ନୂଆଦିଲ୍ଲୀ,୧୫।୩: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜରେ ଚମତ୍କାର ପ୍ରଦର୍ଶନ କରିଥିବା ଖେଳାଳିମାନେ ମଧ୍ୟ ଆଇସିସି ର଼୍ୟାଙ୍କିଙ୍ଗ୍ରେ ଉପକୃତ ହୋଇଛନ୍ତି। ଭାରତର ଭେଟେରାନ ଅଫ ସ୍ପିନର ରବିଚନ୍ଦ୍ରନ ଅଶ୍ୱିନ ଏକ ନମ୍ବର ବୋଲର ଭାବରେ ନିଜର ସ୍ଥିତିକୁ ଆହୁରି ମଜଭୁତ କରିଛନ୍ତି। ସେ ପୂର୍ବରୁ ଜେମ୍ସ ଆଣ୍ଡରସନଙ୍କ ସହ ଶୀର୍ଷ ସ୍ଥାନରେ ଥିଲେ, କିନ୍ତୁ ଏବେ ଆଣ୍ଡରସନଙ୍କୁ ପଛରେ ପକାଇସେ ଏକକ ଶୀର୍ଷ ସ୍ଥାନ ଅଧିକାର କରିଛନ୍ତି।
ଅଶ୍ୱିନ ଏହି ସିରିଜରେ ହାରାହାରି ୧୭.୨୮ରେ ୨୫ଟି ଉଇକେଟ ନେଇଥିଲେ ଏବଂ ରବିନ୍ଦ୍ର ଜାଡେଜାଙ୍କ ସହ ମ୍ୟାନ୍ ଅଫ୍ ଦ ସିରିଜ୍ ପୁରସ୍କାର ଜିତିଥିଲେ। ଏଥି ସହିତ ବିରାଟ କୋହଲି ସିରିଜର ଶେଷ ମ୍ୟାଚରେ ୧୮୬ ରନର ଚମତ୍କାର ଇନିଂସ ଖେଳିଥିଲେ। ସେ ମଧ୍ୟ ବ୍ୟାଟ୍ସମ୍ୟାନ ର଼୍ୟାଙ୍କିଙ୍ଗ୍ରେ ୭ଟି ସ୍ଥାନ ଉଠି ୧୩ତମ ସ୍ଥାନରେ ପହଞ୍ଚିଛନ୍ତି। ବ୍ୟାଟ୍ସମ୍ୟାନ ମାନ୍ୟତାରେ ଭାରତର ରିଷଭ ପନ୍ତ ନବମ ଏବଂ ରୋହିତ ଶର୍ମା ଦଶମ ସ୍ଥାନରେ ରହିଛନ୍ତି।
ଅଷ୍ଟ୍ରେଲିଆ ବିପକ୍ଷ ସିରିଜରେ ବ୍ୟାଟ୍ସମ୍ୟାନଙ୍କୁ ପ୍ରଭାବିତ କରିଥିବା ଅକ୍ଷର ପଟେଲ ବ୍ୟାଟିଂ ର଼୍ୟାଙ୍କିଙ୍ଗ୍ରେ ଆଠଟି ସ୍ଥାନ ହାସଲ କରି ୪୪ତମ ସ୍ଥାନରେ ରହିଛନ୍ତି। ଏଥି ସହିତ ସେ ଅଲରାଉଣ୍ଡର ମାନ୍ୟତାରେ ଚତୁର୍ଥ ସ୍ଥାନକୁ ଉନ୍ନୀତ ହୋଇଛନ୍ତି।
