ହଲିଉଡ୍ର ବେଶ୍ ଜଣାଶୁଣା ରେପର ଗାୟକ ଟାଇଲର ଦ କ୍ରିଏଟର୍ଙ୍କ ନିକଟରେ ଏକ ନୂଆ ଆଲବମ୍ ‘କଲ ମି ଇଫ୍ ୟୁ ଗେଟ୍ ଲଷ୍ଟ’ର ରିଲିଜ୍ ହୋଇଛି। ଏହି ଗୀତକୁ ପ୍ରଶଂସକମାନେ ବେଶ୍ ପସନ୍ଦ କରିଥିବା ବେଳେ ଏବେ ସମସ୍ତଙ୍କ ମନରେ ଛାଇଯାଇଛି। ଏହି ଗୀତକୁ ନେଇ ଟାଇଲର ବେଶ୍ ଚର୍ଚ୍ଚାରେ ଥିବା ବେଳେ ଇତିମଧ୍ୟରେ ସେ ଏକ ମହଙ୍ଗା ଓ ସୁନ୍ଦର ଗୋଲ୍ଡ ଡାଇମଣ୍ଟ ମିଶ୍ରିତ ଚେନ୍ ଏବଂ ପେଣ୍ଡେଣ୍ଟ ତିଆରି କରି ଚର୍ଚ୍ଚାର ପରିସରକୁ ଆସିଛନ୍ତି। ଏହି ନିଆରା ପେଣ୍ଡେଣ୍ଟରେ ୨ଟି ଚକଚକିଆ ସୁଟକେଶ ଝୁଲୁଥିବା ବେଳେ ଏହାକୁ ଧରି ଜଣେ ବେଲ୍ହାପ୍ ଠିଆହୋଇଥିବାର ଦେଖିବାକୁ ମିଳିଛି। ଏହି ଜ୍ୱେଲାରୀ ପିସ୍କୁ ଏଲେକ୍ସ ମସ୍ ନାମକ ଜଣେ ସେଲେବସ୍ ଗହଣା ଦୋକାନୀ ତିଆରି କରିଛନ୍ତି। ଏହି ଗହଣା ତିଆରି କରିବା ପାଇଁ ଟାଇଲର ଏଲେକ୍ସଙ୍କୁ ୭ମାସ ସମୟ ଦେଇଥିଲେ। ହେଲେ କେବଳ ୪ମାସ ପେଣ୍ଡେଣ୍ଟ ପାଇଁ ରଙ୍ଗବେରଙ୍ଗର ଡାଇମଣ୍ଡ ଖୋଜିବାରେ ପଳାଇଥିଲା ବୋଲି ଏଲେକ୍ସ କହିଛନ୍ତି। ଏହି ଗହଣାକୁ ଟାଇଲର ଓ ଏଲେକ୍ସ ମିଶି ଡାଜାଇନ୍ କରିଥିଲେ। ହେଲେ ଏହି ଚେନ୍ରେ ଲାଗିଥିବା ଡାଇମଣ୍ଡ ଓ ସୁନାର କ୍ୟାରେଟ ବିଷୟରେ ଜାଣିଲେ ଆପଣ ଚକିତ ହୋଇଯିବେ। ଆଜ୍ଞା ହଁ ୧୮ କ୍ୟାରେଟ ସୁନାରେ ତିଆରି ହୋଇଥିବା ଏହି ଚେନ୍ରେ ଭିନ୍ନ ପ୍ରକାରର ୧୮୬ କ୍ୟାରେଟର ଡାଇମଣ୍ଡ ଲଗାଯାଇଥିବା ବେଳେ ୬୦ କ୍ୟାରେଟ ନୀଳା ଓ ୨୩,୫୧୫ଟି ଷ୍ଟୋନ୍ ଲାଗିଛି। କେବଳ ପେଣ୍ଡେଣ୍ଟ ପାଇଁ ଟାଇଲର ୫୦୦,୦୦୦ଡଲାର ଖର୍ଚ୍ଚ କରିଛି। ଯାହା ଭାରତୀୟ ମୂଲ୍ୟ ଅନୁସାରେ ପ୍ରାୟ ୩,୭୧,୮୦,୨୫୦ଟଙ୍କା। ତେବେ ଏହି ଚେନ୍ ପଛରେ ଥିବା ଅର୍ଥ ବିଷୟରେ କାହାକୁ ଜଣା ନ ଥିବା ବେଳେ ଟାଇଲର ଏହାକୁ ଏକ ରହସ୍ୟ ରଖିବାକୁ ବସନ୍ଦ କରିଛନ୍ତି। ସୂଚନା ମୁତାବକ ଟାଇଲରଙ୍କ ପୁରା ନାମ ହେଉଛି ଟାଇଲର ଗ୍ରେଗୋରୀ ଓକୋନ୍ମା। ସେ ରେପର ଗାୟକ ହେବା ସହ ଜଣେ ଗାୟକ, ଗୀତିକାର, ଅଭିନେତା, ପ୍ରଯୋଜକ ଓ କମେଡିଆ ମଧ୍ୟ।
