ନୂଆଦିଲ୍ଲୀ, ୩୦।୮: ବିଶ୍ୱର ସବୁଠାରୁ ଶ୍ରେଷ୍ଠ ଟି୨୦ ଟୁର୍ନାମେଣ୍ଟ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଖେଳ ସହିତ ଏହାର ଅନନ୍ୟ ରେକର୍ଡ ପାଇଁ ମଧ୍ୟ ପରିଚିତ। ଆଇପିଏଲ୍ରେ ଏହିପରି ଅନେକ ରେକର୍ଡ ସୃଷ୍ଟି ହୋଇଛି, ଯାହାକୁ ଖେଳାଳିମାନେ ସର୍ବଦା ମନେ ରଖିଥାନ୍ତି। ସେହିଭଳି ଏଭଳି ମଧ୍ୟ କିଛି ଅଲୋଡ଼ା ରେକର୍ଡ ସୃଷ୍ଟି ହୁଏ ଯାହାକୁ ଖେଳାଳି ଭୁଲିଯିବାକୁ ଚାହଁାନ୍ତି। ଆଇପିଏଲ୍ରେ ବ୍ୟାଟିଂରେ ସେହିଭଳି ଏକ ଅଲୋଡ଼ା ରେକର୍ଡ ଉପରେ ନଜର ପକାଇବା। ଆଇପିଏଲ୍ରେ ସର୍ବାଧିକ ଥର ଶୂନରେ ଆଉଟ୍ ହୋଇଥିବା ବ୍ୟାଟ୍ସମ୍ୟାନ ତାଲିକା ଉପରେ ଯଦି ନଜର ପକାଇବା ତାହାଲେ ଚେନ୍ନାଇ ସୁପର୍ କିଙ୍ଗ୍ସର ହରଭଜନ ସିଂ ସର୍ବାଗ୍ରେ ରହିବେ। ହରଭଜନ ୧୩ଥର ଖାତା ଖୋଲିବା ପୂର୍ବରୁ ଆଉଟ୍ ହୋଇଛନ୍ତି। ତେବେ ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଆଉପିଏଲ୍ରେ ଶୂନରେ ଆଉଟ୍ ହୋଇଥିବା ବ୍ୟାଟ୍ସମ୍ୟାନ ତାଲିକାର ଶ୍ରେଷ୍ଠ-୫ ଜଣଙ୍କ ମଧ୍ୟରେ ଜଣେ ହେଲେ ବିଦେଶୀ ଖେଳାଳି ନାହାନ୍ତି। ଅର୍ଥାତ୍ ୫ଜଣ ଯାକ ଭାରତୀୟ ବ୍ୟାଟ୍ସମ୍ୟାନ। ହରଭଜନଙ୍କ ତଳକୁ ପାର୍ଥତ୍ବ ପଟେଲ (୧୩), ଗୌତମ ଗମ୍ଭୀର(୧୨), ରୋହିତ୍ ଶର୍ମା (୧୨) ଓ ମନୀଷ ପାଣ୍ଡେ (୧୨) ରହିଛନ୍ତି।
