ନୂଆଦିଲ୍ଲୀ,୧୭।୧: ଭାଜପାର ୨ ଦିନିଆ ଜାତୀୟ କାର୍ଯ୍ୟକାରିଣୀ ବୈଠକର ମଙ୍ଗଳବାର ଦ୍ୱିତୀୟ ଦିନ ତଥା ଶେଷ ଦିନ। ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚଳିତ ବର୍ଷ ହେବାକୁ ଥିବା ୯ଟି ରାଜ୍ୟରେ ବିଧାନସଭା ନିର୍ବାଚନ ଏବଂ ୨୦୨୪ ନିର୍ବାଚନକୁ ନେଇ ସ୍ବତନ୍ତ୍ର ଆଲୋଚନା କରିବେ। ଏହା ସହିତ ଭାଜପା ଅଧ୍ୟକ୍ଷ ଜେପି ନଡ୍ଡାଙ୍କ କାର୍ଯ୍ୟକାଳ ବୃଦ୍ଧି କରାଯାଇପାରେ।
ରିପୋର୍ଟ ଅନୁଯାୟୀ, ଆଜି ହେବାକୁ ଥିବା ବୈଠକରେ ଏକ ଆର୍ଥିକ ପ୍ରସ୍ତାବ ଉପସ୍ଥାପନ କରାଯିବ। ଏଥିରେ ଦେଶର ଅର୍ଥନୀତିର ସାମ୍ପ୍ରତିକ ସ୍ଥିତି, ଗରିବଙ୍କ କଲ୍ୟାଣ ପାଇଁ କେନ୍ଦ୍ର ଦ୍ୱାରା କରାଯାଇଥିବା କାର୍ଯ୍ୟ, ମହିଳା ଏବଂ ପଛୁଆ ବର୍ଗଙ୍କ ପାଇଁ କରାଯାଇଥିବା କାର୍ଯ୍ୟ ଉପରେ ଆଲୋଚନା କରାଯିବ।
