ଲଣ୍ଡନ: ବିଶେଷଜ୍ଞମାନେ ଉଲ୍କାପିଣ୍ଡ ଖଣ୍ଡରୁ ଜଳର ସନ୍ଧାନ କରିଛନ୍ତି। ଗତବର୍ଷ ଫେବୃୟାରୀରେ ବ୍ରିଟେନ୍ର ଗ୍ଲୋସେଷ୍ଟରସିର ଟାଉନ୍ର ସଡ଼କରେ ଏହି ଉଲ୍କାପିଣ୍ଡର କିଛି ଅଂଶ ପଡ଼ିଥିଲା। ତେବେ ଏହି ଉଲ୍କାପିଣ୍ଡରୁ ଜଳ କେଉଁଠାରୁ ଆସିଲା ସେ ନେଇ ବିଶେଷଜ୍ଞ ଟିମ୍ର ଅଧ୍ୟୟନ ଜାରି ରହିଛି। ନାଚୁରାଲ ହିଷ୍ଟ୍ରି ମ୍ୟୁଜ୍ରପ୍ଲାନେଟାରି ମ୍ୟାଟେରିଆଲ ଗ୍ରୁପ୍ର ବିଶେଷଜ୍ଞ ଆଶଲି କିଙ୍ଗ କହିଛନ୍ତି, ଉଲ୍କାପିଣ୍ଡର ୧୨% ଭାଗରେ ଜଳର ଅବସ୍ଥିତି ରହିଛି। ଉଲ୍କାପିଣ୍ଡରୁ ମିଳିଥିବା ଜଳ ଏବଂ ପୃଥିବୀରେ ଥିବା ଜଳ ମଧ୍ୟରେ ଖୁବ୍ ବେଶୀ ସାମଞ୍ଜସ୍ୟ ରହିଛି। ବୃହସ୍ପତି ନିକଟରେ ଉତ୍ପନ୍ନ ହୋଇଥିବା ଉଲ୍କାପିଣ୍ଡର ଏହା ଅଂଶବିଶେଷ। ୪.୬ ବିଲିୟନ୍ ବର୍ଷ ତଳେ ଏହା ତିଆରି ହୋଇଥିବାବେଳେ ପୃଥିବୀ ପୃଷ୍ଠକୁ ଆସିବା ଲାଗି ଏହି ଉଲ୍କାପିଣ୍ଡକୁ ୧ ଲକ୍ଷ ବର୍ଷ ସମୟ ଲାଗିଥିବା ବିଶେଷଜ୍ଞ କହିଛନ୍ତି।
