ବିବାହରେ ପ୍ରାୟତଃ କନ୍ୟାପକ୍ଷ ଲୋକେ ବରକୁ ଯୌତୁକ ଦେଇଥାନ୍ତି। ଅନେକ କ୍ଷେତ୍ରରେ କନ୍ୟାର ପରିବାର ପକ୍ଷରୁ ଖୁସିରେ ଯୌତୁକ ଦିଆଯାଉଥିବା ବେଳେ ଡିମାଣ୍ଡ ଅନୁଯାୟୀ ଦେବାର ନଜିର ମଧ୍ୟ ରହିଛି। ହେଲେ ଏବେ ଏଭଳି ଜଣେ ଯୁବକ ଚର୍ଚ୍ଚାରେ ଅଛନ୍ତି, ଯିଏ କନ୍ୟାପକ୍ଷଠାରୁ ଯୌତୁକ ନେବାକୁ ଚାହୁଁ ନାହାନ୍ତି, ବରଂ ଦେବାକୁ ଇଚ୍ଛୁକ ଅଛନ୍ତି। ବିବାହ ଲାଗି ସେ ଏଭଳି ସର୍ତ୍ତ ରଖିଥିବା ଜଣାଇ ପୋଷ୍ଟର ଧରି ରାସ୍ତାରେ ଛିଡ଼ା ହେବା ନଜର ଆସିଛନ୍ତି। ତେବେ ଯଦି ତାଙ୍କୁ ସରକାରୀ ଚାକିରି ଥିବା ଯୁବତୀ ମିଳନ୍ତି ତେବେ ସେ ନିଜେ ଯୌତୁକ ଦେବେ ବୋଲି ପୋଷ୍ଟରରେ ଲେଖାଅଛି।
ସୋସିଆଲ ମିଡିଆରେ ଯୁବକଙ୍କ ଭିଡିଓ ଭାଇରାଲ ହେଉଛି। ପୋଷ୍ଟର ଧରି ଯୁବକ ଏକବଜାରରେ ଛିଡ଼ା ହୋଇଥିବା ଦେଖାଯାଇଛି। ପୋଷ୍ଟରରେ ଯାହା ଲେଖାଅଛି ତାକୁ ପଢ଼ି ଅନେକେ ଚକିତ ହେଉଛନ୍ତି।
ସୁଶାନ୍ତ ନାମକ ଜଣେ ଟୁଇଟର ଆକାଉଣ୍ଟଧାରୀ ଭିଡିଓ ଶେୟାର କରି ଲେଖିଛନ୍ତି, ‘ବିବାହ ଲାଗି ସରକାରୀ ଚାକିରି କରିଥିବା ଯୁବତୀ ଆବଶ୍ୟକ, ଯୌତୁକ ମୁଁ ଦେଇଦେବି’। ତେବେ ଭିଡିଓଟି ମଧ୍ୟପ୍ରଦେଶର ଛିନ୍ଦଓ୍ବାଡା ସହରର ବୋଲି କୁହାଯାଉଥିବା ବେଳେ ଏହାକୁ ନେଇ ଭିନ୍ନ ପ୍ରତିକ୍ରିୟା ପ୍ରକାଶ ପାଉଛି। କେହି କେହି ଯୁବକଜଣଙ୍କ ସମସ୍ତଙ୍କ ଦୃଷ୍ଟି ଆକର୍ଷଣ କରିବା ଲାଗି ଏହା କରୁଥିବା କହୁଛନ୍ତି। କେହି କେହି ଯୁବକଙ୍କ ସମର୍ଥନରେ ବାହାରି ସେ ବାସ୍ତବରେ ଏଭଳି ଝିଅ ଚାହୁଁଥିବା କହିଛନ୍ତି।
ଦେଖନ୍ତୁ ଭିଡିଓ:
*शादी के लिये सरकारी नौकरी वाली लड़की चाहिये,दहेज़ मैं दे दूंगा*
*छिंदवाड़ा का एक युवक एक पोस्टर ले कर खड़ा हुआ मात्र 26 सेकंड का विडिओ जबरदस्त वायरल हो गया ।@BIbhopal #mens pic.twitter.com/LAyfyQ8xDy
— Sushant Peter (@SushantPeter302) January 25, 2023
