ଅନେକ ସମୟରେ ଦୂରଯାତ୍ରା କରିବା ବେଳେ ବହୁତ କ୍ଲାନ୍ତ ଅନୁଭବ ହୁଏ। ଆଉ ଆଖିକୁ ନିଦ ଆପେ ଆସିଯାଏ। କିନ୍ତୁ ବସିକି ଶୋଇ ହୁଏନା, ଯଦି ବି ନିଦ ଲାଗିଯାଏ ତେବେ ଅଜାଣତରେ ଆଉ କାହା କାନ୍ଧ ଉପରେ ଶୋଇଯାଇଥାଉ। ଫଳରେ ବହୁତ ଖରାପ ଲାଗେ। ତେଣୁ ଏଭଳି ସ୍ଥିତିକୁ ଏଡ଼ାଇବା ପାଇଁ ତିଆରି ହୋଇଛି ଟ୍ରାଭେଲ୍ ପିଲ୍ଲୋ। ଏହି ଟ୍ରାଭେଲ୍ ପିଲ୍ଲୋ ୟୁ, ଜେ ଅବା ଗୋଲାକାର ଶେପ୍ରେ ଉପଲବ୍ଧ ହୋଇଥାଏ। ଏହାକୁ ବେକରେ ଗୁଡ଼େଇ ବସି ବସି ଆରାମରେ ତା’ ଉପରେ ମୁଣ୍ଡ ରଖି ଶୋଇପାରିବେ। ଏହାଦ୍ୱାରା ଢୁଳେଇ କି ମୁଣ୍ଡ ଆଗକୁ ଝୁଙ୍କି ନ ଥାଏ। ଏହି ତକିଆ ବହୁତ ନରମ ଓ ଆରାମଦାୟକ ହୋଇଥାଏ।
