ନୂଆଦିଲ୍ଲୀ,୧୩।୫: ନୋଏଡା ପରେ ଏବେ ଜୟପୁର ଦୁର୍ବୃତ୍ତଙ୍କ ଟାର୍ଗେଟକୁ ଆସିଛିି। ଜୟପୁରର ଅନେକ ବଡ ବିଦ୍ୟାଳୟକୁ ଧମକପୂର୍ଣ୍ଣ ଇ-ମେଲ ଆସିଛି। ଏଥିମଧ୍ୟରେ ସ୍କୁଲଗୁଡ଼ିକୁ ବୋମା ପକାଇ ଉଡାଇ ଦେବାକୁ ଧମକ ଦିଆଯାଇଛି। ଏହି ଧମକପୂବର୍ଣ୍ଣ ମେଲ୍ ଆସିବା ପରେ ପୋଳିସର ନିଦ ହଜିଛି। ବମ ନିଷ୍କ୍ରିୟ ସ୍କ୍ବାଡ ସକ୍ରିୟ କରାଯାଇଛି। ବିଦ୍ୟାଳୟରେ ସର୍ଚ୍ଚ ଅପରେଶନ ଆରମ୍ଭ ହୋଇଛି।
ଧମକପୂର୍ଣ୍ଣ ଆସିଥିବା ବିଦ୍ୟାଳୟରେ ପୋଲିସ ଟିମ ପହଞ୍ଚି ତଦନ୍ତ ଆରମ୍ଭ କରିଛି। ଡିସିପି ପୂର୍ବ କବିନ୍ଦ୍ର ସାଗର କହିଛନ୍ତି, ବିଦ୍ୟାଶ୍ରମ, ମହେଶ୍ୱରୀ ପବ୍ଲିକ ସ୍କୁଲ ଏବଂ ମାନକ ଚୌକ ଅବସ୍ଥିତ ସେଣ୍ଟ ଟେରେସା ସ୍କୁଲରେ ଇ-ମେଲ ମାଧ୍ୟମରେ ଏହି ଧମକ ପାଇଛି। ଏହା ପରେ ତୁରନ୍ତ ବିଦ୍ୟାଳୟରେ ପହଞ୍ଚିବା ପରେ ତଦନ୍ତ ଆରମ୍ଭ ହୋଇଛି। ଏପର୍ଯ୍ୟନ୍ତ କୌଣସି ବୋମା ମିଳିନାହିଁ। ଘଟଣାସ୍ଥଳରେ ବୋମା ନିଷ୍କ୍ରିୟ ଦଳ ଅଛନ୍ତି। ଜୟପୁରର ଅନ୍ୟାନ୍ୟ ବଡ଼ ବଡ଼ ବିଦ୍ୟାଳୟଗୁଡ଼ିକ ମଧ୍ୟ ସମାନ ଇ-ମେଲ ପାଇଛନ୍ତି। ରବିବାର ବିଳମ୍ବିତ ରାତିରେ ଜୟପୁର ବିମାନ ବନ୍ଦରକୁ ଏକ ବୋମା ବିସ୍ଫୋରଣ ସମ୍ପର୍କରେ ଏକ ଇମେଲ ପଠାଯାଇଥିଲା, କିନ୍ତୁ ଅନୁସନ୍ଧାନ ପରେ ସେଠାରେ କୌଣସି ବୋମା ମିଳି ନ ଥିଲା।
ଏହାପୂର୍ବରୁ ପ୍ରାୟ ଦୁଇ ସପ୍ତାହ ପୂର୍ବରୁ ନୋଏଡାସ୍ଥିତ ସ୍କୁଲଗୁଡ଼ିକୁ ମଧ୍ୟ ବୋମା ଧମକ ଦିଆଯାଇଥିଲା। ଏହା ପରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ବିଦ୍ୟାଳୟଗୁଡ଼ିକୁ ସ୍ଥାନାନ୍ତର କରାଯାଇଥିଲା। ତେବେ କୌଣସି ବିଦ୍ୟାଳୟରେ କୌଣସି ବୋମା ମିଳି ନ ଥିଲା।
