ନୂଆଦିଲ୍ଲୀ,୨୪।୧୦: ବିଶ୍ୱକପ୍ ଇତିହାସରେ ପାକିସ୍ତାନ ବିପକ୍ଷରେ ଟିମ୍ ଇଣ୍ଡିଆର ପୁରୁଣା ରେକର୍ଡ କିଛି ମାନେ ରଖେ ନାହିଁ। ପାକିସ୍ତାନ ବିପକ୍ଷ ମ୍ୟାଚ୍ ପୂର୍ବରୁ ଏଭଳି କହିଛନ୍ତି ଭାରତୀୟ ଅଧିନାୟକ ବିରାଟ କୋହଲି। ଶନିବାର ସନ୍ଧ୍ୟାରେ ବାବର ଆଜମଙ୍କ ନେତୃତ୍ୱାଧୀନ ପାକିସ୍ତାନ ଦଳକୁ ଭେଟିବାକୁ ଯାଉଛି ଭାରତ। ବିଶ୍ୱକପ୍ ଇତିହାସରେ ପାକିସ୍ତାନ ବିପକ୍ଷରେ ଖେଳାଯାଇଥିବା ୧୨ ମ୍ୟାଚ୍ରେ ଭାରତୀୟ ଦଳ ଅପରାଜେୟ ରହିଛି। ବର୍ତ୍ତମାନ ଏହି ରେକର୍ଡ ୧୨-୦।
“ଯାହା ଆମେ ଅତୀତରେ କରିଛେ, ତାହା ଉପରେ ଆମେ କେବେ କଥା ହେଉ ନାହିଁ। ଏଭଳି ରେକର୍ଡ ବିଭ୍ରାନ୍ତ କରିପାରେ। ଗୁରୁତ୍ୱପୂର୍ଣ୍ଣ ହେଲା, ମ୍ୟାଚ୍ ଲାଗି ଆମେ କେଉଁ ଭଳି ପ୍ରସ୍ତୁତ ହୋଇଛୁ। ଏଭଳି ରେକର୍ଡ ଦଳ ଉପରେ ଅତ୍ୟଧିକ ଚାପ ପକାଇପାରେ। ବର୍ତ୍ତମାନ ପାକିସ୍ତାନ ଦଳ ଖୁବ୍ ଶକ୍ତିଶାଳୀ। ଆଉ ସେମାନେ ସେହି ଭଳି ହିଁ ଖେଳନ୍ତି। ଦଳରେ ଖୁବ୍ ପ୍ରତିଭାଶାଳୀ ଖେଳାଳି ଅଛିନ୍ତି, ଯେଉଁମାନେ ହଠାତ୍ ମ୍ୟାଚ୍ର ଦିଗ ବଦଳାଇ ପାରିବେ” ବୋଲି କୋହଲି କହିଛନ୍ତି।
