ସୋସିଆଲ ମିଡିଆରେ ପ୍ରତିଦିନ କିଛି ନା କିଛି ନୂଆ କୌଶଳ ଦେଖିବାକୁ ମିଳିଥାଏ। ବର୍ତ୍ତମାନ ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି। ଏଥିରେ ଏକ ଦେଶୀ କୌଶଳ ଦେଖିବାକୁ ପାଇବେ। ଯାହାକୁ ପୂର୍ବରୁ କେବେ ଦେଖି ନ ଥିବେ।
ଭିଡିଓରେ ଜଣେ ବ୍ୟକ୍ତି କିପରି ଡ୍ରମ୍ରୁ ଓ୍ବାଶିଂ ମେଶିନ ତିଆରି କରିଛନ୍ତି। ଏହି ମେଶିନଟି ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଏହି ଉଦ୍ଭାବନ ଦେଖିବା ପରେ ନିଶ୍ଚିତ ଭାବରେ ଆପଣଙ୍କ ମନରେ ଆସିବ ଯେ ଇଞ୍ଜିନିୟରମାନେ ମଧ୍ୟ ଏହି ଏପରି କୌଶଳ ସାମ୍ନାରେ ବିଫଳ ହୋଇଯିବେ।
ଭିଡିଓରେ ଏକ ନୀଳ ରଙ୍ଗର ଡ୍ରମ ଯାହାକି ଜଳ ସଂରକ୍ଷଣ ପାଇଁ ବ୍ୟବହୃତ ହୁଏ। କିନ୍ତୁ ବ୍ୟକ୍ତି ଜଣକ ଏହାକୁ ଏକ ସୁନ୍ଦର ଓ୍ବାଶିଂ ମେଶିନ କରିଛନ୍ତି। ଡ୍ରମ୍ରେ ଏକ ପାଇପ ଏବଂ ଇଲେକ୍ଟ୍ରିକ ମୋଟର ବ୍ୟବହାର କରି ଏହି ସ୍ବଦେଶୀ ମେଶିନ ସେ ତିଆରି କରିଛନ୍ତି।
ଭିଡିଓଟି ଇନ୍ଷ୍ଟାଗ୍ରାମରେ the.funny.us ନାମକ ଏକ ପେଜ୍ରେ ଶେୟାର କରାଯାଇଛି। ଏପର୍ଯ୍ୟନ୍ତ ଭିଡିଓଟିକୁ ୪ ହଜାରରୁ ଅଧିକ ଲୋକ ଦେଖିସାରିଲେଣି। ଅନେକ ୟୁଜର ଏପରି ଦେଶୀ କୌଶଳକୁ ପ୍ରଶଂସା କରୁଛନ୍ତି। ଜଣେ ୟୁଜର ଲେଖିଛନ୍ତି, ଆମ ଦେଶୀ ଯୋଗାଡ଼ ବାହାରକୁ ଯିବା ଉଚିତ୍ ନୁହେଁ। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଇଞ୍ଜିନିୟରମାନେ ବି ଫେଲ୍ ହୋଇଯିବେ।
