ନୂଆଦିଲ୍ଲୀ,୭।୨: ଗତ ଗତ ୨୪ଘଣ୍ଟା ମଧ୍ୟରେ ସମୁଦାୟ ୧୪୫ରୁ ଅଧିକ ଭୂକମ୍ପ ମଧ୍ୟ ପୂର୍ବ ଦେଶ ତୁର୍କୀ-ସିରିଆରେ ବିନାଶ ଘଟାଇଛି। ସୋମବାର ଘଟିଥିବା ଭୟଙ୍କର ଭୂକମ୍ପରେ ଉଭୟ ଦେଶର ବଡ଼ ବଡ଼ ଅଟ୍ଟାଳିକା ଭାଙ୍କି ଧ୍ୱଂସ ହୋଇଯାଇଛି। ଏଭଳି ପରିସ୍ଥିତିରେ ଭାରତ ତୁର୍କୀକୁ ସାହାଯ୍ୟ କରିବା ପାଇଁ ହାତ ବଢ଼ାଇ ସମସ୍ତ ପ୍ରକାର ସାହାଯ୍ୟ ଯୋଗାଇଦେବାକୁ ନିଶ୍ଚିତ କରିଥିଲା। ବିପର୍ଯ୍ୟୟର ତୁରନ୍ତ ପରେ ପ୍ରଧାନମନ୍ତ୍ରୀ ମୋଦି ନିଜ ରାଜ୍ୟ ବୈଦେଶିକ ମନ୍ତ୍ରୀଙ୍କୁ ଦିଲ୍ଲୀର ତୁର୍କୀ ଦୂତାବାସକୁ ପଠାଇ ତାଙ୍କ ସମବେଦନା ଜଣାଇଛନ୍ତି। ରାଜ୍ୟ ବୈଦେଶିକ ମନ୍ତ୍ରୀ ଭି. ମୁରଲୀଧରନ ଭାରତରେ ତୁର୍କୀ ରାଷ୍ଟ୍ରଦୂତ ଫିରାତ ସୁନେଲଙ୍କୁ ଭେଟି ସମବେଦନା ଜଣାଇବା ସହ ସମସ୍ତ ପ୍ରକାର ମାନବିକ ସହାୟତା ଯୋଗାଇଦେବା ପାଇଁ ପ୍ରତିଶୃତି ମଧ୍ୟ ଦେଇଛନ୍ତି। ଅନ୍ୟପଟେ ଭାରତର ବୈଦେଶିକ ବ୍ୟାପାର ମନ୍ତ୍ରୀଙ୍କ ଏହି ଗସ୍ତ ପରେ ଫିରାଟ ସୁନେଲ ଟୁଇଟ କରିଛନ୍ତି। ସେ କହିଛନ୍ତି, ତୁର୍କୀ ଏବଂ ହିନ୍ଦୀରେ ବନ୍ଧୁ ଓ ବନ୍ଧୁତା ପାଇଁ ଏକ ସାଧାରଣ ଶବ୍ଦ ବ୍ୟବହୃତ ହୁଏ। ଆମ ତୁର୍କୀରେ ଏକ ପ୍ରବାଦ ଅଛି, ଜଣେ ବନ୍ଧୁ ଯିଏ ଆବଶ୍ୟକ ସମୟରେ କାମରେ ଆସେ ସେ ପ୍ରକୃତ ବନ୍ଧୁ ବୋଲି ଫିରାଟ ସୁନେଲ କହିଛନ୍ତି।
