Odisha Elections 2024

କମିଲାନି ଅପାଠୁଆ ଡାକ୍ତରଙ୍କ ରୋଗୀସେବା

ନୟାଗଡ଼,୨୮।୪(ଲୋକନାଥ ମିଶ୍ର)ନୟାଗଡ଼ ଜିଲାରେ ଅପାଠୁଆ ନକଲି ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ବଦଳରେ ଅନୁକମ୍ପା ଯୋଗୁ ଦୌରାମତ୍‌ୟ କମିବା ପରିବର୍ତ୍ତେ ବଢ଼ି ଚାଲିଛି । ରଣପୁର ବ୍ଲକ ଝାରପଡ଼ା ପଞ୍ଚାୟତ ଖଣ୍ଡିସିରେ ଦୁଇ ଅପାଠୁଆ ଡାକ୍ତର ବେଆଇନ କ୍ଲିନିକ ଚଳାଇ ଆସୁଥିଲେ ମଧ୍ୟ ଧରପଗଡ଼ ନାହିଁ । ଏଠାରେ ଭ୍ରୂଣହତ୍ୟା ଅବାଧରେ ଚାଲୁଥିବା ଅଭିଯୋଗ ରହିଛି । ପୁଣି ଦାନ୍ତ ଉପୁଡ଼ା ଓ ଅପରେଶନ, ଝାଡା, ବାନ୍ତି,ଜ୍ୱର ରୋଗର ଚିକିତ୍ସା ବି ଚାଲିଛି । ୨୦ ବର୍ଷରୁ ଊର୍ଦ୍ଧ୍ୱ ହେଲା ଏଠାରେ ବେଆଇନ ସ୍ବାସ୍ଥ୍ୟସେବା ଅବାଧରେ ଚାଲୁଛି ।
ନୟାଗଡ଼ରେ ୨୦୨୧ ସେପ୍ଟେମ୍ବର ୪ରେ ଅପାଠୁଆ ନକଲି ଡାକ୍ତର ବିଶ୍ୱନାଥ ଘଡ଼େଇ ଗିରଫ ହୋଇ ଜେଲ୍‌ ଯାଇଥିଲେ। ନକଲି ଡାକ୍ତର ଗିରଫ ପରେ ୩ ବର୍ଷ ହେଲା ଧରପଗଡ଼ ଓ କାର୍ଯ୍ୟାନୁଷ୍ଠାନ ଶୀତଳଭଣ୍ଡାରରେ ରହିଛି । ରଣପୁର ଖଣ୍ଡିସି ପରି ଜିଲାର ବିଭିନ୍ନ ସ୍ଥାନରେ ଅପାଠୁଆ ନକଲି ଡାକ୍ତରଙ୍କୁ ଅନୁକମ୍ପା ଦେଖାଯାଉଥିବାର କାରଣ ବୁଝାପଡୁନି । ଖଣ୍ଡିସିରେ ଡାକ୍ତର ରୋଗୀ ଦେଖୁ୍‌ଥିବାରୁ ସଙ୍କଟରେ ରୋଗୀଙ୍କ ଜୀବନ। ଖଣ୍ଡିସିର ଦୁଇ ମେଡିସିନ ଦୋକାନରେ ସବୁ ବେଳେ ରୋଗୀଙ୍କ ଭିଡ଼ ଲାଗି ରହୁଛି । ତେବେ ଏହି ଅପାଠୁଆ ଡାକ୍ତରଙ୍କ ବେଆଇନ କ୍ଲିନିକ୍‌ ଓ ବେଆଇନ ରୋଗୀସେବା ଉପରେ ଜିଲା ପ୍ରଶାସନ, ସ୍ବାସ୍ଥ୍ୟ ବିଭାଗ ପକ୍ଷରୁ ଲଗାମ ଲାଗୁନାହିଁ । ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତିଙ୍କ ସୂଚନା ଅନୁସାରେ ଜଣେ ବ୍ୟକ୍ତିଙ୍କ ଆଶୀର୍ବାଦ ଯୋଗୁ ଅପାଠୁଆ ନକଲି ଡାକ୍ତର ତିଷ୍ଟି ରହିଛନ୍ତି । ସରକାରୀ ସ୍ବାସ୍ଥ୍ୟକେନ୍ଦ୍ରରୁ ଭଲ ସ୍ବାସ୍ଥ୍ୟସେବା ମିଳୁନାହିଁ । ହାତ ପାହାନ୍ତାରେ ଭଲ ସେବା ମିଳୁଥିବାରୁ ବିରୋଧ ହେଉନାହିଁ। ଅନ୍ୟପକ୍ଷେ ଲୋକେ କେମିତି ଜାଣିବେ କିଏ ଅସଲି ଆଉ କିଏ ନକଲି । ଯଦି ନକଲି ଗିରଫ କରାଯାଉନି କାହିଁକି ବୋଲି ଲୋକଙ୍କ ମନରେ ଉଠୁଛି ପ୍ରଶ୍ନ। ଏଭଳିସ୍ଥଳେ ପ୍ରଶାସନର ନୀରବତା ନକଲି ଅପାଠୁଆ ଡାକ୍ତରଙ୍କୁ ବେଶ ସୁହାଇଛି ବୋଲି ସେ କହିଛନ୍ତି।

ଧରପଗଡ଼ ଶୀତଳଭଣ୍ଡାରରେ
ମେଡିକାଲ ଟର୍ମିନେଶନ ଅଫ୍‌ ପ୍ରେଗନେସି ଆକ୍ଟରେ ଅନୁମତି ନ ପାଇ ମଧ୍ୟ ନୟାଗଡ଼ ଜିଲାର ବିଭିନ୍ନ ଘରୋଇ ହସ୍ପିଟାଲରେ ଭ୍ରୂଣ ହତ୍ୟା ଚାଲିଛି । ଏହିଭଳି ଅଭିଯୋଗ ବହୁ ଦିନ ହେଲା ହୋଇଆସୁଛି । ୨୦୨୧ ଅଗଷ୍ଟ ୩୦ରେ ଜିଲା ମୁଖ୍ୟ ଚିକିତ୍ସାଳୟର ପଛପାଖ ଆନନ୍ଦ ଭବନରେ ଚାଲିଥିବା ଆଦିତ୍ୟ ହସ୍ପିଟାଲ ଆଣ୍ଡ କ୍ଲିନିକ୍‌ରେ ଭ୍ରୂଣ ହତ୍ୟା ଧରା ପଡିଥିଲା। ଏହି ଘଟଣାରେ ଘରୋଇ ହସ୍ପିଟାଲର ମାଲିକ, ୨ ନର୍ସ, ମଧ୍ୟସ୍ଥ ସମେତ ୫ ଜଣ ଗିରଫ ହୋଇ ଜେଲରେ ଅଛନ୍ତି । ୨ୟ ଥର ଭ୍ରୁଣ ହତ୍ୟା ପ୍ରମାଣିତ ହେବା ପରେ ଚଢ଼ାଉ ତ୍ୱରାନ୍ବିତ ହେବ ବୋଲି ଆଶ କରାଯାଉଥିଲା। ତେବେ ହାତଗଣତି ଘରୋଇ କ୍ଲିନିକ୍‌ ଓ ଅଲଟ୍ରାସାଉଣ୍ଟ କେନ୍ଦ୍ର ଉପରେ ଚଢ଼ାଉ କରାଯାଇଥିଲା । ପରେ ଧରପଗଡ ଓ ଚଢ଼ାଉ ଶୀତଳଭଣ୍ଡାରରେ ପୁଣି ରହିଗଲା। ସ୍ବାସ୍ଥ୍ୟ ବିଭାଗର ଧରପଗଡ ନ ଥିବାରୁ ଜିଲାରେ ପିସି ଆଣ୍ଡ ପିଏନଡିଟି ଆକ୍ଟ ଠିକ୍‌ରେ କାମ କରୁ ନାହିଁ ବୋଲି ପୁଣି ଅଭିଯୋଗ ଉଠିଲାଣି। ଭ୍ରୂଣହତ୍ୟା ଚିହ୍ନଟ ପରେ କିଛି ଦିନ ଚଢ଼ାଉ ଭୟରେ ଭ୍ରୂଣ ହତ୍ୟା ବନ୍ଦ ଥିଲା। ହେଲେ ରୋଜଗାରର ମୋହ ପୁଣି କିଛି ଘରୋଇ କ୍ଲିନିକରେ ଭ୍ରୂଣ ହତ୍ୟା କରାଉଛି ବୋଲି କୁହଯାଉଛି । ପ୍ରକାଶଥାଉ କି, ୨୦୦୭ ଜୁଲାଇ ୧୪ ରେ ନୟାଗଡ଼ର ଡୁବୁରି ପାହାଡ଼ ପାଦ ଦେଶରେ ୬ ଅପରିପକ୍ୱ ଶିଶୁର ମୃତଦେହ ମିଳିଥିଲା । ଏହା ପରେ ନୟାଗଡ଼ ଭ୍ରୂଣହତ୍ୟା କ୍ଷେତ୍ରରେ ଚର୍ଚ୍ଚାକୁ ଆସିଥିଲା।

ପ୍ରୋପ୍ରାଇଟର ସାଜିଛନ୍ତି ଡାକ୍ତର
ଜିଲା ସଦର ମହକୁମାରେ ୧୫ ଘରୋଇ କ୍ଲିନିକ ଅଛି । ଯାହାକି ସରକାରୀ ପଞ୍ଜିକରଣ ହୋଇଛି । ହେଲେ ଅଧିକାଂଶ ଘରୋଇ କ୍ଲିନିକର ପ୍ରୋପାଇଟର ସାଜିଛନ୍ତି ଡାକ୍ତର। ବେକରେ ଟ୍ରୋଥୋ ପକାଇ ରୋଗୀ ଦେଖୁଛନ୍ତି । ପ୍ରେସ୍‌କ୍ରିପଶନ ଲେଖୁଛନ୍ତି । ବେଳେବେଳେ ଅପରେଶନ ବି କରୁଛନ୍ତି । ନୟାଗଡ଼ ସହରର ୫ ନାମୀଦାମୀ କ୍ଲିନିକ୍‌ ଏପରି କାରନାମା ବେଶି ହେଉଛି । ତେବେ ୫ କ୍ଲିନିକ୍‌ରୁ ଜଣେ ଫସିଥିଲେ । ଜେଲରୁ ଆସିବା ପରେ ପୁଣି ରୋଜଗାର ଚାଲିଛି । ରାଜନୈତିକ ନେତା, ସ୍ବାସ୍ଥ୍ୟ ବିଭାଗର ଅଧିତ୍କାରୀ ଓ ପ୍ରଶାସକଙ୍କୁ ଧରାଧରି କରି ନିଜର ବେଆଇନ ସାମ୍ରାଜ୍ୟକୁ ଚଳାଇ ଆସି ଲକ୍ଷାଧିକ ଟଙ୍କା ରୋଜଗାର କରୁଛନ୍ତି । ବିଗତ ୬ବର୍ଷର ହିସାବକୁ ନେଲେ ଚଢ଼ାଉ ନ ଥିବାରୁ କ୍ଲିନିକ୍‌୍‌ଗୁଡ଼ିକରେ ଭ୍ରୂଣହତ୍ୟା ଚାଲିଥିବାର ଅଭିଯୋଗ ରହିଛି । ହେଲେ ଏହା ଉପରେ ଚଢ଼ାଉ ହେଉ ନାହିଁ ।ଏନେଇ ସିଡିଏମ୍‌ଓ ରମାକାନ୍ତ ପଣ୍ଡା କୁହନ୍ତି,ଚଢ଼ାଉ ହେଉଛି ଓ ଚଢ଼ାଉ ଜାରି ରହିବ ।


Enter your email to get our daily news in your inbox.

All Right Reserved By Dharitri.Com

ଇଭିଏମ୍‌ ସିଲ୍‌ ପୂର୍ବରୁ ଚେତା ହରାଇଲେ ପୋଲିଂ ଅଫିସର

ପାଟଣା,୨୫ା୫(ବୀର କିଶୋର ଦାଶ) କେନ୍ଦୁଝର ଜିଲା ପାଟଣା ଥାନା ମଙ୍ଗଳପୁର ପ୍ରାଥମିକ ବିଦ୍ୟାଳୟରେ ନିର୍ବାଚନ କାର୍ଯ୍ୟ କରୁଥିବା ଜଣେ ଫାଷ୍ଟ ପୋଲିଂ ଅଫିସର ଶନିବାର ରାତିରେ...

ଯୁବକଙ୍କୁ ମରଣାନ୍ତକ ଆକ୍ରମଣ: ମୃତ ଭାବି ଥାନାରେ ଆତ୍ମସମର୍ପଣ କଲେ ଦୁଇ ଆକ୍ରମଣକାରୀ

ଛତ୍ରପୁର,୨୫ା୫(ଦିଲ୍ଲୀପ ସାମଲ) : ଗଞ୍ଜାମ ଜିଲା ଛତ୍ରପୁର ଥାନା ଅନ୍ତର୍ଗତ ପୋଟଲାମପୁର ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି l କୌଣସି କାରଣ ନେଇ...

ମହିଳା ପୋଲିଂ ଅଫିସରଙ୍କ ମୃତ୍ୟୁ, ୧୫ ଲକ୍ଷ ଟଙ୍କା ଅତିରିକ୍ତ ସହାୟତା ଘୋଷଣା

କଟକ,୨୫ା୫(କାର୍ତ୍ତିକ ସାହୁ): କଟକ ଜିଲା ବାରବାଟୀ-କଟକ ବିଧାନସଭା ନିର୍ବାଚନମଣ୍ଡଳୀରେ କାର୍ଯ୍ୟରତ ପୋଲିଂ ଅଫିସର ସୁଜାତା ମିତ୍ରଙ୍କର ଶନିବାର ମୃତ୍ୟୁ ଘଟିଛି। ସେ ହାଡ଼ିବନ୍ଧୁ ନୋଡାଲ ହାଇସ୍କୁଲର...

ବାତ୍ୟା ଭୟ: ଉପକୂଳରେ ହାଇଆଲର୍ଟ, ଖୋଲିଲା ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌

ଭୋଗରାଇ,୨୫ା୫(ପ୍ରଦୀପ ଦାସ): ମଧ୍ୟବଙ୍ଗୋପସାଗରରେ ସୃଷ୍ଟି ହୋଇଥିବା ‘ରେମାଲ’ ନାମକ ସାମୁଦ୍ରିକ ଝଡ଼ ଅଧିକ ଘନୀଭୂତ ଓ ଶକ୍ତିଶାଳୀ ହୋଇ କୂଳଆଡ଼କୁ ଘଣ୍ଟାକୁ ୧୭ କିମି ବେଗରେ...

ଭୋଟ୍‌ ଦେବାକୁ ଆସି ଫେରିଗଲେ ଭୋଟର

ନିରାକାରପୁର,୨୫ା୫(ମାନସ ଚନ୍ଦ୍ର ପଟ୍ଟନାୟକ): ଶନିବାର ରାଜ୍ୟରେ ତୃତୀୟ ପର୍ଯ୍ୟାୟ ସାଧାରଣ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହିକ୍ରମରେ ଖୋର୍ଦ୍ଧା ବିଧାନସଭା ନିର୍ବାଚନ ମଣ୍ଡଳୀର ବିଭିନ୍ନ ବୁଥ୍‌ରେ ଶାନ୍ତିଶୃଙ୍ଖଳାର...

ସୃଷ୍ଟି ହେଲା ବାତ୍ୟା ‘ରେମାଲ’, ଜାଣନ୍ତୁ କେଉଁଠି କରିବ ଲ୍ୟାଣ୍ଡଫଲ୍

ଭୁବନେଶ୍ୱର,୨୫ା୫: ପୂର୍ବ କେନ୍ଦ୍ରୀୟ ବଙ୍ଗୋପସାଗର ଉପରେ ଥିବା ଗଭୀର ଅବପାତ ବାତ୍ୟାରେ ପରିଣତ ହୋଇଛି। ଏହା ପ୍ରାୟ ୧୨ କିଲୋମିଟର ବେଗ ସହିତ ଉତ୍ତର ଦିଗକୁ...

ସନ୍ଧ୍ୟା ୬ଟା ସୁଦ୍ଧା ରାଜ୍ୟରେ ୫୯.୭୨ ପ୍ରତିଶତ ମତଦାନ

ଭୁବନେଶ୍ୱର,୨୫ା୫: ଶନିବାର ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହୋଇଯାଇଛି। ତେବେ ସନ୍ଧ୍ୟା ୬ଟା ସୁଦ୍ଧା ରାଜ୍ୟରେ ମୋଟ୍‌ ୫୯.୭୨% ମତଦାନ ହୋଇଛି। ସେହିପରି ଭୁବନେଶ୍ବରରେ...

ଛେଣ୍ଡିପଦା ବିଧାୟକଙ୍କ ଦାଦାଗିରି ଘଟଣା: ଏଡିଜି କହିଲେ ହେବ ଦୃଢ କାର୍ଯ୍ୟାନୁଷ୍ଠାନ

ସମ୍ବଲପୁର,୨୫।୫: ଛେଣ୍ଡିପଦା ବିଧାୟକ ଭାଜପା କର୍ମୀଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ବିଜେଡି ପ୍ରାର୍ଥୀ ତଥା ବିଧାୟକ ସୁଶାନ୍ତ କୁମାର ବେହେରା ତାଙ୍କ ନିର୍ବାଚନମଣ୍ଡଳୀର ମତଦାନବେଳେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri