ନୂଆଦିଲ୍ଲୀ,୧୭।୯: ଏମିରେଟ୍ସ କ୍ରିକେଟ ବୋର୍ଡ ଆଗାମୀ ଟି -୨୦ ବିଶ୍ୱକପ ୨୦୨୨ ପାଇଁ ଶନିବାର ଦଳ ଘୋଷଣା କରିଛି। ୟୁଏଇର ବିଶ୍ୱକପ୍ ପାଇଁ ଘୋଷିତ ୧୫ ଜଣିଆ ଦଳରେ ସବୁଠୁ ଅଭିଜ୍ଞ ଖେଳାଳି ରୋହନ ମୁସ୍ତାଫାଙ୍କ ନାମ ନ ଥିବା ଦେଖାଯାଇଛି। ଏହା ଚର୍ଚ୍ଚାର ବିଷୟ ପାଲଟିଛି।
ନିକଟରେ ୩୩ ବର୍ଷୀୟ ରୋହନ ମୁସ୍ତାଫା ଦଳ ପାଇଁ ଖେଳୁଥିବା ଦେଖିବାକୁ ମିଳିଥିଲା। ଓମାନରେ ଅନୁଷ୍ଠିତ ଏସିଆ କପ ଯୋଗ୍ୟତା ପର୍ଯ୍ୟାୟରେ ତାଙ୍କୁ ଏକାଦଶରୁ ବାହାର କରାଯାଇଥିଲା। ତେବେ କେରଳର ଥ୍ରୀସୁରରେ ଜନ୍ମିତ ୩୪ ବର୍ଷୀୟ ଚନ୍ଦନଗପୋଇଲ ରିଜୱାନଙ୍କୁ ଦଳର ଅଧିନାୟକ ଭାବରେ ଦାୟିତ୍ୱ ମିଳିଛି। ସେହିଭଳି ଭ୍ରିତିଆ ଅରବିନ୍ଦ ଦଳର ଉପ-ଅଧିନାୟକ ହେବେ।
ଟି -୨୦ ବିଶ୍ୱକପ ୨୦୨୨ ପାଇଁ ୟୁଏଇ ଦଳ:
ସିପି ରିଜୱାନ (କ୍ୟାପଟେନ୍), ଭ୍ରିତିଆ ଅରବିନ୍ଦ (ଉପ-ଅଧିନାୟକ), ଚିରାଗ ସୁରୀ, ମହମ୍ମଦ ୱାସିମ, ବେସିଲ ହେମିଦ, ଆର୍ଯ୍ୟନ ଲାକ୍ରା, ଜୱାର ଫରିଦ, କାଶୀଫ ଡାୱଡ, କାର୍ତ୍ତିକ ମେୟାପ୍ପାନ, ଅହମ୍ମଦ ରଜା, ଜାହୋର ଖାନ, ଜୁନାଦ ସିଦ୍ଦିକି, ସାବୀର ଅଲି, ଆଲିଶାନ ଶାରାଫୁ ଏବଂ ଆୟାନ ଖାଁ
ରିଜର୍ଭ ଖେଳାଳି: ସୁଲତାନ ଅହମ୍ମଦ, ଫାହାଦ ନୱାଜ, ବିଷ୍ଣୁ ସୁକୁମାରନ, ଆଦିତ୍ୟ ଶେଟ୍ଟୀ, ସଞ୍ଚିତ ଶର୍ମା।
