ୱାଶିଂଟନ,୧୧ ।୨: ଆମେରିକା ଦ୍ୱାରା ଚାଇନା ଗୁଇନ୍ଦା ବେଲୁନକୁ ନଷ୍ଟ କରିବାର ମାମଲା ଶାନ୍ତ ହୋଇ ନ ଥିବା ବେଳେ ଆମେରିକା ଫାଇଟର ଜେଟ ଆଲାସ୍କା ଆକାଶ ମାର୍ଗରେ ବହୁ ଉଚ୍ଚରେ ଦେଖାଯାଇଥିବା ଏକ ସନ୍ଦିଗ୍ଧ ବସ୍ତୁକୁ ନଷ୍ଟ କରିଦେଇଥିବା ସୂଚନା ମିଳିଛି । ହ୍ୱାଇଟ ହାଉସ ଶୁକ୍ରବାର(ସ୍ଥାନୀୟ ସମୟ) କହିଛି ଆମେରିକା ଆଲାସ୍କା ଆକାଶ ମାର୍ଗରେ ଦେଖାଯାଉଥିବା ଦ୍ୱିତୀୟ ସନ୍ଦିଗ୍ଧ ବସ୍ୁକୁ ‘ଖୁବ ଉଚ୍ଚରେ ଥିବା ବସ୍ତୁ’କୁ ନଷ୍ଟ କରିଦେଇଛି ।
ହ୍ୱାଇଟ ହାଉସ ପାଇଁ ରାଷ୍ଟ୍ରୀୟ ସୁରକ୍ଷା ପରିଷଦ(ଏନଏସସି)ର ପ୍ରବକ୍ତା ଜନ କିର୍ଭି କହିଛନ୍ତି, ଆମେରିକା ପ୍ରତିରକ୍ଷା ବିଭାଗ ଗତ ୨୪ ଘଣ୍ଟାରେ ଆଲାସ୍କାର ଆକାଶ ମାର୍ଗରେ ଏକ ‘ଖୁବ ଉଚ୍ଚ ବସ୍ତୁ’କୁ ନଷ୍ଟ କରିଦେଇଛି । ଗତ ୨୪ ଘଣ୍ଟାରେ ଆମେରିକା ପ୍ରତିରକ୍ଷା ବିଭାଗ ଏହା ଉପରେ ନଜର ରଖିଥିଲା । ଆମେରିକା ଉତ୍ତର କମାନକୁ ଦିଆଯାଇଥିବା ନିର୍ଦ୍ଦେଶ ପରେ ଯୁଦ୍ଧ ବିମାନ ଶେଷ ଘଣ୍ଟା ଭିତର ସନ୍ଦିଗ୍ଧ ବସ୍ତୁକୁ ନଷ୍ଟ କରିଦେଥିଲା ।
