ଗଞ୍ଜାମ,୧୭।୪ (ବିଦ୍ୟାଧର ସାହୁ ): ଗଞ୍ଜାମ ବ୍ଲକ ସୁବଳୟା ପଞ୍ଚାୟତ ଶତ୍ରୁଷୋଲ ଗ୍ରାମ ଠାରେ ଥିବା ଓଡ଼ିଶା ଆଦର୍ଶ ବିଦ୍ୟାଳୟର ଛାତ୍ରୀ ପ୍ରତୀକ୍ଷା ପଲାଇ ଚଳିତ ସିବିଏସ୍ଇ ପରୀକ୍ଷାରେ ୫୦୦ରୁ ୪୭୧ମାର୍କ( ୯୪.୨%) ରଖି ବ୍ଲକ ଟପ୍ପର ହୋଇଥିବା ଜଣାପଡିଛି । ସେହିପରି ଟପ୍ପର ପ୍ରତୀକ୍ଷାଙ୍କ ଯାଆଁଳା ଭଉଣୀ ସେହି ସ୍କୁଲର ଛାତ୍ରୀ ସମୀକ୍ଷା ପଲାଇ ମଧ୍ୟ ଶତକଡା ୮୬.୨ ମାର୍କ ରଖିଛନ୍ତି। ଦୁଇ ଯାଆଁଳା ଭଉଣୀଙ୍କ ଏହି ସଫଳତା ହାସଲ ସମଗ୍ର ଅଞ୍ଚଳ ପାଇଁ ଗୌରବ ଆଣି ଦେଇଛିl ପ୍ରତୀକ୍ଷା ଓ ସମୀକ୍ଷା ହେଉଛନ୍ତି କଣ୍ଟିଆଗଡ ଗ୍ରାମର ବଟେଶ୍ୱର ମନ୍ଦିର ପରିଚାଳନା କମିଟି ସମ୍ପାଦକ ରଞ୍ଜିତ ପଲାଇ ଏବଂ ମିନତୀ ପଲାଇଙ୍କ ଝିଅ। ନିଜର ଏହି କଠିନ ପରିଶ୍ରମ, ବାପା ମା’ଙ୍କ ପ୍ରେରଣା ଓ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ଏହି ଶ୍ରେୟ ଦେଇଛନ୍ତି । ତାଙ୍କର ଏହି କୃତିତ୍ୱ ପାଇଁ ସ୍ଥାନୀୟ ଅଞ୍ଚଳରେ ଖୁସିର ଲହରୀ ଖେଳିଯାଇଥିବା ବେଳେ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି।
