ନୂଆଦିଲ୍ଲୀ,୨୧।୭: କକ୍ରୋଚ ଜନତା ପାର୍ଟି (CJP) ବିଜେତା ଦହିୟାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ତାଙ୍କୁ ସଂଗଠନର ମୁଖପାତ୍ର ପଦରୁ ହଟାଇ ଦେଇଛି। ଏହାର ସୂଚନା CJP ନିଜର ସୋସିଆଲ ମିଡିଆ ଆକାଉଣ୍ଟ ଜରିଆରେ ଶେୟାର ମଧ୍ୟ କରିଛି। ସିଜେପିର ଅଧିକାରୀକ ଆକାଉଣ୍ଟରୁ କୁହାଯାଇଛି ଯେ ସେମାନେ ନିଜର ମୁଖପାତ୍ର ବିଜେତା ଦହିୟାଙ୍କ ଅତ୍ୟନ୍ତ ଅସମ୍ବେଦନଶୀଳ ବ୍ୟବହାରକୁ କଡ଼ା ନିନ୍ଦା କରୁଛନ୍ତି।
କକ୍ରୋଚ ଜନତା ପାର୍ଟି କହିଛି ଯେ ବିଜେତାଙ୍କ ଭିଡିଓ ସେତେବେଳେ ସାମ୍ନାକୁ ଆସିଥିଲା ଯେତେବେଳେ ଶାନ୍ତିପୂର୍ଣ୍ଣ ପ୍ରଦର୍ଶନକାରୀ ଏବଂ ସିଜେପିର ଟିମ ପୋଲିସର ବର୍ବର ହିଂସାର ସମ୍ମୁଖୀନ ହେଉଥିଲେ। ଏଭଳି ବ୍ୟବହାର ଗ୍ରହଣୀୟ ନୁହେଁ, ଏହା ବୁଦ୍ଧିମତ୍ତାର ସମ୍ପୂର୍ଣ୍ଣ ଅଭାବକୁ ଦର୍ଶାଉଛି ଏବଂ ଆନ୍ଦୋଳନର ମୂଲ୍ୟବୋଧ ଏବଂ ନୀତିଗୁଡ଼ିକର ସମ୍ପୂର୍ଣ୍ଣ ବିରୁଦ୍ଧ ଅଟେ। ଏହାର ଜବାବରେ ବିଜେତା ଦହିୟାଙ୍କୁ ‘କକ୍ରୋଚ ଜନତା ପାର୍ଟି’ର ମୁଖପାତ୍ର ପଦରୁ ହଟାଇ ଦିଆଯାଉଛି। ତାଙ୍କୁ ସମସ୍ତ ଅଧିକାରୀକ ଦାୟିତ୍ୱରୁ ମୁକ୍ତ କରାଯାଉଛି।
ପ୍ରକୃତରେ, ଜୁଲାଇ ୨୦ ତାରିଖରେ କକ୍ରୋଚ ଜନତା ପାର୍ଟି ପକ୍ଷରୁ ‘ସଂସଦ ଚାଲୋ ମାର୍ଚ୍ଚ’ର ଆୟୋଜନ କରାଯାଇଥିଲା। ଏଥିରେ ହଜାର ହଜାର ସଂଖ୍ୟାରେ ଲୋକ ଏକାଠି ହୋଇ ସଂସଦ ପର୍ଯ୍ୟନ୍ତ ମାର୍ଚ୍ଚ କରିଥିଲେ। ଏହି ସମୟ ମଧ୍ୟରେ ବିଜେତା ଦହିୟାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଯାଇଥିଲା, ଯେଉଁଥିରେ ବିଜେତା ପ୍ରୋଟେଷ୍ଟ ଛାଡ଼ି ବର୍ଗର ଖାଉଥିବାର ନଜର ଆସୁଥିଲେ। ଏହାପରେ ଆଉ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଦୁଇଜଣ ପୁଅ ବିଜେତାଙ୍କୁ ପ୍ରଶ୍ନ ପଚାରୁଥିଲେ ଏବଂ ବିଜେତା କିଛି ନ କହି ନିରବ ରହି ଠିଆ ହୋଇଥିଲେ। ପରେ ବିଜେତା ଏକ ଭିଡିଓ ଜାରି କରି କହିଥିଲେ ଯେ ସେ ପ୍ରୋଟେଷ୍ଟ ପରେ ଗାଧୋଇବା ପାଇଁ ଘରକୁ ଚାଲିଯାଇଥିଲେ ଏବଂ ତାଙ୍କୁ ଭୋକ ଲାଗିଥିଲା।
Odisha’s No.1 Odia Daily
