ଓ୍ବାଶିଂଟନ,୨୫।୧୦ : ପ୍ରେମ ପ୍ରଥମ ଦେଖାରେ ମଧ୍ୟ ଘଟେ। କିଛି ଲୋକ ଏହାକୁ ସତ ବୋଲି ବିବେଚନା କରୁଥିବାବେଳେ କିଛି ଲୋକ କୁହନ୍ତି ଏହା ମିଛ। ତେବେ ପ୍ରଥମ ଦେଖାରେ ପ୍ରେମ ବାସ୍ତବ ଅଟେ। ଆମେରିକାର ନ୍ୟାସଶନାଲ ଲୁଇସ ୟୁନିଭରସିଟି ଦ୍ୱାରା କରାଯାଇଥିବା ସର୍ଭେ ରିପୋର୍ଟରେ ଏହା ପ୍ରକାଶ ପାଇଛି। ପ୍ରଥମ ଦେଖାରେ ପ୍ରେମ ଏକ ଜୈବିକ ଘଟଣା, ଏହା କୌଣସି ମ୍ୟାଜିକ ନୁହେଁ।
ବୈଜ୍ଞାନିକମାନେ କୁହନ୍ତି କେବଳ ମଣିଷ ପ୍ରଥମ ଦେଖାରେ ପ୍ରେମରେ ପଡ଼େ ନାହିଁ, ଅନ୍ୟ ପ୍ରଜାତିର ପ୍ରାଣୀମାନେ ମଧ୍ୟ ପ୍ରଥମ ଦେଖାରେ ପ୍ରେମରେ ପଡ଼ନ୍ତି। ଦକ୍ଷିଣ ଆମେରିକାରେ ଦେଖା ଯାଉଥିବା ମୂଷା ପ୍ରେୟରି ଭୋଲ୍ସ କ୍ଷେତ୍ରରେ ମଧ୍ୟ ପ୍ରମ ଦେଖାରେ ପ୍ରେମ ଘଟଣା ଘଟିଥିଲା। ଏହି ମୂଷା ଉପରେ ଗବେଷଣା କରାଯାଇଥିଲା। ମଣିଷ ପରି ପ୍ରାଣୀମାନଙ୍କ ପାଇଁ ମଧ୍ୟ ଏକାକୀ ସନ୍ତାନମାନଙ୍କୁ ବଂଚାଇବା କଷ୍ଟକର। ସେଥିପାଇଁ ସେମାନେ ମଧ୍ୟ ଯୋଡିରେ ରହିବାକୁ ପସନ୍ଦ କରନ୍ତି। ମଣିଷର ସମାନ ପ୍ରବୃତ୍ତି ଅଛି । ଗବେଷଣାରୁ ଜଣାପଡିଛି ଯେତେବେଳେ ଜଣେ ବ୍ୟକ୍ତି ପ୍ରେମରେ ପଡ଼େ, ତା’ର ମସ୍ତିଷ୍କର ୧୦ ରୁ ଅଧିକ ଅଂଶ ସକ୍ରିୟ ମୋଡକୁ ଆସେ ଏବଂ ଏକାଠି କାମ କରିବା ଆରମ୍ଭ କରେ। ଏହି କାରଣରୁ ୪ ପ୍ରକାରର ରାସାୟନିକ ପଦାର୍ଥ ନିର୍ଗତ ହୁଏ ।
ଅନୁସନ୍ଧାନ ଅନୁଯାୟୀ, ଯେତେବେଳେ ପ୍ରେମରେ ଡୋପାମାଇନ, ଅକ୍ସିଟୋସିନ, ଆଡ୍ରେନାଲିନ ଏବଂ ଭାସୋପ୍ରେସିନ ମସ୍ତିଷ୍କରୁ ନିର୍ଗତ ହୁଏ, ଏହି କାରଣରୁ ବ୍ୟକ୍ତି ଉତ୍ସାହୀ, ଆନନ୍ଦିତ ହୁଏ ଏବଂ ତାଙ୍କ ପ୍ରେମ ଦିନକୁ ଦିନ ବଢ଼ିବାରେ ଲାଗେ। ଏହି ରାସାୟନିକ ପଦାର୍ଥ େଯୋଗୁ ମା ଏବଂ ପିଲାମାନଙ୍କ ମଧ୍ୟରେ ପ୍ରେମ ଭାବନା ମଧ୍ୟ ଜାଗ୍ରତ ହୋଇଥାଏ। ଯେତେବେଳେ ଆମେ ପ୍ରେମ ଅନୁଭବ କରୁ, ମସ୍ତିଷ୍କର ସମାନ ଅଂଶ ସକ୍ରିୟ ହୋଇଯାଏ। କୋକେନ ନିଶା ମଧ୍ୟ ଏଭଳି ସ୍ଥିିତି ସୃଷ୍ଟି ହୋଇଥାଏ। ଗବେଷଣାରେ ଅନ୍ୟ ଏକ ପ୍ରକାଶ ହେଉଛି କେହି ଜଣଙ୍କ ପ୍ରତି ଆକର୍ଷିତ ହେବାର ଅନୁଭବ କରନ୍ତି ଏବଂ ଏକ ସେକେଣ୍ଡରୁ କମ ସମୟ ମଧ୍ୟରେ ପ୍ରେମରେ ପଡ଼ନ୍ତି। ଯେତେବେଳେ ଜଣେ ପ୍ରେମରେ ଥାଏ, ଜଣେ ମିଳିତ ହେବାର ଭାବନା ଅନୁଭବ କରେ, ଯାହାକି ଜଣେ ବ୍ୟକ୍ତି ଦୀର୍ଘ ସମୟ ପର୍ଯ୍ୟନ୍ତ, ଜୀବନର ଶେଷ ପର୍ଯ୍ୟନ୍ତ ବଜାୟ ରଖିବାକୁ ଇଚ୍ଛା କରେ ।
