଆ ଗ୍ରାମବାସୀମାନେ ଜଳସ୍ତର ବୃଦ୍ଧି ଦେଖି ଭୟଭୀତ ହୋଇଛନ୍ତି। ସୁବର୍ଣ୍ଣରେଖା ନଦୀବନ୍ଧରେ ବନ୍ୟା ପ୍ରତିରୋଧକ ବନ୍ଧ ଯୁଦ୍ଧ କାଳୀନ ଭିତ୍ତିରେ ପଥର ପେକିଂ ନହେଲେ ୪ବ୍ଲକର ବହୁ ଗ୍ରାମ ବଡବନ୍ୟା ହେଲେ ନଦୀଗର୍ଭରେ ଲୀନ ହେବାର ଗ୍ରାମବାସୀମାନେ ଆଶଙ୍କା ପ୍ରକାଶ କରିଛନ୍ତି l ଶୁକ୍ରବାର ସକାଳ ୯ଟା ସୁଦ୍ଧା ସୁବର୍ଣ୍ଣରେଖା ରାଜଘାଟ ଠାରେ ଜଳ ପତ୍ତନ ବୃଦ୍ଧିପାଇ ସତର୍କ ସୂଚନା ୯. ୪ ୫ ମି ତଳେ ୮ ମିରେ ସମୁଦ୍ରକୁ ପ୍ରବାହିତ ହେଉଛି l ରାଜଘାଟ ବିପଦ ସଂକେତ ୧୦.୩ ୬ ମି ଥିବାବେଳେ ବର୍ଷାର ପରିମାଣ କାମଥିବାରୁ ବଡବନ୍ୟାର ସମ୍ଭାବନା ନାହିଁ ବୋଲି ସେଚ ବିଭାଗ ସୂଚନା ଦେଇଛନ୍ତି l
