ବସ୍ତା,୧୪।୮(ହରିଶଙ୍କର ପାଢ଼ୀ): ଉତ୍ତର ଓଡ଼ିଶାରେ ବନ୍ୟା ପରିସ୍ଥିତି ଦିନକୁ ଦିନ ଗମ୍ଭୀର ହେବାରେ ଲାଗିଛି । ବାଲେଶ୍ବର ବସ୍ତାରେ ଜଳକା ନଦୀରେ ବନ୍ୟା ଆସିବା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ମଥାନି ଠାରେ ରାସ୍ତା ବନ୍ଦ ହୋଇ ରହିଛି । ବସ୍ତା ପୋଲିସ ଷ୍ଟେସନ, ବସ୍ତା ତହସିଲ ଅଫିସ ତଥା ଏଡିପିଓ ଅଫିସ ପାଣି ଘେରରେ ରହିଛି । ବସ୍ତା ଇଲେକ୍ଟ୍ରି ଅଫିସ ପରିସର ମଧ୍ୟ ବନ୍ୟା ପାଣିରେ ବୁଡି ରହିଛି ।
ଜଳକା ନଦୀର ଜଳସ୍ତର ବୃଦ୍ଧି ପାଇବା ସହ ବନ୍ୟାଜଳ ବସ୍ତା ଅଞ୍ଚଳର ବିଭିନ୍ନ ଅଞ୍ଚଳରେ ପଶିଛି । ଗୁରୁତ୍ୱପୂର୍ଣ୍ଣ ସରକାରୀ ପରିସରରେ ପାଣି ଜମିବା କାରଣରୁ କାର୍ଯ୍ୟ ବାଧାପ୍ରାପ୍ତ ହୋଇଛି । ବାଲେଶ୍ୱର, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ସମେତ ବିଭିନ୍ନ ଜିଲାରେ ଜଳସ୍ତର ବୃଦ୍ଧି ପାଇଛି । ବଙ୍ଗୋପସାଗରରେ ସୃଷ୍ଟ ଲଘୁଚାପ ଅବପାତରେ ପରିଣତ ହୋଇଥିବା ବେଳେ ଆସନ୍ତା ଚବିଶ ଘଣ୍ଟା ଯାଏ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି । ଏହା ଏକ ପ୍ରକାର ଚିନ୍ତାକୁ ଦ୍ବିଗୁଣିତ କରିଛି ।
