ନୂଆଦିଲ୍ଲୀ,୫।୧୧ : ଶିକ୍ଷା ଏବଂ ରୋଜଗାର କ୍ଷେତ୍ରରେ ଆର୍ଥିକ ଦୁର୍ବଳ ବର୍ଗଙ୍କ ପାଇଁ ସଂରକ୍ଷଣ ନେଇ କରାଯାଇଥିବା ଆବେଦନର ରାୟ ନଭେମ୍ବର ୭ରେ ସୁପ୍ରିମ୍କୋର୍ଟଙ୍କ ଦ୍ୱାରା ପ୍ରକାଶ ପାଇବ। ସୁପ୍ରିମ୍କୋର୍ଟର ସାମ୍ବିଧାନିକ ପୀଠ ୧୦୩ ସାମ୍ବିଧାନିକ ସଂଶୋଧନର ବୈଧତା ନେଇ ରାୟକୁ ଗତମାସରେ ସଂରକ୍ଷିତ ରଖିଥିଲେ।
ଖବର ଅନୁସାରେ ସୋମବାର ପୂର୍ବାହ୍ନ ୧୦ଟା ୩୦ରେ ସୁପ୍ରିମକୋର୍ଟ ୧୦ ପ୍ରତିଶତ ଇଡବ୍ଲୁଏସ୍ ସଂରକ୍ଷଣ ଉପରେ ନିଜର ରାୟ ଦେବେ।
ସୂଚନାଯୋଗ୍ୟ,ପ୍ରଧାନବିଚାରପତି ୟୁୟୁ ଲଳିତ, ବିଚାରପତି ଦିନେଶ ମାହେଶ୍ୱରୀ, ଏସ.ରବୀନ୍ଦ୍ର ଭଟ୍ଟ, ବେଲା ଏସ୍. ତ୍ରିବେଦୀ ଏବଂ ଜେବି ପାରଦିଓ୍ବାଲାଙ୍କ ନେତୃତ୍ୱରେ ଗଠିତ ପାଞ୍ଚ ଜଣିଆ ସାମ୍ବିଧାନିକ ପୀଠ ଏହାର ବିଚାର କରିଥିଲେ।
୨୦୧୯ରେ ୧୦୩ ସାମ୍ବିଧାନିକ ସଂଶୋଧନ ପରେ ୧୦ ପ୍ରତିଶତ ଇଡବ୍ଲୁଏସ୍ ସଂରକ୍ଷଣ ଲାଗୁ କରାଯାଇଥିଲା।
