ଓଡ଼ଗାଁ,୫ା୫(ଆଦର୍ଶ କୁମାର ପଟ୍ଟନାୟକ )ଚାରିଆଡ଼େ ଅସମ୍ଭାଳ ହେଲାଣି ପାନୀୟ ଜଳ ସମସ୍ୟା। କେଉଁଠି ପାଣି ପାଇଁ ଲୋକେ ବହୁ ପଥ ଚାଲି ଚାଲି ଯାଇ ପାନୀୟ ଜଳ ସଂଗ୍ରହ କରୁଛନ୍ତି ତ ଆଉ କେଉଁଠି ପାଣି ମିଳିନାହିଁ। ଗାଁରେ ଥିବା ଟ୍ୟାପ୍ରୁ ଗୋଟିଏ ବାଲ୍ଟି ପାଣି ଭରିବା ପାଇଁ ୨ଘଣ୍ଟା ସମୟ ଲାଗୁଛି। ଗାଁକୁ ପାଣି ଯୋଗାଣ ବ୍ୟବସ୍ଥା ନ ହେଲେ ଲୋକେ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି। ନୟାଗଡ଼ ଜିଲା ଓଡ଼ଗା ବ୍ଲକ ସାକେରି ପଞ୍ଚାୟତ କୁଶଢିପି ଗ୍ରାମରେ ପାନୀୟଜଳ ସମସ୍ୟାର ଏଭଳି ବିକଳ ଚିତ୍ର ଦେଖିବାକୁ ମିଳିଛି।
ଅଭିଯୋଗ ଅନୁଯାୟୀ, କୁଶଢିପି ଗ୍ରାମରେ ସାଢେ ୩ଶହ ଲୋକ ବସବାସ କରନ୍ତି। ଗାଁରେ ୩ଟି ନଳକୂପ ଥିଲେ ମଧ୍ୟ ତାହା ବ୍ୟବହାର ଅନୁପଯୋଗୀ ହୋଇପଡ଼ିଛି ା ସେଥିରୁ ଫ୍ଲୋରାଇ ଯୁକ୍ତ ପାଣି ବାହାରୁଥିବାରୁ ସେହି ପାଣି ବ୍ୟବହାର ନ କରିବାକୁ ବିଭାଗ ପକ୍ଷରୁ କୁହାଯାଇଥିଲା ା ହେଲେ ପାଣି ସମସ୍ୟା ଉତ୍କଟ ହେବାରୁ ଲୋକେ ବାଧ୍ୟ ହୋଇ ସେହି ପାଣି ବ୍ୟବହାର କରୁଛନ୍ତି। ଏହାର କୁପ୍ରଭାବରେ ଶତାଧିକ ପିଲାଙ୍କ ଦାନ୍ତ ହଳଦିଆ ପଡିଛି ା କେହି କେହି ପେଟ ରୋଗରେ ଆକ୍ରାନ୍ତ ହୋଇଛନ୍ତି ା ଗାଁକୁ ପାଣିର ସୁବିଧା ନ ଥିବାରୁ ଲୋକମାନେ ବାରମ୍ଭାର ପ୍ରଶାସନ ପାଖରେ ଗୁହାରି କରିଥିଲେ। ମହିଳାମାନେ ଏକତ୍ରିତ ହୋଇ ବିଭାଗୀୟ ଯନ୍ତ୍ରୀଙ୍କୁ ଭେଟିଥିଲେ ମଧ୍ୟ କୌଣସି ସୁଫଳ ମିଳି ନ ଥିବା କହିଛନ୍ତି। କୁଶଢିପି ଗ୍ରାମରେ ଦେଢବର୍ଷ ତଳେ ଏକ ବୋରିଂ ଖୋଳାଯାଇ ଲୋକଙ୍କୁ ପିଇବା ପାଣି ଯୋଗାଇବା ପାଇଁ ଯୋଜନା ହୋଇଥିଲା। କିନ୍ତୁ ଆଜି ପର୍ଯ୍ୟନ୍ତ ସେହି କାମ ଶେଷ ହୋଇନାହିଁ ା ବିଭାଗୀୟ ଅଧିକାରୀଙ୍କ ଖାମଖିଆଲ କାର୍ଯ୍ୟାନୁଷ୍ଠାନ ଯୋଗୁ ଏପରି ପରିସ୍ଥିତି ସୃଷ୍ଟି ହୋଇଛି ବୋଲି ଗ୍ରାମବାସୀ କହିଛନ୍ତି ା ଏବେ ଖରା ପ୍ରକୋପରେ ନଦୀ, କୂଅ, ପୋଖରୀ ଶୁଖିଲା ପଡ଼ିଛି। ଫଳରେ ସେହି ଫ୍ଲୋରାଇଡ଼ ଯୁକ୍ତ ପାଣି ବାହାରୁ ଥିବା ନଳକୂପ ଉପରେ ଗ୍ରାମବାସୀ ଭରସା କରିଛନ୍ତି । ଏଥିରେ ସୁଧାର ନ ଆସିଲେ ଗ୍ରାମବାସୀ ଆନ୍ଦୋଳନାତ୍ମକ ପନ୍ଥା ଆପଣାଇବା ସହିତ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି । ଏ ସଂକ୍ରାନ୍ତରେ ଜଳ ଓ ପରିମଳ ଯନ୍ତ୍ରୀ ସୁବାସ ସ୍ବାଇଁଙ୍କ ସହିତ ଯୋଗଯୋଗ କରାଯାଇଥିଲା। ସବୁଠି ଜଳ ସଙ୍କଟ ସମସ୍ୟା ରହିଛି। ପର୍ଯ୍ୟାୟ କ୍ରମେ ଉପରୋକ୍ତ ସମସ୍ୟାର ସମାଧାନ କରାଯିବାକୁ ଉଦ୍ୟମ ଜାରି ରହିଛି ବୋଲି ସେ କହିଛନ୍ତି।
