ପୁରୁଷୋତ୍ତମପୁର,୩୧।୧୨(ସିମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ବାଲିଆ ଛକ ନିକଟରେ ରବିବାର ଏକ ଟୁରିଷ୍ଟ ବସ୍ ଓଲଟି ପଡିଛି। ଏହି ଦୁର୍ଘଟଣାରେ ବସରେ ଥିବା ପ୍ରାୟ ୪୦ ଜଣ ଯାତ୍ରୀଙ୍କ ମଧ୍ୟରୁ ୧୦ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ତିନି ଜଣ ଗୁରୁତର ଭାବରେ ଆହତ ହୋଇଛନ୍ତି।
ଲକ୍ଷ୍ମୀନାରାୟଣ ନାମକ ଟୁରିଷ୍ଟ ବସ(ଓଡି୨୨ଏଚ୍୮୫୧୫) ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିପଡିଥିଲା। ଦୁର୍ଘଟଣା ପରେ ଘଟଣାସ୍ଥଳରେ ପୋଲିସ ଅଗ୍ମିଶମବାହିନୀ ଓ ସ୍ଥାନୀୟ ଲୋକେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଆମ୍ବୁଲାନ୍ସ ଓ ଅଟୋ ଯୋଗେ ଆଣି ପୁରୁଷୋତ୍ତମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି।
ସୂଚନାଯୋଗ୍ୟ, ଭଦ୍ରକ ଜିଲା ଅନ୍ନପାଳରେ ଥିବା ଉତ୍କଳ କମ୍ପ୍ୟୁଟର ଇଷ୍ଟିଚ୍ୟୁଟର ପାଖାପାଖି ପ୍ରାୟ ୪୦ ଜଣ ଛାତ୍ରୀଛାତ୍ର ଶନିବାର ରାତିରେ ବାହାରି ତାରାତାରିଣୀ ପୀଠକୁ ଆସି ରବିବାର ସକାଳେ ଦର୍ଶନ ସାରି ଚିଲିକା ଅଭିମୁଖେ ଯାଉଥିବା ବେଳେ ବାଲିଆ ଛକ ନିକଟରେ ବସଟି ଓଲଟି ପଡିଥିଲା।
