ନୂଆଦିଲ୍ଲୀ,୪।୮: ଆଜିକାଲି ପାକିସ୍ତାନୀ ମହିଳା ସୀମା ହେଦର ଏବଂ ତାଙ୍କ ପ୍ରେମିକ ଗ୍ରେଟର ନୋଏଡାର ସଚିନ ମୀନା ଚର୍ଚ୍ଚାରେ ଅଛନ୍ତି। ଉଭୟଙ୍କୁ ଫିଲ୍ମ ଅଫର ସହ ବିଭିନ୍ନ ରାଜନୈତିକ ଦଳ ପକ୍ଷରୁ ଟିକେଟ୍ ଅଫର୍ ଦିଆଯାଉଛି। ସୀମା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ନେଇ ଆଲୋଚନା ହେଉଛି। ରିପବ୍ଲିକାନ ପାର୍ଟି ଅଫ ଇଣ୍ଡିଆର ଜାତୀୟ ମୁଖପାତ୍ର କିଶୋର ମାସୁମ ସୀମାଙ୍କୁ ଏହି ଦଳରେ ସାମିଲ କରିବାକୁ ଇଚ୍ଛା ପ୍ରକାଶ କରିଛନ୍ତି। ତେବେ ବର୍ତ୍ତମାନ ରିପବ୍ଲିକାନ ପାର୍ଟି ଅଫ ଇଣ୍ଡିଆର ମୁଖ୍ୟ ତଥା କେନ୍ଦ୍ର ମନ୍ତ୍ରୀ ରାମଦାସ ଅଠୱାଲେ ସେଫଇ ଦେଇଛନ୍ତି।
ଅଠଓ୍ବାଲେ କହିଛନ୍ତି ଯେ, ସୀମା ହେଦରଙ୍କ ସହ ଆମର ଦଳର କୌଣସି ସମ୍ପର୍କ ନାହିଁ। ସେ ପାକିସ୍ଥାନରୁ ଭାରତ ଆସିଛନ୍ତି। ତାଙ୍କୁ ଦଳରେ ଅନ୍ତର୍ଭୁକ୍ତ କରିବାର କୌଣସି ପ୍ରଶ୍ନ ଉଠୁନାହିଁ। ଯଦି ଶେଷରେ ତାଙ୍କୁ ଟିକେଟ ଦେବାକୁ ପଡିବ, ତେବେ ଏହା ଭାରତରୁ ପାକିସ୍ତାନକୁ ଏକ ଟିକେଟ ହେବ।
ଏହାପୂର୍ବରୁ ଦଳର ମୁଖପାତ୍ର କିଶୋର ମାସୁମ କହିଥିଲେ ଯେ, ସୀମା ଉତ୍ତରପ୍ରଦେଶ ମହିଳା ୱିଙ୍ଗର ରିପବ୍ଲିକାନ ପାର୍ଟିର ସଭାପତି ହୋଇପାରିବେ। ଯଦି ସୀମା ନିର୍ଦ୍ଦୋଷ ବୋଲି ପ୍ରମାଣିତ ହୁଅନ୍ତି ଏବଂ ଯଦି ସେ ଭାରତୀୟ ନାଗରିକତ୍ୱ ପାଆନ୍ତି ତେବେ ତାଙ୍କୁ ତାଙ୍କ ଦଳରେ ସାମିଲ କରାଯିବ।
