ମୁମ୍ବାଇ : ବଲିଉଡ୍ ଅଭିନେତା ବରୁଣ ଧାଓ୍ବନ ଗତ ୨୪ ତାରିଖରେ ତାଙ୍କର ଗର୍ଲଫ୍ରେଣ୍ଡ ନତାଶା ଦଲାଲଙ୍କୁ ବିବାହ କରିଛନ୍ତି। ଦୁହିଁଙ୍କ ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି। ଦୁହେଁ ଦୁହିଁଙ୍କୁ ଦୀର୍ଘଦିନରୁ ଡେଟ୍ କରୁଥିଲେ। ପ୍ରଶଂସକମାନେ ବି ଚାହିଁ ବସିଥିଲେ କେବେ ଏମାନଙ୍କ ବିବାହ ହେବ। ଶେଷରେ ଏହା ସତ ହୋଇଛି।
ବିବାହ ପରେ ବରୁଣ ତାଙ୍କ ପ୍ରଶଂସକମାନଙ୍କୁ ଖୁବ୍ ପ୍ରଶଂସା କରିଛନ୍ତି। ଏନେଇ ସେ ତାଙ୍କ ଫଲୋଅର୍ସମାନଙ୍କୁ ଧନ୍ୟବାଦ ଜଣାଇଛନ୍ତି। ସେ ଲେଖିଛନ୍ତି, ବିଗତ କିଛି ଦିନ ଧରି ଆପଣମାନଙ୍କଠାରୁ ଖୁବ୍ ଭଲ ପାଇବା ପାଇଛୁ। ଆପଣମାନଙ୍କର ଆମ ପ୍ରତି ସକାରାତ୍ମକ ଚିନ୍ତାଧାରା ଆମକୁ ବହୁତ ଖୁସି ଦେଇଛି। ଏଥିପାଇଁ ସମସ୍ତଙ୍କୁ ହୃଦୟରୁ ଧନ୍ୟବାଦ ଦେବାକୁ ଚାହୁଁଛି। ବରୁଣଙ୍କ ଏହି ଟୁଇଟ୍ ଏବେ ତୀବ୍ର ବେଗରେ ଭାଇରାଲ ହେଉଛି।
ବର୍ତ୍ତମାନ ଦୁହିଁଙ୍କ ହନିମୁନ୍କୁ ନେଇ ଚର୍ଚ୍ଚା ହେଉଛି। ଯାହା ଜଣାପଡ଼ିଛି ଏହି ନବଦମ୍ପତି ହନିମୁନ୍ ପାଇଁ ତୁର୍କୀ ଯିବେ।
