ନାଗପୁର,୨୩ ।୧: ବାଗେଶ୍ୱର ଧାମର ଧିରେନ୍ଦ୍ର ଶାସ୍ତ୍ରୀଙ୍କୁ ଚ୍ୟାଲେଞ୍ଜ ଦେଇଥିବା ଶ୍ୟାମ ମାନବଙ୍କୁ ଧମକପୂର୍ଣ୍ଣ ଫୋନ ଆସିଛି । ଏହାପରେ ନାଗପୁର ପୋଲିସ ସେ ଯେଉଁଠାରେ ରହୁଛନ୍ତି ସେଠାକାର ସୁରକ୍ଷା ବ୍ୟବସ୍ଥାକୁ ବଢାଇ ଦେଇଛି । ଅଂଧଶ୍ରଦ୍ଧା ନିର୍ମୁଲମ ସମିତିର ଉପାଧ୍ୟକ୍ଷଶ୍ୟାମ ମାନବ ଧିରେନ୍ଦ୍ର ଶାସ୍ତ୍ରୀଙ୍କୁ ତାଙ୍କ ସାମ୍ନାରେ ତାଙ୍କ ଚମତ୍କାର ଦେଖାଇବାକୁ ନେଇ ଚ୍ୟାଲେଞ୍ଜ ଦେଇଥିଲେ ।
ମଧ୍ୟ ପ୍ରଦେଶର ଛତରପୁର ସ୍ଥିତ ବାଗେଶ୍ୱର ଧାମର ଆଚାର୍ଯ୍ୟ ଧିରେନ୍ଦ୍ର ଶାସ୍ତ୍ରୀ ମନର କଥା ଜାଣି ପାରନ୍ତି ବୋଲି ଦାବି କରିନ୍ତି । ଚଳିତ ମାସରେ ସେ ନାଗପୁରରେ ‘ଶ୍ରୀରାମ ଚରିତ କଥା’ କରିବାକୁ ଯାଇଥିଲେ । ହେଲେ ସେଠାରେ ଅଂଧ ଶ୍ରଦ୍ଧା ନିର୍ମୁଲ ସମିତିର ଶ୍ୟାମ ମାନବ ଖୋଲାଖୋଲି ଭାବେ ତାଙ୍କୁ ଚାଲେଞ୍ଜ ଦେଇଥିଲେ । ମାନବ କହିଥିଲେ ଧିରେନ୍ଦ୍ର ଶାସ୍ତ୍ରୀ ତାଙ୍କ ସାମ୍ନାରେ ତାଙ୍କର ସିଦ୍ଧି କରି ଦେଖାନ୍ତୁ । ସେ କହିଥିଲେ କି ଯଦି ସେ ଏମିତି କରିଦେବେ ତେବେ ଶାସ୍ତ୍ରୀଙ୍କୁ ୩୦ ଲକ୍ଷ ଟଙ୍କା ଦିଆଯିବ । ମାନବଙ୍କ ଏହି କଥା ଶୁଣିବା ପରେ ଧିରେନ୍ଦ୍ର ଶାସ୍ତ୍ରୀ ତାଙ୍କ କଥାକୁ ୨ ଦିନ ପୂର୍ବରୁ ଶେଷ କରି ସେଠାରୁ ଚାଲି ଆସିଥିଲେ । ଏହାକୁ ନେଇ ଦାବି କରାଯାଉଛି କି ଧିରେନ୍ଦ୍ର ଶାସ୍ତ୍ରୀ ଡରିଯାଇ କଥାକୁ ଶୀଘ୍ର ଶେଷ କରି ଚାଲି ଆସିଲେ । ହେଲେ ଏପଟେ ଧିରେନ୍ଦ୍ର ଶାସ୍ତ୍ରୀଙ୍କ ପକ୍ଷରୁ କୁହାଯାଇଛି କି କାର୍ଯ୍ୟକ୍ରମରେ କାଟଛାଟ ପୂର୍ବରୁ ହୋଇଥିଲା ।
