ନୂଆଦିଲ୍ଲୀ,୮।୯: ୬ଟି ରାଜ୍ୟର ୭ଟି ବିଧାନସଭା ଆସନରେ ଅନୁଷ୍ଠିତ ଉପନିର୍ବାଚନର ଫଳାଫଳ ଆଜି ଘୋଷଣା କରାଯିବ। ଭୋଟ ଗଣନା ସକାଳ ୮ଟାରୁ ଆରମ୍ଭ ହେବ। ଏହି ନିର୍ବାଚନର ଫଳାଫଳ ବର୍ଷ ଶେଷରେ ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ପୂର୍ବରୁ ଏବଂ ୨୦୨୪ ଲୋକସଭା ନିର୍ବାଚନ ପୂର୍ବରୁ ଭାଜପା ନେତୃତ୍ୱାଧୀନ ଏନଡିଏ ବିରୋଧରେ ବିରୋଧୀ ମିଳିତ ମେଣ୍ଟ ‘ଇଣ୍ଡିଆ’ର ଟେଷ୍ଟ ଭାବରେ ଦେଖାଯାଉଛି। ମଙ୍ଗଳବାର ଅନୁଷ୍ଠିତ ଉପ-ନିର୍ବାଚନରେ ଅଧିକାଂଶ ଆସନରେ ଅଧିକ ଭୋଟ ରେକର୍ଡ କରାଯାଇଥିଲା।
ତ୍ରିପୁରାର ସିପାହିଜାଲା ଜିଲାରେ ଧାନପୁରରେ ୮୯.୨୦ ପ୍ରତିଶତ ଏବଂ ବକ୍ସନଗର ନିର୍ବାଚନମଣ୍ଡଳୀରେ ୮୩.୯୨ ପ୍ରତିଶତ ଭୋଟ ରେକର୍ଡ କରାଯାଇଛି। ପଶ୍ଚିମବଙ୍ଗର ଧୁପଗୁରୀ ଏବଂ କେରଳର ପୁଥୁପାଲ୍ଲିରେ ‘ଇଣ୍ଡିଆ’ର ଗଠନକାରୀ ଦଳ ପରସ୍ପର ବିରୋଧରେ ନିର୍ବାଚନ ଲଢୁଛନ୍ତି। ଧୁପଗୁରୀରେ ପ୍ରାୟ ୭୮ ପ୍ରତିଶତ ଏବଂ ପୁଥୁପାଲ୍ଲିରେ ପ୍ରାୟ ୭୩ ପ୍ରତିଶତ ମତଦାନ ହୋଇଥିଲା।
