ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜ ନଭେମ୍ବର ୨୫ରୁ ଆରମ୍ଭ ହେଉଛି। ଏହି ସିରିଜ ଆରମ୍ଭ ପୂର୍ବରୁ ଉଭୟ ଦଳ କାନପୁରରେ ପହଞ୍ଚିଛନ୍ତି। ଭାରତୀୟ ଅଧିନାୟକ ବିରାଟ କାନପୁର ଟେଷ୍ଟର ଅଂଶ ନୁହଁନ୍ତି, ସେ ମୁମ୍ବାଇ ଟେଷ୍ଟରେ ଭାରତୀୟ ଦଳରେ ଯୋଗଦେବେ। ଟେଷ୍ଟ ସିରିଜରେ ଯୋଗଦେବା ପୂର୍ବରୁ ବିରାଟ କୋହଲି ମୁମ୍ବାଇର ବ୍ରାବୋର୍ନ ଷ୍ଟାଡିୟମରେ ଅଭ୍ୟାସ ଆରମ୍ଭ କରିଛନ୍ତି। ଏହି ଅଭ୍ୟାସ ସମୟରେ ସେ ସୋସିଆଲ ମିଡିଆରେ କିଛି ଫଟୋ ଶେୟାର କରିଛନ୍ତି। ଏହି ଫଟୋ ସେ ଏକ ବିଲେଇ ସହ ନଜର ଆସିଛନ୍ତି। ବଲିଉଡ ଅଭିନେତ୍ରୀ ତଥା ଭାରତୀୟ ଅଧିନାୟକଙ୍କ ସ୍ତ୍ରୀ ଅନୁଷ୍କା ଶର୍ମା ଏହି ଫଟୋ ଉପରେ ନିଜର ପ୍ରତିକ୍ରିୟା ରଖିଛନ୍ତି।
ବିରାଟ କୋହଲି ଅଭ୍ୟାସ ମ୍ୟାଚ ସମୟରେ ଏକ ବିଲେଇ ସହିତ ଖେଳୁଥିବା ଦୁଇଟି ଫଟୋ ଶେୟାର କରିଛନ୍ତି । ଏହି ଫଟୋଗୁଡିକ ଶେୟାର କରି ବିରାଟ ଲେଖିଛନ୍ତି – ସୁନ୍ଦର ବିଲେଇ ତରଫରୁ ହ୍ୟାଲୋ। ଏହି ଫଟୋ ଉପରେ କମେଣ୍ଟ ଦେଇ ଅନୁଷ୍କା ଶର୍ମା ଲେଖିଛନ୍ତି – ହେଲୋ କ୍ୟାଟ। ଅନୁଷ୍କାଙ୍କ କମେଣ୍ଟରର ପ୍ରତିକ୍ରିୟାରେ ବିରାଟ ଲେଖିଛନ୍ତି – ଦିଲ୍ଲୀରୁ ମୁମ୍ବାଇର ବିଲେଇ। ସୋସିଆଲ ମିଡିଆରେ ତୀବ୍ର ଚର୍ଚ୍ଚା ହେଉଥିବା ଅନୁଷ୍କା ଶର୍ମାଙ୍କ ଏହି ମନ୍ତବ୍ୟ ଉପରେ ବିରାଟ କୋହଲି ଏକ ମଜାଳିଆ ପ୍ରତିକ୍ରିୟା ଦେଇଛନ୍ତି।
A quick hello from a cool cat at practice 😺 pic.twitter.com/0qeW9biUqo
— Virat Kohli (@imVkohli) November 23, 2021
