ଜେନେଭା,୨୩।୩ : ଜେନେଭାରେ ମିଳିତ ଜାତିସଂଘ ମାନବ ଅଧିକାର ପରିଷଦର ୫୨ ତମ ଅଧିବେଶନରେ ପାକିସ୍ତାନର ଆତଙ୍କବାଦୀ ଲିଙ୍କ୍ର ପୁଣି ଥରେ ପର୍ଦ୍ଦାଫାଶ ହୋଇଛି। ପାସ୍ତୁନ ରାଜନୈତିକ କାର୍ଯ୍ୟକର୍ତ୍ତା ତେହେରିକ-ଇ-ତାଲିବାନ ପାକିସ୍ଥାନ (ଟିଟିପି) ସହିତ ପାକିସ୍ତାନର ଘନିଷ୍ଠ ସମ୍ପର୍କକୁ ପ୍ରକାଶ କରିଛନ୍ତି।
ପାକିସ୍ତାନ କାର୍ଯ୍ୟକର୍ତ୍ତା ଫଜଲ-ଉର-ରେହମାନ ଆଫ୍ରିଦି କହିଛନ୍ତି ଯେ ଖାଇବର ପାସ୍ତୁନଖ୍ବା (କେପିକେ) ପାକିସ୍ତାନରେ ଖରାପ ହେଉଥିବା ସୁରକ୍ଷା ପରିସ୍ଥିତିକୁ ନେଇ ପରିଷଦର ଦୃଷ୍ଟି ଆକର୍ଷଣ କରିବାକୁ ଚାହୁଁଛୁ। ସେ କହିଛନ୍ତି ଯେ ଶରିୟା ଆଇନ ଅନୁଯାୟୀ ପରିଚାଳିତ ହେବାକୁ ଥିବା ପୂର୍ବତନ ଏଫଏଟିଏ କୁ ଟିଟିପିକୁ ହସ୍ତାନ୍ତର କରିବାକୁ ପାକିସ୍ତାନ ରାଜ୍ୟ ଏବଂ ତେହେରିକ-ଇ-ତାଲିବାନ ପାକିସ୍ଥାନ (ଟିଟିପି) ମଧ୍ୟରେ ଘୋଷିତ ଚୁକ୍ତି ସମ୍ପର୍କରେ ଆମେ ଆମର ଉଦବେଗ ପ୍ରକାଶ କରୁଛୁ।
ସେ ପରିଷଦକୁ କହିଛନ୍ତି ଯେ ଏହି ଚୁକ୍ତି ଅନୁଯାୟୀ ପ୍ରାୟ ୪୪,୦୦୦ ଟିଟିପି ଆତଙ୍କବାଦୀ ଏବଂ ସେମାନଙ୍କ ପରିବାରକୁ କେପିଏକରେ ଥଇଥାନ କରାଯିବ। ହଜାର ହଜାର ପାସ୍ତୁନ, ବିଶେଷକରି ପାସ୍ତୁନ ସୁରକ୍ଷା ଆନ୍ଦୋଳନ ଏହି ଚୁକ୍ତି ବିରୋଧରେ ପାକିସ୍ତାନରେ ପ୍ରଦର୍ଶନ କରିଛନ୍ତି ଏବଂ ସେମାନଙ୍କ ଜମି ଦାବି କରିଛନ୍ତି।
