ନୂଆଦିଲ୍ଲୀ,୨୭।୮: ଏସିଆ କପ୍ ଏବଂ ଦିନିକିଆ ବିଶ୍ୱକପ୍ ମଧ୍ୟରେ ଏସିଆନ୍ ଗେମ୍ସ ଖେଳାଯିବ। ସେପ୍ଟେମ୍ବର ୨୩ରୁ ଅକ୍ଟୋବର ୮ ପର୍ଯ୍ୟନ୍ତ ଚାଇନାର ହାଙ୍ଗଜୋରେ ଅନୁଷ୍ଠିତ ହେବାକୁ ଥିବା ଏସିଆନ ଗେମ୍ସରେ ଭାରତର ପୁରୁଷ ଏବଂ ମହିଳା କ୍ରିକେଟ ଦଳ ପ୍ରଥମ ଥର ଲାଗି ଭାଗ ନେବାକୁ ଯାଉଛନ୍ତି। ବିଶ୍ୱକପ୍ ଦଳରେ ମନୋନୀତ ହୋଇଥିବା ଖେଳାଳିମାନେ ଚାଇନା ଯାଇପାରିବେ ନାହିଁ। ଏହାକୁ ଦୃଷ୍ଟିରେ ରଖି ବିସିସିଆଇ ପୂର୍ବରୁ ଏଥିଲାଗି ଦଳ ଘୋଷଣା କରିଛି।
ନିର୍ଦ୍ଧାରିତ ମହିଳା ଟିମ୍ରେ ହରମନପ୍ରିତ କୌର ଅଧିନାୟକ ଦାୟିତ୍ୱ ତୁଲାଇବେ। ସେହିଭଳି ଋତୁରାଜ ଗାଏକଓ୍ବାଡ ପୁରୁଷ ଟିମ୍ର ନେତୃତ୍ୱ ନେବେ। ପୁରୁଷ ଟିମ୍ କୋଚ୍ ବିଷୟରେ କଥା ହେଲେ ମୁଖ୍ୟ କୋଚ୍ ରାହୁଲ ଦ୍ରାବିଡ ବିଶ୍ୱକପ୍ ଲାଗି ବ୍ୟସ୍ତ ରହିବେ। ଏଥିଲାଗି ଭିଭିଏସ୍ ଲକ୍ଷ୍ମଣ ଏସିଆନ ଗେମ୍ସ ଲାଗି ପୁରୁଷ ଟିମ୍ର ମୁଖ୍ୟ କୋଚ୍ ହେବେ। ଏହାଛଡ଼ା ସାଇରାଜ ବହୁତୁଲେ ବୋଲିଂ କୋଚ୍ ଏବଂ ମନୀଷ ବାଲି ଫିଲ୍ଡିଂ କୋଚ୍ ଭୂମିକା ତୁଲାଇବେ।
