ନୂଆଦିଲ୍ଲୀ,୩୦ ।୧୨: ଉଜବେକିସ୍ତାନରେ କଫ ସିରପ ଖାଇ ଯେଉଁ ଶିଶୁମାନଙ୍କର ମୃତ୍ୟୁ ହୋଇଥିଲା ଉକ୍ତ କଫ ସିରପ ଭାରତୀୟ ଔଷଧ କମ୍ପାନୀର ବୋଲି ଅଭିଯୋଗ ହୋଇଥିଲା । ଏହି ମାମଲା ଉପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ନଜର ରଖିଛି । ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବିୟ ଶୁକ୍ରବାର ଟୁଇଟ କରି ଏହି ମାମଲା ସମ୍ପର୍କରେ ନିଜର ପ୍ରତିକ୍ରିୟା ରଖିଛନ୍ତି ।
ମାଣ୍ଡବିୟ କହିଛନ୍ତି ସ୍ୱାସ୍ଥ୍ୟ ବିଭାଗର ଟିମ କାଶ ଔଷଧ ଡକ-୧ ମାକ୍ସରେ ଅସୁଦ୍ଧି ରିପୋର୍ଟକୁ ନଜରରେ ରଖି ମ୍ୟାରିୟନ ବାୟୋଟେକର ସମସ୍ତ ଔଷଧ ଉତ୍ପାଦନ ଉପରେ ୨୯ ଡିସେମ୍ବର ରାତିରେ ରୋକ ଲଗାଇ ଦିଆଯାଇଛି । ଏହି ମମଲାରେ ଆଗକୁ ଯାଞ୍ଚ ଜାରି ରହିଛି ।
ସୂଚନାଯୋଗ୍ୟ, ଉଜବେକିସ୍ତାନରେ କଫ ସିରପ ଖାଇ ୧୮ ଜଣ ଶିଶୁଙ୍କ ମୃତ୍ୟୁହେବା ପରେ ନଏଡାର ଔଷଧ କମ୍ପାନୀ ମ୍ୟାରିୟନ ବାୟୋଟେକ ବିବାଦ ଘେରକୁ ଚାଲି ଆସିଥିଲା । ଉଜବେକିସ୍ତାନର ଏହି ଦାବି ପରେ ଭାରତ ସରକାର ସଜାଗ ହୋଇଯାଇଥିଲେ ।
